Proverbios 14:19 - Biblia Enxet19 Elháxahagkok sa' chá'a énxet'ák élmasagcha'a nak apkeltémakxa' apmonye'e m'a énxet'ák éltaqmalma nak apkeltémakxa'; keñe sa' ma'a melya'assáxma nak, elpaqmésmakha sa' átog apagkok eltamhok epasmok ma'a énxet'ák élpéwomo nak apkeltémakxa. အခန်းကိုကြည့်ပါ။ |
Nétsapma chá'a éláneykha xa énxet'ák nak, eknaqleykekxa chá'a m'a takhaxpop nak, máxa aptamheykegkok ma'a nepkések yaqwayam la'a etekyók. Kelsakak sa' agkok, elmallánek sa' ma'a éltaqmalma nak apkeltémakxa, keñe sa' ma'a élmasagcha'a nak apkeltémakxa, kamaskok sa' apkelyennaqte, takhaxpop sa' etnehek apxanák.
Tén sa' elxegmak hey'áwak ko'o apyókxoho apkeláneykha nak xép se'e, eltekxeyagkok sa' aptapnák etnehek heyának se'e: ‘Kólxeg, xép tén han ma'a apyókxoho énxet'ák ektáha nak chá'a exchep apkelyetleykha.’ Sa' agkok katnahak xa, maxñehek sa' makham. Aplókók apagko' axta Moisés aptepa m'a aphakxa faraón.
Tén axta faraón apkeltamho kólyentawakxések ma'a Moisés tén han ma'a Aarón. Aptáhak axta apkeláneya s'e: —Hẽlmaxnésses hana Wesse' kélagkok yaqwayam hẽlántekkessesek se'e paha' nak, ko'o tén han ma'a énxet'ák ahagkok, tén sa' wohok elxog énxet'ák apagkok yaqwayam egkések kélnaqtósso ektekyawa m'a Wesse' apagkok.
Elya'áwak sa' kéxegke m'a apketchek nak énxet'ák apnaqtawáseykegkoho axta chá'a, eltekxeyagkok sa' aptapnák kélmonye'e, metwasha apagko' sa' elháxahagkok eltekxeyagkok aptapnák xóp kélchaqnágkaxa apyókxoho m'a ektáha axta chá'a apkelwanyeykha, eltéhek sa' nahan Jerusalén ‘Wesse' egegkok Tegma Apwányam apagkok’, ‘Dios Aptaqmalma nak Israel Sión apagkok’.