Proverbios 15:32 - Biblia Enxet

³² Énxet megyaháxenmo nak kélpaqhetchesso, apsexnánémakpekxoho apagko' etnehek; keñe m'a apkelyeheykekxoho nak chá'a kélnokáseykha, étak apya'áseykegkoho aqsok.

Proverbios 15:32 ပူးပေါင်းရင်းမြစ်များ

Salmos 50:17

megkalcha enxoho kélwáxok alxekmósagkok, tén han megkólámenyého enxoho m'a sekpeywa.

Proverbios 1:7

Néltamhók agkok antéhek negya'áseykegkoho aqsok, kéméxcheyk sekxók antéhek negáyo Wesse' egegkok; elwanyaha eyke chá'a énxet élyeyháxma xa ektémakxa nak negya'áseykegkoho aqsok, tén han ma'a ektémakxa nak chá'a sẽlpékessáseyak.

Proverbios 10:17

Énxet apháxenmo nak kélpaqhetcháseykha, emhagkok ma'a ámay ekyennaqtamakxa nak egnények; keñe m'a énxet megyaháxenmo nak kéltennáseykekxoho aptáhakxa, etwasakpok sa'.

Proverbios 13:18

Meyke aqsok apagkok sa' etnehek ma'a énxet melyaheykekxa nak chá'a kélpaqhetcháseykha, emegqeyk sa' han chá'a; kéláyo ekyawe sa' eyke etnehek ma'a énxet apkelyeheykekxoho nak chá'a ektémakxa kélpékessáseyak.

Proverbios 15:14

Énxet apmopwána nak aqsok, etegyekxohok apya'áseyak aqsok, keñe m'a élyeyháxma nak, etegyekxoho aqsa aqsok élyeyháxma.

Proverbios 15:21

Kapeykessásekxak chá'a apwáxok apteme ekyeyháxma m'a énxet meyke nak ekxeyenma apwáxok; elanagkohok eyke chá'a ektémakxa apxega m'a énxet apmopwána nak aqsok.

Proverbios 15:31

Énxet apháxenmo nak kélnókáseykha, segméssamo nak ekyennaqte egnények, epáxaqwók sa' ma'a énxet'ák apkelya'áseykegkoho nak aqsok.

Proverbios 15:33

Negáyo Wesse' egegkok ekteme sẽlxekmósso m'a negya'áseykegkoho aqsok; néltamhok agkok antéhek sẽláyo, kéméxcheyk sekxók antéhek meyke eyeymáxkoho egwáxok.

Proverbios 15:5

Megyeyxók appaqhetchesso apyáp ma'a énxet ekyeyháxma nak; keñe m'a apkelyeheykekxoho nak chá'a, cháxa apxekmósa apteme ekha apya'áseyak aqsok.

Proverbios 17:16

Kaqhok exegmak énxet ekyeyháxma esógmak selyaqye yaqwayam emok negya'ásegwayam aqsok, méko apya'áseyak.

Proverbios 18:15

Elwetak chá'a apkelya'ásegwayam aqsok aptegyágko enxoho m'a énxet apkelya'áseykegkoho nak aqsok, tén han ma'a apmopwancha'a nak aqsok.

Proverbios 19:20

Yeyxho chá'a ektáhakxa kélpaqhetchesso, ema chá'a takha' ektáhakxa kélnókáseykha; keñe sa' etnehek ekha apya'áseykegkoho aqsok.

Proverbios 29:1

Énxet apyennaqtésso nak apwáxok kólnókasha, kaxwo' agko' sa' kólmasséssók meyke apwayam teyp.

Eclesiastés 7:5

Tásek hempaqhetchesek ekyennaqte m'a énxet ekha nak apya'áseyak aqsok, megkaxnawok senxéneykha ektaqmela m'a énxet ekyeyháxma nak.

Isaías 1:5

Kélmenyeyk aqsa kéxegke kóltéhek sélenmexeykha, méko kaxwók yaqwánxa enxoho anlegássesagkohok ma'a kélyókxa. Sawheykekxók élyense m'a kélpátek, massegkek nahan kélyennaqte.

Isaías 3:9

Melmegqaqto kelsexnenagkók ma'a; melpóssók ma'a apkeltémakxa melya'assáxma, aphawók ma'a apkeltémakxa axta énxet'ák Sodoma, apkelxekmóssamók ma'a apyókxoho énxet'ák. ¡Énxet'ák laye, aptegyéyak apagko' yaqwayam kóllegássesagkoho'!

Jeremías 5:3

Wesse', wánxa exchep aptegyeykencha'a chá'a m'a énxet apteméssesso nak chá'a ekmámnaqsoho appeywa. Apkellegassáseykegkók axta exchep; axta eyke ellegeykegkok; apmassésseykmek axta eykhe, axta eyke kalyaqwámeykegkok elya'ásegwók. Kalyéha'ak agko' apkelwáxok, yeykhágweykmók ma'a ekweykenxal'a ekyennaqte meteymog, axta emáheyók elyaqmagkasek apkelwáxok.

Deuteronomio 21:18

“Yetneyk agkok apketche xama énxet meyke nak apkelyaheykekxoho appeywa tén han ekyennaqte nak apwáxok, melyaheykekxa nak aptáhakxa yának ma'a apyáp tén han egken, megkeyxek ma'a aplegassáseykegkoho,

Deuteronomio 21:20

sa' katnehek kának apkelámha apmonye'e s'e: ‘Melyaheykekxa amya'a negko'o egketche, ekyennaqte apwáxok nahan; mehẽlyahakxeyk chá'a xama enxoho, asagkek aptémakxa, anmen áto'.’