Proverbios 15:25 - Biblia Enxet

²⁵ Epalchessesek chá'a apxanák Wesse' egegkok ma'a énxet éleymáxkoho nak chá'a apkelwáxok, megyohók eyke chá'a kólmenyexchesek xapop agkok ma'a kelán'a tampe'.

Proverbios 15:25 ပူးပေါင်းရင်းမြစ်များ

Job 24:21

Meltaqmelchesek axta chá'a m'a kelán'ák megkalwete nak étchek, tén han ma'a xentampe'e nak; axta epasmók xama enxoho.

Salmos 10:14

Apweteyak xép ma'a apkeltémakxa ekmaso senlókassamo nak anlano'; ¡apweteyak xép, etnéssesek sa' han ma'a ekpayhawo nak etnéssesek! Apkelyexánegweykmek xép ma'a meyke nak élmasma; xép appasmo chá'a m'a élyéheykha nak.

Salmos 138:6

Netnók eykhe aphakxa m'a Wesse' egegkok, étak eyke chá'a m'a énxet megkeymáxkoho nak apwáxok, makhawók chá'a ékpelkohok ma'a apcheymákpoho nak.

Salmos 146:9

eltaqmelcheshok chá'a Wesse' egegkok ma'a énxet'ák apkeleñama nak mók nekha, epasmok chá'a m'a élyeyheykha nak, tén han xentampe'e nak, yetsagkasseshok eyke chá'a ámay apagkok ma'a élmasagcha'a nak apkeltémakxa.

Salmos 52:1

¿Yaqsa ektéma apxéneykencha'a nak chá'a aptémakxa ekmaso, xép apyennaqteyásamákpoho nak chá'a? ¡Megkayaqmagkassemek ektémakxa m'a Dios segásekhayo!

Salmos 52:5

Emasséssamhok apagko' sa' eyke han xépxa m'a Dios: emok sa', keñe sa' etekkesek ma'a apxagkok nak; yaqhek sa'.

Proverbios 12:7

Apmassegwokmek agkok ma'a élmasagcha'a nak apkeltémakxa', metepagkehek chá'a, keñe m'a apkelpéwomo nak, etepagkok aqsa chá'a aptawán'ák neptámen.

Proverbios 14:11

Kólmasséssessók sa' apxanák ma'a énxet'ák élmasagcha'a apkeltémakxa'; tásek sa' eyke katnehek aphéyak apxanák ma'a énxet'ák meyke nak apkeltémakxa'.

Proverbios 15:26

Eltaqnawhok Wesse' egegkok ma'a apmáheyo nak chá'a elanagkok aqsok ekmaso, kalkohok eyke chá'a apwáxok ma'a kélpeywa meyke nak ekyepetche xama aqsok ekmaso.

Proverbios 23:10

Nágkólxegkásekxoho chá'a xapop kélagkok ekpekkenamaxchexa axta nanók néxa', ná émentagwom han xapop apagkok ma'a apkelyéheykha nak,

Isaías 1:17

¡Kóltámesaxche kéllánéyak aqsok ektaqmela, kólwasqápekxoho kóllának ma'a aqsok ekpéwomo nak, kólpásem ma'a énxet'ák kélnaqtawáseykegkoho nak, kóltaqmelchessásekxa ekheykha m'a élyeheykha nak, kólmeyókas nahan ektémakxa nak chá'a ekha m'a kelán'a tampe nak!”

Isaías 2:12

cham'a ekhem apkelana sa' aqsok Wesse' ekha nak apyennaqte, yenmexek apyókxoho m'a énxet'ák apkeleymákpoho nak, tén han ma'a apyókxoho éleymáxkoho nak apkelwáxok, tén han ma'a apkene nak etnahágkok ekha kéláyo, yaqwayam etnessásekxak kóneg;

Jeremías 5:28

tén han apnaqmelaya tén han ektaqmalma aptéyak. Méko néxa m'a apkeltémakxa ekmaso: melánekxések chá'a amya'a yaqwayam etaqmelchessásekxak ekheykha m'a élyéheykha nak, melanók han chá'a ektémakxa nak apheykha m'a meyke nak aqsok apagkok.

Daniel 5:20

Xama axta apmoma eyeymáxkoho apwáxok, tén han aptéma ekyennaqte apwáxok yetlo apcheymákpoho, keñe kélyementameykekxo m'a aptémakxa axta ekha apmopwána, tén han apcheymákpoho apteme wesse' apwányam.

Deuteronomio 19:14

“Nágkólyeykhássamho aqsa néxa xapop kélagkok xapop apagkok nak énxet'ák apheykha ketók kélheykegkaxa m'a apchókxa yaqwánxa sa' egkések ma'a Dios Wesse' kélagkok, cham'a ekxénamaxchexa axta chá'a néxa m'a nanók axta.