Proverbios 16:12 - Biblia Enxet

¹² Eltaqnawhok kelwesse'e apkelwányam ma'a nentémakxa ekmaso nak, hakte ekpéwomo nenlanekxésso amya'a énxet'ák ekyennaqtésso m'a aptémakxa nak wesse' apwányam.

Proverbios 16:12 ပူးပေါင်းရင်းမြစ်များ

2 Crónicas 17:5

Axta keñamak Wesse' egegkok apyennaqtéssessama apteme apkeláneykha m'a apchókxa'. Apyókxoho énxet'ák Judá axta chá'a elsantagkasek aqsok apkelmésso naqsa, xámokmeyk agko' axta aqsok apagkok, tén han apteme ekha kéláyo.

Salmos 99:4

Xép apteme Wesse' Apwányam ekha apyennaqte, apmopmenyého nak nentémakxa ekpéwomo; xép apagko' appekkenma meyke ekyeykhamaxche mók nentémakxa. Appékessessamók axta chá'a exchep apkelánéseykekxa apheykha m'a Jacob énxet'ák apagkok, yetlo ektaqmalma aptémakxa.

Proverbios 16:13

Elásekhohok chá'a wesse' apkelwányam ma'a énxet'ák apkelpaqméteykha nak chá'a yetlo ekmámnaqso', meyke nak chá'a apkelyexamakpoho, elanok chá'a yetlo ektaqmeleykha apkelwáxok.

Proverbios 20:18

Katyapok chá'a yaqwánxa etnahagkok énxet'ák ektaqmela enxoho chá'a apkelpaqmeyesma; kóltaqmelcheshok chá'a kélláneykekxa kéltáhakxa peya enxoho kampakhaxche'.

Proverbios 25:5

nentekkessek agkok xama énxet ekmaso aptémakxa aptamheykha nak ma'a aphakxa nak wesse' apwányam, keñe keytek chá'a apkelánekxésso ektaqmalma apheykha énxet'ák ma'a aptémakxa nak wesse' apwányam.

Proverbios 28:9

Agkok emakók kélxama elyahakxohok ma'a Dios segánamakxa apagkok, memek sa' nahan takha' nempeywa nélmaxnagko apagkok ma'a Dios.

Proverbios 29:14

Kawegqohok sa' chá'a apteme wesse' apwányam ma'a apkeláneykha nak chá'a énxet'ák meyke nak aqsok apagkok, yetlo mekxeykha.

Proverbios 29:4

Wesse' apwányam apkelánekxésso nak chá'a ektaqmalma apheykha apnámakkok, exátekhaksek chá'a apchókxa'; yetsagkasek eyke chá'a m'a apkelmomo nak chá'a selyaqye apnegkenéyak ma'a énxet'ák nak.

Deuteronomio 25:16

Hakte megkalchek agko' apwáxok Wesse' egegkok elanok apyókxoho énxet apkelane nak chá'a xa ektéma nak aqsok tén han apkelane nak chá'a aqsok megkapéwomo.