Proverbios 14:22 - Biblia Enxet

²² Elxegánegwók chá'a ámay apagkok ma'a énxet'ák apmáheyo nak chá'a elanagkok aqsok ekmaso; keñe m'a énxet apmáheyo nak chá'a elának aqsok ektaqmela, yásekhakpohok chá'a, kólpasmaha han.

Proverbios 14:22 ပူးပေါင်းရင်းမြစ်များ

Génesis 24:27

aptáhak axta s'e: “¡Tásek sa' chá'a katnehek apxénamap Wesse' egegkok, Dios apagkok nak ma'a wesse' ahagkok Abraham, hakte meyenseykmok apchásekhayo, tén han ektaqmeleykha apwáxok apkelányo m'a wesse' ahagkok, éntameykmek se'e apheykegkaxa nak apnámakkok wesse' ahagkok!”

2 Crónicas 6:8

Aptáhak axta apcháneya Wesse' egegkok se'e: ‘Tásek aptáhakxa apmako hélanaksek xama tegma appagkanamap;

Salmos 25:10

Enaqlakxak chá'a yetlo apkelásekhayo, tén han melyenyaweykha m'a ektáha nak chá'a apkeláneyak ekhémo mók nélpaqhetchásamáxkoho apagkok nak, tén han ma'a apkeltémókxa nak antéhek.

Salmos 36:4

Apyetneyk agkok chá'a néten apyetnamakxa, kaxének chá'a apwáxok elának aqsok ekmaso, yennaqtegkek aptémakxa ekmaso, mopmenyeyk elwataksek apkelane aqsok ekmaso.

Salmos 61:7

etnehek sa' chá'a wesse' apwányam yetlo appasmo exchep. Etaqmelches sa' yetlo apchásekhayo, tén han meyenyaweykha;

Proverbios 12:2

Yásekhohok chá'a Wesse' egegkok ma'a énxet ektaqmalma nak aptémakxa', eñássesagkohok eyke chá'a m'a énxet ekmaso nak élchetámeykha apwáxok.

Proverbios 12:26

Énxet appéwomo chá'a apxekmósso ámay ma'a pók, keñe m'a élmasagcha'a nak apkeltémakxa, elyetnakhágwók chá'a.

Proverbios 14:17

Megkalchetmek chá'a sekxók apwáxok yaqwánxa elának aqsok ma'a énxet ekmanyehe nak elwok; keñe m'a élchetámeykha nak chá'a sekxók apwáxok, mepekhésakpe'.

Proverbios 14:23

Awanchek hempasmok ma'a negwasqápeykekxoho nak chá'a nentamheykha; meyke aqsok egagkok akke antéhek ma'a nempaqméteykha naqsa nak chá'a neghakxa'.

Proverbios 19:22

Meyke apyenyaweykha pók kélmenyeyk etnehek ma'a énxet; tásek antéhek meyke aqsok egagkok, kaxnók antéhek negmowána amya'a.

Proverbios 24:8

Énxet ekxéneykha nak apwáxok wánxa elának aqsok ekmaso, exénakpok chá'a apteme énxet aptekkesso chá'a apkelenmexamap ma'a apnámakkok.

Proverbios 3:29

Ná elána chá'a aqsok ekmaso énmexma m'a apheykha nak chá'a keto' apxagkok, megkalxeyenma nak chá'a apkelwáxok elának aqsok ekmaso exchep.

Proverbios 3:3

Ná eyensem ektémakxa negásekhayo egmók tén han ekmámnaqso' agko'; eswoho chá'a apmahágkaxa enxoho, ektémól'a agkexnek egyespok ma'a nennatanma. Elqahés apwáxok,

Proverbios 6:14

asagkek ma'a ektémakxa apwáxok, wánxa aqsa kaxének apwáxok elának ma'a aqsok ekmaso nak, etekkessók chá'a éllámáxche m'a apmahágkaxa enxoho.

Miqueas 2:1

¡Énxet'ák la'aye, élxéneykha nak apkelwáxok elanagkok aqsok ekmaso neyseksa aphéyak apkelyetnamakxa néten, kelsakak agkok, elanagkok chá'a m'a élxeyenma nak apkelwáxok elanagkok, hakte yetneyk apmopwancha'a elanagkok!

Josué 2:14

Apkelátegmowágkek axta xa énxet'ák nak: —Dios sa' hẽlnápok negko'o móltaqmelchesa enxoho xa námakkok nak xeye', wánxa néltamho negko'o megkaxének se'e amya'a nak. Egméssek sa' agkok negko'o Wesse' egegkok se'e xapop nak, negko'o sa' han antaqmelchesek, magyenyawha sa' han xeye'.