Proverbios 15:26 - Biblia Enxet

²⁶ Eltaqnawhok Wesse' egegkok ma'a apmáheyo nak chá'a elanagkok aqsok ekmaso, kalkohok eyke chá'a apwáxok ma'a kélpeywa meyke nak ekyepetche xama aqsok ekmaso.

Proverbios 15:26 ပူးပေါင်းရင်းမြစ်များ

Salmos 19:14

Oh Wesse', apteme nak sekyexanmo, tén han sewagkasso teyp, ema sa' yetlo ektaqmeleykha apwáxok sekpeywa tén han élchetámeykha ewáxok.

Salmos 45:1

Lanawók ko'o ewáxok amya'a ekmátsa; hawók ahaxkok ma'a táxésso apmeykencha'awól'a m'a apmopwána nak etaxaksek. ¡Alyetsetchesek sa' ko'o amya'a ekmátsa ahagkok nápaqtók wesse' apwányam!

Proverbios 11:20

Etaqnawhok Wesse' egegkok ma'a énxet ekmaso nak chá'a élchetámeykha apwáxok, kalkohok eyke apwáxok elanok ma'a énxet ektaqmalma nak chá'a apkeltémakxa'.

Proverbios 15:23

¡Kalpeykásekxohok chá'a apkelwáxok énxet ekpayhawo enxoho chá'a aqsok nenxeyenma, ekyagwánxa agkok ma'a negaqhawo enxoho kélámenyéxa katnehek!

Proverbios 15:25

Epalchessesek chá'a apxanák Wesse' egegkok ma'a énxet éleymáxkoho nak chá'a apkelwáxok, megyohók eyke chá'a kólmenyexchesek xapop agkok ma'a kelán'a tampe'.

Proverbios 15:27

Énxet ekyeykhágweykmoho nak apmopmenyého exámasagkok aqsok apagkok, enaqtawásekxohok apagkok chá'a m'a ekheykha nak apxagkok, keñe m'a aptaqhessamo nak selyaqye apxawe yaqwayam mexének ektemegweykmoho exma', eweynchamha sa' makham.

Proverbios 16:24

Máxa yányawhéna' apyegmenek ma'a ekmátsa nak nempeywa: hegátsessásekxak chá'a egwáxok, hegmeyásekxak han chá'a axnagkok negyennaqte.

Proverbios 24:9

Magya'assáxma m'a ekxéneykha nak chá'a apwáxok elának ma'a énxet ekyeyháxma; ¡apyókxoho énxet'ák chá'a etaqnawhok ma'a énxet ekyenneykha nak chá'a appeywa!

Jeremías 4:14

Jerusalén, yáxñásekxa apwáxok aqsok ekmaso, keñe sa' ewagkasakpok teyp. ¡Elwatés ekxéneykha apwáxok aqsok ekmaso!