Proverbios 15:15 - Biblia Enxet

¹⁵ Yentexek chá'a katnehek apha yókxoho ekhem ma'a aplegeykegkoho nak ekyentaxno apwáxok; yókxoho ekhem akke katnehek chá'a ektaqmalma apha m'a ekpayheykekxa nak chá'a apwáxok.

Proverbios 15:15 ပူးပေါင်းရင်းမြစ်များ

Génesis 37:35

Kelenxáneykmek axta eykhe kapeykessásekxak apwáxok ma'a apketchek apkelennay'a tén han kelwán'ák, mopmenyeyk axta eyke kólpeykessásekxak apwáxok; apkelekxagweykha axta aqsa apketamsama apketche, aptéma s'e: “Alenxanmohok sa' aqsa sélapwayam sétamso hatte, ekwokmoho sektahanyeykxo m'a apkelmaheykegkaxa nak apkeletsapma.”

Génesis 47:9

Aptáhak axta apchátegmowágko Jacob se'e: —Ciento treinta apyeyam ahagkok ko'o entáhak sekweynchámeykegkaxa'. Apqántawók apyeyam ahagkok sekweynchámeykha, yókxoho apyeyam sekwete ekmaso sekha, mathanyeykekxak ma'a ekweykenxa axta apheykha élyapmeyk nano'.

Proverbios 15:13

Ekpayheykekxa egwáxok, kátsaha négát; élapwayam egwáxok, megkátsaha négát.

Proverbios 15:14

Énxet apmopwána nak aqsok, etegyekxohok apya'áseyak aqsok, keñe m'a élyeyháxma nak, etegyekxoho aqsa aqsok élyeyháxma.

Proverbios 15:16

Tásek antéhek meyke aqsok egagkok, tén han antéhek negáyo Wesse' egegkok, kaxnók antéhek ekxákma aqsok egagkok, ekyetnamakxa nak ektamheykha egwáxok.

Proverbios 16:22

Negya'áseykegkoho aqsok ekteme ekteyapmakxa m'a ekyennaqte egnények; nélxekmóssek agkok énxet'ák élyeyháxma nak, élyeyháxma aqsa chá'a etnahagkok.

Proverbios 17:22

Pánaqte ektaqmela m'a ekmátsa nak egwáxok, hegyélaqtéshok eyke m'a ekyaqhápeykha egwáxok nak.