Proverbios 13:18 - Biblia Enxet

¹⁸ Meyke aqsok apagkok sa' etnehek ma'a énxet melyaheykekxa nak chá'a kélpaqhetcháseykha, emegqeyk sa' han chá'a; kéláyo ekyawe sa' eyke etnehek ma'a énxet apkelyeheykekxoho nak chá'a ektémakxa kélpékessáseyak.

Proverbios 13:18 ပူးပေါင်းရင်းမြစ်များ

Salmos 141:5

Hepasmok chá'a ko'o señassásegkoho enxoho m'a énxet meyke nak aptémakxa, máxa sokmátsa ekmátsal'a ekpaqneyam chá'a katnehek ma'a sepaqhetchesa enxoho ekyennaqte. Mataqnókkehek chá'a ko'o xa sepékessáseyak nak; alenxanmagkohok sa' aqsa sélmaxnagko, neyseksa setekpageykha.

Proverbios 12:1

Negásekhayo ektémakxa nak sẽlpékessáseyak, cháxa negásekha'awo m'a negya'áseykegkoho nak aqsok; nentaqnagko ektémakxa nak sẽlnókáseykha, cháxa nenteme segyeyháxma xa.

Proverbios 13:13

Énxet melyaheykekxa nak chá'a kélpaqhetcháseykha, kaqhek sa' apwáxok natámen; exkak sa' eyke ekyánmaga m'a énxet apkelyaheykekxoho nak chá'a segánamakxa'.

Proverbios 13:19

Ekpayheykekxa egwáxok chá'a hegmések ma'a ektepa enxoho aqsok negmámenyého. Mopwanchek eyke eyenyekxak aqsok ekmaso m'a élyeyháxma nak.

Proverbios 13:25

Etwok chá'a apto énxet ekpéwomo aptémakxa ekwokmoho apyaqkanakmo, meyk eyke kaqhek ma'a énxet ekmaso nak aptémakxa'.

Proverbios 15:5

Megyeyxók appaqhetchesso apyáp ma'a énxet ekyeyháxma nak; keñe m'a apkelyeheykekxoho nak chá'a, cháxa apxekmósa apteme ekha apya'áseyak aqsok.

Proverbios 19:6

Énxet segméssamo nak chá'a aqsok segmésso naqsa, tén han memyágweykekxa nak chá'a aqsok apagkok, apyókxoho énxet chá'a ektamok, apchásekhayókxa chá'a etnehek.

Proverbios 25:12

Megkaxnawok ektaqmalma ektémakxa nak chá'a kélnókáseykha énxet apmomo nak chá'a takha' kélnókáseykha m'a kélatchesso kélaphék sawo ekyátekto, tén han ma'a kélnatanma.

Proverbios 9:9

Apkelxekmóssek sa' agkok xép ma'a énxet apya'áseykegkoho nak aqsok, keñe sa' kántagkok apteme apya'áseykegkoho aqsok; apkelxekmóssek sa' agkok xép ma'a énxet ektaqmalma nak apwáxok, keñe sa' kayágwomhok apya'áseyak aqsok.

Eclesiastés 7:5

Tásek hempaqhetchesek ekyennaqte m'a énxet ekha nak apya'áseyak aqsok, megkaxnawok senxéneykha ektaqmela m'a énxet ekyeyháxma nak.

Jeremías 3:25

Ólháxahagkok hana nélmegqakto, yetlo nélyeykhásamáxkoho egagko' nélmegqágweykekxa', hakte nentémakxa sakcha'a axta negko'o negeynamo nenlánéyak mólya'assáxma nenmexeykekxo m'a Dios Wesse' egagkok, tén han mólyeheykekxa, ekwokmoho s'e kaxwo nak, weykekxók axta nahan ma'a ẽlyapmeyk nanók axta.”