Proverbios 14:8 - Biblia Enxet

⁸ Keykpelchásseshok chá'a aptémakxa énxet apya'áseykegkoho nak chá'a aqsok ma'a negya'áseykegkoho nak aqsok, keñe m'a énxet ekyeyháxma nak, kalyexanchesha chá'a m'a aptémakxa nak ekyeyháxma.

Proverbios 14:8 ပူးပေါင်းရင်းမြစ်များ

Salmos 111:10

Néltamhók agkok antéhek ekyawe negya'áseykegkoho, kéméxcheyk sekxók antéhek negáyo Wesse' egegkok; ektaqmeleykha élchetámeykha apwáxok etnehek ma'a apcháyo nak chá'a. ¡Megkamassegwomek sa' chá'a kélteméssesso apcheymákpoho Dios!

Salmos 119:5

¡Émenyeyk eykhe ko'o mayensemek sélyeheykekxoho m'a segánamakxa apagkok nak!

Salmos 119:73

Xép apagko' axta sélane, tén han apkelane sekyókxa'; ¡hegkés ko'o sekya'áseyak aqsok, yaqwayam sa' héltamek ma'a apkeltémókxa nak xép antéhek!

Salmos 143:8

Hey'assásegwakxoho chá'a ko'o ektémakxa seyásekhayo ekyókxoho axto'o, hakte may'ásseykmok ko'o exchep. Hey'ássesagkoho chá'a yaqwánxa atnehek sekweynchámeykha, hakte éltennássek ko'o exchep ma'a aqsok sekmámenyého.

Proverbios 11:18

Megkapasmehek ekyánmaga aptamheykha m'a énxet ekmaso nak aptémakxa'; keñe m'a énxet ekpéwomo nak chá'a aptémakxa', naqsók sa' kapasmok ekyánmaga aptamheykha.

Proverbios 12:5

Aqsok ekpéwomo chá'a kalxénmakha apkelwáxok etekkesek ma'a énxet'ák apkelpéwomo nak; keñe m'a élmasagcha'a nak apkeltémakxa', wánxa aqsa m'a nélyexancháseykha nak chá'a egmók.

Proverbios 15:21

Kapeykessásekxak chá'a apwáxok apteme ekyeyháxma m'a énxet meyke nak ekxeyenma apwáxok; elanagkohok eyke chá'a ektémakxa apxega m'a énxet apmopwána nak aqsok.

Proverbios 2:9

Ey'ásegwók sa' ma'a ekpayhawo nak antéhek tén han ma'a aqsok ekpéwomo nak, elának sa' nahan ma'a ekyókxoho aqsok éltaqmela nak,

Proverbios 8:20

Eytlók chá'a ko'o m'a ámay ekpéwomo nak, cham'a ámay ektaqmelchessamo nak negha.

Eclesiastés 2:13

Ekweteyak axta negya'áseyak aqsok ektáha ektaqmela, megkaxnawok ma'a segyeyháxma nak, ekhawo nak han ektémakxa élseyéxma ektaqmalma, megkaxnawok ma'a ekyaqtéssóxma nak.

Eclesiastés 2:16

Hakte méko chá'a kaxénwakxohok awáxok ma'a énxet ekha nak apya'áseyak aqsok, tén han ma'a énxet ekyeyháxma nak; méko sa' kaxénwakxohok awáxok ma'a egmonye' sa', eletsaphok chá'a m'a énxet ekha nak apkelya'áseyak aqsok, tén han ma'a élyeyháxma nak.”

Jeremías 13:20

Kólyeheykha, kóllano ektáhakxa apkelxegáyam kélenmexma m'a ekpayho nak nexcheyha. ¿Háxko apkelmahágkaxa m'a nepkések séltémo axta ko'o héltaqmelchessesek, cham'a nepkések eyaqheykencha'a axta kéxegke kélwáxok?