Proverbios 15:16 - Biblia Enxet

¹⁶ Tásek antéhek meyke aqsok egagkok, tén han antéhek negáyo Wesse' egegkok, kaxnók antéhek ekxákma aqsok egagkok, ekyetnamakxa nak ektamheykha egwáxok.

Proverbios 15:16 ပူးပေါင်းရင်းမြစ်များ

Salmos 37:16

Ántawók eykhe katnehek aqsok apagkok ma'a énxet ektaqmalma nak aptémakxa, tásek eyke, kaxnók ma'a ektémakxa nak ekxámokma aqsok apagkok ma'a énxet'ák élmasagcha'a nak apkeltémakxa.

Proverbios 10:22

Ekxákma aqsok egagkok hegwetaksek ma'a ektémakxa nak Wesse' egegkok sempasmo, megkeypetchek ma'a nenlegeykegkoho nak.

Proverbios 15:15

Yentexek chá'a katnehek apha yókxoho ekhem ma'a aplegeykegkoho nak ekyentaxno apwáxok; yókxoho ekhem akke katnehek chá'a ektaqmalma apha m'a ekpayheykekxa nak chá'a apwáxok.

Proverbios 16:8

Tásek antéhek ántawók aqsok egagkok yetlo meyke nentémakxa', kaxnók agwetak ekxámokma aqsok egagkok yetlo megkapéwomo nentémakxa.

Proverbios 17:1

Tásek antók nento élyenneykekxa éleymomáxche, tén han anxek meyke ektáhakxa egwáxok, kaxnók anlának chá'a ekxámokma ektámáxche ekyawe tén han ólenmexaxche'.

Proverbios 28:6

Tásek antéhek meyke aqsok egagkok tén han meyke nentémakxa, kaxnók antéhek ekxámokma nak aqsok egagkok, tén han megkapéwomo nak nentémakxa'.

Eclesiastés 4:6

Keñe ko'o sektáha s'e: “Tásek óllókasek ketsék negyampé, megkaxnawok ma'a negyampayo nak, eñama negmáheyo agmagkok éxchahayam.”