Proverbios 14:6 - Biblia Enxet

⁶ Etegyaha eykhe apya'áseykegkoho aqsok ma'a énxet apwañémo nak chá'a aqsok, méteyágwomek eyke; keñe m'a apmopwána nak aqsok, yeskohok chá'a étak apya'áseyak aqsok.

Proverbios 14:6 ပူးပေါင်းရင်းမြစ်များ

Salmos 119:18

Hexekmós yaqwayam sa' ko'o ótak ma'a aqsok éltaqmela nélxekmowásamáxche apagkok nak.

Proverbios 1:5

Yeyxhok ma'a apya'áseykegkoho nak aqsok, keñe yepmenyéhok chá'a mók makham apya'áseykegkoho aqsok, tén han kántagkok chá'a m'a ektémakxa apya'áseyak aqsok,

Proverbios 14:5

Metnehek apmopwána amya'a m'a apxeyenma nak chá'a apweteykegkoho naqso'; apmopwána amya'a eyke chá'a etnehek ma'a apxeyenma nak chá'a apweteykegkoho megkamámnaqsoho.

Proverbios 14:7

Ná épetchegwomho m'a énxet élyeyháxma nak, hakte megkaltamaksek xép aqsok ma'a apkelpeywa nak.

Proverbios 15:12

Megyásekheyk ektáha nak chá'a apnókáseykha m'a énxet apchásennamap nak, mepáxaqwomek nahan ma'a énxet'ák apkelya'áseykegkoho nak aqsok.

Proverbios 17:16

Kaqhok exegmak énxet ekyeyháxma esógmak selyaqye yaqwayam emok negya'ásegwayam aqsok, méko apya'áseyak.

Proverbios 17:24

Apya'ásegwayam aqsok aqsa kaxének apwáxok étak ma'a énxet apmopwána nak aqsok, keñe m'a ekyeyháxma nak, mey'asagkehek chá'a yaqwánxa elána'.

Proverbios 18:2

Mopmenyeyk kaltamék aqsok ma'a énxet ekyeyháxma nak; wánxa aqsa eltamhok kahaxnaxkohok ma'a ektémakxa nak apya'áseyak aqsok.

Proverbios 24:7

Mey'asagkehek chá'a yaqwánxa etnehek appeywa énxet ekyeyháxma aphakmo enxoho m'a sẽlyekpelchémókxa nak, hakte megkeytnók aphakxa m'a negya'áseykegkoho nak aqsok.

Proverbios 26:12

Egwanchek makham ampasmok ma'a énxet ekyeyháxma nak, kaxnók ma'a énxet apxeyenma nak apya'áseykegkoho ekyókxoho aqsok.

Proverbios 8:8

Péwók agko' ko'o m'a ekyókxoho sekpeywa; méko xama enxoho ekmowána amya'a.

Proverbios 8:9

Yáxña'akxoho elanok sekpeywa m'a énxet apmopwána nak aqsok, péwók elanok ma'a énxet apya'áseykegkoho nak aqsok.

Isaías 8:20

yaqwayam enxoho elxawagkok chá'a apkeláneyákpexa etnahagkok, essenhan xama amya'a!” Megkatnehek sa' metne apkelpeywa xa, amya'a ekyeyháxma eyke xa aptamheykegkaxa nak apkelpeywa.

Jeremías 8:9

Elmegqágwakxak sa' eyke xa énxet'ák apkelmopwancha'a nak aqsok, elyelqakpok sa', ektémól'a aqsok nawha'ák élmál'a kelhanma. Apkelyetnakhássek agkok sekpeywa Méko katnehek apkelmopwancha'a aqsok.