Proverbios 14:20 - Biblia Enxet

²⁰ Kammohok aptaqnaweykekxa apnámakkok apagko' ma'a énxet meyke nak aqsok apagkok; apxámok eyke etnehek apnámakkok ma'a énxet ekha nak aqsok apagkok.

Proverbios 14:20 ပူးပေါင်းရင်းမြစ်များ

Ester 3:2

Eltekxeyagkok axta nahan chá'a aptapnák xapop apyeykhágwokmo enxoho chá'a Amán apyókxoho m'a apkeltemessáseykha axta chá'a wesse' apwányam ma'a kañe' apxagkok aptaqmalma nak, elháxahagkok axta nahan chá'a, hakte axta apkeltémókxa chá'a etnahagkok wesse' apwányam xa ektáha nak; axta eyke elyeheykekxohok Mardoqueo xa amya'a nak.

Job 30:10

Megkalchehek agko' chá'a apwáxok hélano' keñe elmahagkok chá'a makhawo', yexpaqhak chá'a apkelyamánog nahát.

Job 42:11

Keñe axta apkelyo'ókmo apyókxoho aptáha meyk'a m'a apkelyáxeg apkelennay'a, tén han kelwán'ák tén han ma'a apnámakkok nak, keñe han ma'a apyókxoho nanók apkelweteykxa nak, apkelánegkek axta xamók ektámáxche ekyawe m'a apxagkok. Apkelxénchek axta han éllapwámegkoho xamo', tén axta aptaqmelchessásekxo apwáxok, eñama m'a ekyókxoho aqsok ekmaso apchahe axta m'a Wesse' egegkok. Xama axta han chá'a apmeyásak selyaqye, tén han ma'a kélatchesso kélaphék sawo ekyátekto ekmomnáwa.

Proverbios 10:15

Ekxámokma aqsok apagkok chá'a yásenneykxak ma'a apkelwesse'e nak; meyke aqsok apagkok akke chá'a kasexnenak ma'a meyke nak aqsok apagkok.

Proverbios 19:4

Apxámok etnehek apnámakkok ma'a ekxákma nak aqsok apagkok, keñe m'a énxet meyke nak aqsok apagkok, kammohok melányo m'a apnámakkok apagko' nak.