Proverbios 14:16 - Biblia Enxet

¹⁶ Yáwhok elának aqsok ekmaso m'a énxet apya'áseykegkoho nak aqsok, étnakhaksek nahan, keñe m'a énxet ekmaso nak aptémakxa', megyekyek chá'a elána'.

Proverbios 14:16 ပူးပေါင်းရင်းမြစ်များ

Génesis 33:9

—Eyáxeg; xámok eyke ko'o xa. Etne aqsa apagkok xép xa —axta aptáhak Esaú.

Génesis 42:18

tén axta ektáha ántánxo ekhem aptáha apkeláneya s'e: —Ko'o sekteme seyáyo Dios. Kólteme sa' se'e, keñe sa' megkóletsepe':

1 Reyes 19:2

Keñe axta Jezabel eyáphasa xama apseykha amya'a éltamho etnehek yának Elías se'e: “¡Elías xeyep, Jezabel ko'o! Heñássesagkohok sa' ko'o ekyentaxno agko' aqsok séláyókxa matnéssesa enxoho ko'o exchep saka, keso ekwánxa nak ekhem, apteméssesakxa axta exchep ma'a apkellegasso nak Baal ekpeywa.”

1 Reyes 20:18

aptáhak axta: “¡Apkelxegakmek sa' agkok yaqwayam hélmaxnegwak mólnapaxcheyk chá'a, essenhan yaqwayam ómpakha', kólma sa' aqsa, nágkólnáhap!”

Nehemías 5:15

Axta etnaheykegkok ma'a apkeltaqmelchesso apkelókxa apmonye'e axta aptamhéyak, matnamakxa axta ko'o, apyentaxnéssessegkek axta apheykha énxet'ák, hakte yókxoho ekhem axta apkelméyak chá'a cuarenta sawo selyaqye élmope, yaqwayam etegyagkok aptéyak, tén han vino. Apnaqtawáseykegkók axta han énxet'ák ma'a apkeláneykha nak, makke ko'o atneyk xa ektáha nak, eñama seyáyo m'a Dios.

Job 1:1

Aphegkek axta xama énxet ma'a yókxexma Us apwesey axta Job. Péwók axta aptémakxa, méko axta aqsok ekmaso apkelane, apteme axta meyenyaweykha apkeláneykha m'a Dios, apkeláneykegkoho aptémakxa yaqwayam melanyehek xama aqsok ekmaso.

Job 28:28

Keñe axta Dios aptáha apkeláneya énxet'ák: “Nágkólyensem chá'a kélyetleykha Wesse' egegkok: cháxa negya'áseykegkoho aqsok xa; negyamasma aqsok ekmaso: cháxa ekha negmowána aqsok xa.”

Salmos 119:120

Kelpexyennegkek ko'o ekyókxoho émpehek seyeye nápaqto' xép, eyáyók ma'a apchánamakxa nak antéhek.

Salmos 34:14

Kólyetnakhés nentémakxa ekmaso, kóllána aqsok ektaqmela; kólchetam meyke ektáhakxa nak negha, nágkólyensem nahan.

Proverbios 1:32

Meyke apkelya'áseyak aqsok chá'a kalnápok ma'a melya'áseyak nak aqsok, keñe m'a élyeyháxma nak kalnápok chá'a m'a meyke nak élyetnakhayo apkelwáxok;

Proverbios 14:15

Naqsók chá'a etnéssesek ekyókxoho ektáhakxa enxoho apcháneyákpo m'a énxet meyke nak ekxeyenma apwáxok; elanok eyke chá'a sekxók apmahágkaxa m'a énxet ekha nak ekxeyenma apwáxok.

Proverbios 14:17

Megkalchetmek chá'a sekxók apwáxok yaqwánxa elának aqsok ma'a énxet ekmanyehe nak elwok; keñe m'a élchetámeykha nak chá'a sekxók apwáxok, mepekhésakpe'.

Proverbios 16:17

Negyamasma aqsok ekmaso apkeltémakxa nak ma'a énxet'ák élpéwomo nak apkeltémakxa; nenláneykegkoho nentémakxa', cháxa negmasma negyennaqte xa.

Proverbios 16:6

Kólmasseksohok chá'a nentémakxa magya'assáxma m'a negásekha'awo enxoho Wesse' egegkok yetlo magyenyaweykha; nentemék agkok negáyo Wesse' egegkok, cháxa negyenyékxo aqsok ekmaso xa.

Proverbios 22:3

Étak chá'a aqsok ekmaso m'a énxet ekha nak chá'a élchetámeykha apwáxok, keñe étnakhaksek chá'a; keñe m'a meyke nak chá'a élchetámeykha apwáxok, exog aqsa, keñe eñegkohok chá'a ektemégweykmoho exma ekmaso.

Proverbios 28:14

Apkeleñémo énxet melwátésseyam nak apteme apcháyo Wesse' egegkok; aqsok ekmaso sa' eyke káhapwak ma'a énxet ekyennaqte nak apwáxok.

Proverbios 29:9

Apkelátegmoweykpek agkok énxet apya'áseykegkoho aqsok ma'a énxet ekyeyháxma nak, elwok aqsa m'a, yesmaksek han chá'a, mey'asagkehek chá'a yaqwánxa etnéssesek.

Proverbios 3:7

Ná exénmakha apteme apmopwána apagko' aqsok; etne apcháyo Wesse' egegkok, étnakhés ma'a aqsok ekmaso.

Proverbios 7:22

yetlókok axta apyetleykekxa m'a kelán'a nak: ektémól'a weyke kólyentemekxak ma'a ektekyómakxa nak, máxa axta aptáhak ma'a ektémól'a xenaq kamok kelhanma,

Eclesiastés 10:13

appaqmetakxoho chá'a katyapok appeywa ekyeyháxma, kasógwomhok agko' chá'a m'a aptáhakxa enxoho appeywa.

Números 22:27

Xama axta ekwet'a makham yámelyeheykok Wesse' egegkok apchásenneykha, yetneyk axta náxop. Tén axta aplawa m'a Balaam aptekpageyncha'a yámet.