Proverbios 13:21 - Biblia Enxet

²¹ Megkayeykhók chá'a aqsok ekmaso m'a énxet'ák melya'assáxma nak; aqsok éltaqmela sa' eyke elxawak ma'a énxet'ák élpéwomo nak apkeltémakxa'.

Proverbios 13:21 ပူးပေါင်းရင်းမြစ်များ

Génesis 4:7

Tásek xeyk agkok xép aptáhakxa, kátsaha exchek nápat, mólya'assáxma kelhaxnak apmonye' exchep yaqwayam kamok, eñama apteme xa ektáha nak. Apwanchek eyke exchep elenmaxakpohok ma'a.”

Salmos 140:11

Megkawegqók sa' apheykha náxop ma'a megkalyexnegwayam nak chá'a apkelpeywa; ekmaso apheykha sa' aqsa chá'a katnehek ma'a apkelyennaqteyáseykha nak chá'a apyempe'ék, ekwokmoho ekmasséssekmo.

Salmos 32:10

Xámok sa' katnehek apkellegeykegkoho m'a élmasagcha'a nak apkeltémakxa, kápok sa' eyke Wesse' egegkok apchásekhayo m'a aptáha nak chá'a mey'ásseyam.

Salmos 54:5

Sa' yána kápekxak apkeltémakxa ekmaso apagkok apagko' nak sélenmexma. ¡Wesse', emasséssem, hakte xép apteme mehenyenyaweykha! Agkések sa' ko'o exchep aqsok seyaqhe ekxeyenma agko' nak ewáxok agkések, alteméssesek sa' eyeymáxkoho apwesey, hakte tásek xép apwáxok,

Proverbios 11:31

Apxakak sa' agkok ekyánmaga aptamheykha énxet appéwomo keso náxop, ¡sa' ekyagwánxa agkok kóllegássesagkohok ma'a ekmaso nak aptémakxa' tén han mey'assáxma!

Proverbios 13:13

Énxet melyaheykekxa nak chá'a kélpaqhetcháseykha, kaqhek sa' apwáxok natámen; exkak sa' eyke ekyánmaga m'a énxet apkelyaheykekxoho nak chá'a segánamakxa'.

Proverbios 17:13

Megkamassegwomek sa' ekyetno apxagkok énxet aqsok ekmaso apyaqmagkáseykekxa nak chá'a aqsok ekmaso m'a kélteméssessamakxa ektaqmela.

Proverbios 24:16

hakte eyaqnenek eykhe chá'a ekweykmoho siete m'a meyke nak aptémakxa, siete eyke han chá'a katnehek apkempeykekxa néten; keñe m'a élmasagcha'a nak apkeltémakxa, káhapwak chá'a ekmaso apheykha eletsapok.

Isaías 47:11

Káhapwak sa' eyke exche' m'a eklegeykegkoho ekmaso, yawanchek sa' kaleyxchesek ma'a ekmowána nak; kaweywenták sa' takháxet xeye' aqsok ekmaso megkamowána nak kamagkok; cham'a xama aqsok ekmaso megkaxeyenma nak awáxok katlakkasek aqsa káhapwak xeye'.

Ezequiel 7:5

“Ektáhak ko'o seyáneya s'e, sektáha nak Wesse': Elano, chágketwokmek kaxwo' néxa, katekxeyegmohok sa' mók kaxegmak ma'a nenlegeykegkoho nak; chágketwokmek néxa ekhem apagkok xép.

Números 32:23

Sa' agkok kóltáhak xa ektáha nak, cháxa kéllánegko megkólya'assáxma nápaqtók Wesse' egegkok, xama ekhem sa' nahan kawak kéllegassáseykegkoho eñama xa megkólya'assáxma nak.