Proverbios 13:2 - Biblia Enxet

² Aqsok ektaqmela nak chá'a nenxeyenma, awanchek hempasmekxa', keñe m'a énxet'ák appelakkasso nak chá'a elsexnenak apnámakkok, atsek emáwhok elyennaqtésha apyempe'ék.

Proverbios 13:2 ပူးပေါင်းရင်းမြစ်များ

Salmos 140:11

Megkawegqók sa' apheykha náxop ma'a megkalyexnegwayam nak chá'a apkelpeywa; ekmaso apheykha sa' aqsa chá'a katnehek ma'a apkelyennaqteyáseykha nak chá'a apyempe'ék, ekwokmoho ekmasséssekmo.

Salmos 75:8

Apmeykha Wesse' egegkok ma'a apyeta nak aplo, vino kélencheheykekxa nak ma'a aqsok égmenek kéltahakkasso. Apyegkenchek sa' agkok ma'a vino, émaksohok sa' énagkok ma'a apyókxoho élmasagcha'a nak apkeltémakxa apheykha nak keso náxop.

Proverbios 1:18

apnegkenéyak apagko' eyke chá'a etnahágkok kelhanma xa énxet'ák nak, apkelsexnánémakpekxoho apagko' chá'a etnahagkok.

Proverbios 1:31

¡Kápekxak sa' xa ektémakxa nak chá'a aqsok ekmaso kélláneyák! ¡Kalleklágwók sa' ektémakxa nak ekmaso kéltémakxa'!

Proverbios 10:11

Hempasmok chá'a hegmések ekyennaqte egnények appeywa m'a énxet appéwomo nak, keñe m'a ekmaso nak aptémakxa, wánxa aqsa keytek apwáxok ma'a apyennaqteyáseykha nak apyempehek.

Proverbios 11:23

Tásek chá'a katnehek ekteyapma m'a apkelmopmenyého nak chá'a énxet'ák élpéwomo nak apkeltémakxa'; keñe apkelmopmenyého nak chá'a énxet'ák élmasagcha'a nak apkeltémakxa, wánxa aqsa katekkesek chá'a m'a éllámáxche nak.

Proverbios 12:14

Aqsok ektaqmela nak chá'a nenxeyenma, awanchek hempasmekxa', anxewekxak han chá'a ekyánmaga aqsok nenlane.

Proverbios 18:20

Kápekxak sa' chá'a appeywa énxet, ekwokmoho ekleklágwokmo.

Proverbios 18:21

Nempeywa yetnók ma'a ekyennaqte nak egnények tén han nétsapma; énxet ekxámokma nak chá'a apkelpeywa, ellegagkohok chá'a natámen.

Proverbios 4:17

¡Cham'a aptéyak ma'a ekmaso nak nentémakxa', keñe apyenéyak ma'a apkelyennaqtésamakpoho nak chá'a elanagkok aqsok ekmaso!

Oseas 10:13

Kélcheneykekxeyk eyke kéxegke ekmaso nentémakxa, kélnakxegkek ma'a megkapéwomo nak nentémakxa, kélteykegkek ma'a ekmowána amya'a nak. “Yátnáxeg apkelyenyawasso apagkok apkenchesso nak kempakhakma keñamak apcháyo tén han apxámokma kempakhakma yapmeyk apagkok

Habacuc 2:17

Kaphewakxak sa' kéxegke kélteméssessamakxa axta kélyennaqteyáseykencha'a kélyempe'ék kélláneya m'a egkexe Líbano, kalyegwakkasek sa' eñama kélnapma m'a aqsok nawha'ák élleykha nak ma'a. Cháxa yaqwayam sa' káhapwak kéxegke xa, eñama aqsok ekmaso kéllánéyak tén han ekyókxoho kéltémakxa ekmaso axta, kélyennaqteyáseykencha'a axta kélyempe'ék ma'a apchókxa, kélenmexma m'a tegma apkelyawe nak, yetlo énxet'ák apheykha m'a kañe'.

Habacuc 2:8

Épetchekxak sa' pók, pók aptémakxa énxet'ák yenmexek xép, elyementók sa' aqsok apagkok, ekhawo aptémakxa axta chá'a exchep, apkelyementamoma aqsok apagkok ma'a. Exnéshok sa' mók ma'a ekyókxoho aptémakxa ekmaso axta, apyennaqteyáseykencha'a axta apyempehek ma'a apchókxa, apkenmexma axta m'a tegma apkelyawe nak, yetlo énxet'ák apheykha m'a kañe'.