Proverbios 16:10 - Biblia Enxet

¹⁰ Epaqmétek chá'a wesse' apwányam yetlo apmeykha Dios appeywa, mexének aqsa han chá'a yaqwánxa kólteméssesek énxet megkapayhawo enxoho.

Proverbios 16:10 ပူးပေါင်းရင်းမြစ်များ

Génesis 44:15

aptáhak axta apkeláneya José s'e: —¿Yaqsa aqsok kéllana? ¿Yagkólya'ásegkok xama énxet sekhawo nak ko'o sekmowána ay'asagkohok yaqwánxa katnehek?

Génesis 44:5

apmeykencha'awól'a chá'a wesse' ahagkok ének apyá, tén han ey'asagkohok yaqwánxa katnehek? ¡Asagkók agko' kéltáhakxa!’

2 Samuel 14:16

Aphaxnawók sa' agkok xép sektáhakxa, wesse', apwanchek hẽlmallahanchesek nepyeseksa m'a apmáheyo nak hegmasséssók, hatte tén han ko'o, keso xapop ektáha nak apagkok ma'a Dios.

1 Reyes 3:28

Apyókxoho énxet'ák Israel axta apkellegeyk ektémakxa apyekpelchémo wesse' apwányam, apkeltémókxa kólteméssesek, keñe axta aptéma apcháyo, hakte apkelweteyak axta ektémakxa Dios apméssama apya'áseykegkoho aqsok yaqwayam elánekxések amya'a énxet'ák.

2 Crónicas 26:16

Xama axta ekyennaqweykmo apteme ekha kéláyo, eyeymáxkoho apwáxok axta aptemék, eksexnenagkama axta aptawásamákpo. Apkenmexeykekxeyk axta Dios Wesse' apagkok, hakte aptaxnegweykekxeyk axta Wesse' egegkok tegma appagkanamap apagkok, yaqwayam ewatnek aqsok ekmátsa nak ekpaqneyam éten agkok ma'a ekwatnamáxchexa nak aqsok ekmátsa ekpaqneyam éten agkok.

Salmos 99:4

Xép apteme Wesse' Apwányam ekha apyennaqte, apmopmenyého nak nentémakxa ekpéwomo; xép apagko' appekkenma meyke ekyeykhamaxche mók nentémakxa. Appékessessamók axta chá'a exchep apkelánéseykekxa apheykha m'a Jacob énxet'ák apagkok, yetlo ektaqmalma aptémakxa.

Proverbios 29:4

Wesse' apwányam apkelánekxésso nak chá'a ektaqmalma apheykha apnámakkok, exátekhaksek chá'a apchókxa'; yetsagkasek eyke chá'a m'a apkelmomo nak chá'a selyaqye apnegkenéyak ma'a énxet'ák nak.

Oseas 10:4

Epaqmésmakha aqsa chá'a, héltennaksek chá'a aqsok apmopwána amya'a, exnéshok aqsa chá'a mók apkelpaqhetchásamákpoho m'a pók apkelwesse'e nak; kaxhok sa' yámet ekmaso m'a ektémakxa nak chá'a apkelánekxésso amya'a énxet'ák, ekteyapmól'a m'a kélpeynchámxa enxoho xapop.”

Amós 5:7

¡Kéxegke laye, kéltemessáseykekxa nak aqsok ekmáske m'a nentémakxa ekpéwomo, tén han kélyamasma nak ekpéwomo kéllánekxésso amya'a énxet'ák!

Amós 6:12

¿Apwancheya yenyahagkok yátnáxeg neyseksa meteymog? ¿Kélwancheya kólpeynchók xapop ma'a neyseksa wátsam ekwányam? ¡Pánaqte segaqhamo kélteméssáseykekxak kéxegke m'a ekpéwomo kéllánekxésso nak amya'a m'a énxet'ák, keñe m'a ektekkesso nak chá'a nentémakxa ekpéwomo kéltemessáseykekxo ekmáske!