Proverbios 13:22 - Biblia Enxet

²² Xámok chá'a katnehek aqsok apnegkencháseykekxa aptawán'ák neptámen ma'a énxet ektaqmalma nak aptémakxa'; keñe m'a aqsok apagkok nak ma'a énxet'ák melya'assáxma, sa' etnekxak apagkok ma'a énxet'ák élpéwomo nak apkeltémakxa.

Proverbios 13:22 ပူးပေါင်းရင်းမြစ်များ

Esdras 9:12

Ẽltennassegkek axta han apkeltémo mólmésagkehek egketchek kelwán'ák ma'a apketchek apkelennay'a nak ma'a, tén han móghók kalmagkok apketchek kelwán'ák nak ma'a egketchek nak negko'o apkelennay'a, apkeltémók axta han mantegyesha meyke ektáhakxa apheykha xa énxet'ák nak, tén han magwetaksek ektaqmalma aqsok apkeláneyak, yaqwayam enxoho ólyennák negko'o, tén han ólmaha aqsok éltaqmela ekhéyak nak apchókxa, tén han ampekkenchásekxak natámen ma'a entawán'ák nentámen yaqwayam etnehek apagkok meyke néxa.

Salmos 102:28

Egkések sa' meyke ektáhakxa apheykha m'a apkeláneykha aptawán'ák neptámen nak; eltaqmelchesek sa' chá'a m'a egketchek nentámen.

Salmos 112:2

Kóltaqmelchessesek sa' chá'a apheykha m'a aptawán'ák neptámen nak énxet meyke aptémakxa, apmelyeyha'ak sa' han etnahagkok keso náxop.

Salmos 128:6

¡Elwethok sa' ma'a aptawán'ák nak! ¡Keytek sa' chá'a meyke ektáhakxa negha m'a Israel!

Salmos 37:25

Étkok axta ko'o, sekwányamók eyke kaxwók ektáhak, makke ateyk makham meyke ekpasmo m'a énxet meyke nak aptémakxa, mateyk nahan elmaxneyha aqsok énxet'ák ma'a apketchek.

Proverbios 17:6

Aptawán'ák chá'a ekpeykessáseykekxa apkelwáxok ma'a apkelwányam nak; chána eyke chá'a élpeykessáseykekxa apkelwáxok ma'a kélketchek nak.

Proverbios 28:8

Énxet apxámáseyak nak aqsok apagkok apmeykekxoho nak chá'a néten ekyánmaga, háwe yaqwayam etnehek apagkok, sa' elmekxak ma'a énxet'ák apkelmopyósa nak chá'a elanok ma'a meyke nak aqsok apagkok.

Eclesiastés 2:26

Naqsók Dios aptáha apmésso apya'áseyak aqsok énxet, tén han ma'a apyekpelchémo nak aqsok, tén han ekpayheykekxa nak egwáxok, cham'a apchásekhókxa enxoho chá'a, keñe eyke m'a énxet apkelane nak mey'assáxma, yohok sekxók chá'a etnehek wesse', eñama m'a apwasqápeykekxoho nak aptamheykha, tén han yánchásekxak aqsok éltaqmalma élmomnáwa nak, keñe natámen elmések chá'a pók énxet, cham'a apchásekhókxa enxoho chá'a. ¡Cháxa ektáha han aqsok eyaqhémo agwetak xa, máxa negmáheyól'a agmagkok éxchahayam!