Proverbios 15:19 - Biblia Enxet

¹⁹ Xámok katnehek am'ák ámay apagkok ma'a énxet apháxamakpoho nak chá'a etneykha; cháxña'awók eyke katnehek ámay apagkok ma'a énxet ekpéwomo nak aptémakxa'.

Proverbios 15:19 ပူးပေါင်းရင်းမြစ်များ

Salmos 25:12

Énxet apcháyo nak chá'a Wesse' egegkok, exekmósek chá'a ámay eyeyméxko nak chá'a étlók;

Salmos 27:11

Wesse', hexekmós ko'o exchep ámay apagkok, héntemekxa m'a ektaqmelakxa nak ámay, hakte apxámok ko'o sélenmexma;

Salmos 5:8

Wesse', hepékessessák ko'o yaqwayam atnehek ma'a aptémakxa nak xép ekpéwomo aptémakxa, hakte apxámok ma'a sélenmexma nak, heyaxñásses ma'a ámay apagkok nak.

Proverbios 11:5

Ektaqmalma aptémakxa chá'a kapékesseshok apxega m'a énxet ekpéwomo nak aptémakxa, esexnáneykpekxohok apagko' eyke chá'a kápekxak aptémakxa ekmaso m'a énxet ekmaso nak aptémakxa'.

Proverbios 15:18

Etekkesek chá'a éllámaxche m'a énxet ekmanyehe nak chá'a elwok; emasseksek eyke chá'a m'a énxet mepekhésamap nak chá'a elwok.

Proverbios 15:20

Epeykessásekxak chá'a awáxok chána m'a kélketche apya'áseykegkoho nak aqsok; elwanyaha eyke chá'a chána m'a kélketche ekyeyháxma nak.

Proverbios 22:13

Etnehek chá'a epaqmétek énxet apháxamákpoho nak chá'a etneykha s'e: “Yámakméwa yagqak ámay, heyaqhek katnehek.”

Proverbios 22:5

Xámok kelhanma ámay apagkok ma'a énxet ekmaso nak aptémakxa'; tén han am'ák, étnakhaksek eyke chá'a m'a apmeyámakpoho apagko' nak chá'a.

Proverbios 26:13

Etnehek chá'a epaqmétek énxet apháxamákpoho nak chá'a etneykha s'e: ‘Yámakméwa yagqak ámay, ko'o peyk hethánek.

Proverbios 3:6

Ná elwánaqma chá'a Wesse' egegkok apkelana enxoho chá'a ekyókxoho aqsok, keñe sa' ma'a, exekmósek chá'a m'a ámay ekpéwomo nak.

Proverbios 6:6

Énxet, apháxamákpoho nak etneykha; exeg, elanha aptémakxa m'a pexyegke, etne m'a aptamheykegkaxa nak:

Proverbios 8:9

Yáxña'akxoho elanok sekpeywa m'a énxet apmopwána nak aqsok, péwók elanok ma'a énxet apya'áseykegkoho nak aqsok.

Isaías 30:21

Kélyetnakhágwokmek sa' agkok chá'a kélxega, kóllegak sa' chá'a xama kélpeywa kélnentámen katnehek se'e: “Payhók ámay se'e, kólmeyenta s'e.”

Isaías 35:8

Keytek sa' nahan xama ámay ma'a neyseksa nak, kólteméssesek sa' ekwesey “ámay ekpagkanamaxche'”. Mopwanchek sa' elpéwhok élmanyása nak apkeltémakxa m'a; melpéwók sa' nahan chá'a m'a énxet'ák élyeyháxma nak.

Isaías 57:14

Keñe sa' kañexchek katnehek kalpaqmetaxchek se'e: “Kóllána sa' xama ámay éláxñeyo agko', kólyetnakhés sa' ma'a aqsok élhaxtaméyak nak chá'a ámay yaqwayam sa' elyeykhak ma'a énxet'ák ahagkok.”