Proverbios 13:4 - Biblia Enxet

⁴ Apmenyeyk eykhe katnehek aqsok apagkok ma'a énxet apháxamákpoho nak chá'a etneykha, métyehek eyke; xámok eyke katnehek aqsok apagkok ma'a énxet ekha nak aptamheykha.

Proverbios 13:4 ပူးပေါင်းရင်းမြစ်များ

Génesis 26:32

Chaqhawok axta han xa ekhem nak, apkelwákxexa axta Isaac apkeláneykha, apkeltennássekxo apwet'a yegmen ma'a yámelchet apmeta.

Salmos 92:14

megkeyxek sa' ekteme apák, keyxek sa' aqsa chá'a; kalyeyha'ak sa' aqsa chá'a katnehek, kalyápaqmáthok sa' nahan chá'a axchakkok,

Proverbios 10:4

Meyke aqsok egagkok hentemhek ma'a negháxamáxkoho nak antemeykha; xámok eyke katnehek aqsok egagkok ma'a negwasqápeykekxoho nak antemeykha.

Proverbios 11:25

Kaxámagkok chá'a aqsok apagkok ma'a énxet memasma nak chá'a aqsok apagkok; exkak nahan chá'a aqsok ma'a énxet apméssamo nak chá'a aqsok pók.

Proverbios 12:11

Xámok katnehek apto m'a énxet apkelchekhamo nak; keñe m'a énxet meyke nak ekxeyenma apwáxok, wánxa aqsa elának ma'a aqsok megkamowána nak kapasmok.

Proverbios 12:24

Énxet apwasqapma nak aptamheykha, néten sa' etnehek nepyeseksa énxet'ák; kélásenneykha naqsa sa' chá'a kóltéhek ma'a apháxamakpoho nak chá'a etneykha.

Proverbios 12:27

Megyaqhehek apyógkexma m'a énxet apháxamákpoho nak chá'a, xámok eyke katnehek aqsok apagkok ma'a énxet apmopmenyého nak aptamheykha.

Proverbios 13:3

Nenláneykegkoho nentáhakxa nempeywa, cháxa negmeyókaxkoho egagkok egagko' xa; etwasakpohok apagko' eyke chá'a m'a énxet ekxákma nak appeywa.

Proverbios 13:5

Etaqnawhok negmowána amya'a m'a énxet ekpéwomo nak aptémakxa'; keñe m'a énxet ekmaso nak aptémakxa, elmegqeyk chá'a elanok énxet'ák ma'a aptémakxa, asagkek chá'a katnehek apxénamap.

Proverbios 20:4

Wokmek agkok ekhem nempeyncheykemxa xapop namyep egagkok, keñe mepeynchemhek xapop namyep apagkok ma'a énxet apháxamákpoho nak etneykha; keñe sa' ekwokmo enxoho ekhem kélnakxamakxa ekyexna, etegyaha sa' eykhe, méteyágwomek sa' eyke.

Proverbios 21:25

Aqsok apmopmenyého chá'a kaqhek ma'a énxet apháxamákpoho nak chá'a etneykha, eñama megkamopmenyého aptamheykha;

Proverbios 21:5

Tásek katnehek ekteyapma aqsok nentaqmelchessamo nak chá'a sekxók élchetámeykha egwáxok; asagkek eyke katnehek chá'a m'a nentemessáseykha naqsa nak nenlane, meyke aqsok egagkok hentéhek.

Proverbios 24:30

Ekyeykhágwokmek axta ko'o m'a yókxexma apagkok nak ma'a énxet apháxamakpoho nak etneykha, tén han apkeneykekxexa nak anmen yámet ma'a énxet ekyeyháxma nak:

Proverbios 24:31

keñe sekwet'a ekxámokma éktegeykekxa namyep apagkok ma'a aqsok ekha nak am'ák, kelyaqneneykegkek ma'a meteymog aphaxtegkesso nak.

Proverbios 26:13

Etnehek chá'a epaqmétek énxet apháxamákpoho nak chá'a etneykha s'e: ‘Yámakméwa yagqak ámay, ko'o peyk hethánek.

Proverbios 28:25

Etekkesek chá'a apkelenmexamap ma'a énxet apmopmenyého nak chá'a étak aqsok apagkok; kaxámagkok eyke aqsok apagkok ma'a énxet apteme nak chá'a apcháyo Wesse' egegkok.

Proverbios 6:6

Énxet, apháxamákpoho nak etneykha; exeg, elanha aptémakxa m'a pexyegke, etne m'a aptamheykegkaxa nak:

Proverbios 8:34

Apkeleñémo énxet ektáha nak apháxenmo sekpeywa, apkenmeykha nak átog exagkok yókxoho ekhem sélhaxneykha.

Cantares 5:3

“Élhaxyawássek ko'o sélnaqta; ¡Mowanchek alántaxnekxak makham! Élyenyessek nahan emagkok; ¡mowanchek alpeysegkásekxak makham!”

Isaías 58:11

Anaqlawha sa' chá'a ko'o yókxoho ekhem, almések sa' ekxámokma kéltéyak ma'a yókxexma meykexa nak énxet, almések sa' élyennaqte kélyempe'ék, máxa sa' kóltéhek ma'a namyep étkok ektaqmalmal'a kélexpaqhe yegmen, ektémól'a m'a ekteyapmakxal'a yegmen megkeymayél'a.

Números 23:10

Máxa xapop ánek, ¿yaqsa awanchek kalyetsetek? ¿Yaqsa awanchek kay'asagkohok apwánxa apxámokma? ¡Katnoho annal'a ko'o xa sétsapma ektéma nak xa énxet'ák apkelpéwomo nak, tén katnegwók néxa sekha ektéma nak ma'a!”

Josué 7:3

keñe axta apkelwákxo makham. Aptáhak axta apcháneya m'a Josué: “Megkeyméxchek elxog apyókxoho énxet'ák yaqwayam elnapakpok ma'a énxet'ák nak Ai. Dos essenhan tres mil énxet'ák aphawók emok ma'a tegma apwányam nak. Ná eláphés aqsa apyókxoho énxet'ák, hakte apqántawok ma'a ektáha nak apkeláneykha m'a tegma apwányam.”