Proverbios 13:1 - Biblia Enxet

¹ Elyahakxohok chá'a appaqhetchesa enxoho apyáp ma'a kélketche apya'áseykegkoho nak aqsok; keñe m'a apchásennamap nak, melyahakxeyk chá'a ektáhakxa kélnokáseykha.

Proverbios 13:1 ပူးပေါင်းရင်းမြစ်များ

1 Reyes 22:43

Péwók axta ekyókxoho aqsok apkelane m'a Josafat, aptéma axta m'a Asá, apyáp axta. Tásek axta aqsok apkelane nápaqtók Wesse' egegkok. Axta eyke kóltegkessók ma'a apkelpeykessamókxa axta chá'a aqsok apkeláyókxa m'a énxet'ák melya'áseyak nak Dios, apkelnapmakxa axta chá'a aqsok apnaqtósso m'a énxet'ák, tén han apwatnéssamakxa axta chá'a aqsok ekmátsa nak ekpaqneyam éten agkok ma'a aqsok kéleykmássesso.

Proverbios 10:1

Salomón appeywa: Epeykessásekxak chá'a apwáxok apyáp ma'a kélketche apya'áseykegkoho nak aqsok; éntaxnésseshok eyke chá'a awáxok egken ma'a kélketche ekyeyháxma nak.

Proverbios 12:15

Yának chá'a kataqmelak ekyókxoho aqsok apkelanakxa m'a énxet ekyeyháxma nak, yeyxhok eyke chá'a ektáhakxa kélpaqhetchesso m'a énxet apya'áseykegkoho nak aqsok.

Proverbios 14:6

Etegyaha eykhe apya'áseykegkoho aqsok ma'a énxet apwañémo nak chá'a aqsok, méteyágwomek eyke; keñe m'a apmopwána nak aqsok, yeskohok chá'a étak apya'áseyak aqsok.

Proverbios 15:12

Megyásekheyk ektáha nak chá'a apnókáseykha m'a énxet apchásennamap nak, mepáxaqwomek nahan ma'a énxet'ák apkelya'áseykegkoho nak aqsok.

Proverbios 15:20

Epeykessásekxak chá'a awáxok chána m'a kélketche apya'áseykegkoho nak aqsok; elwanyaha eyke chá'a chána m'a kélketche ekyeyháxma nak.

Proverbios 15:5

Megyeyxók appaqhetchesso apyáp ma'a énxet ekyeyháxma nak; keñe m'a apkelyeheykekxoho nak chá'a, cháxa apxekmósa apteme ekha apya'áseyak aqsok.

Proverbios 7:24

Hatte, yeyxho kaxwók sekpeywa; etaqmelchesho sa' apháxenmo yaqwánxa atnehek sekpeywa.

1 Samuel 2:25

Asagkek agkok chá'a apteméssesakxa pók xama énxet, apwanchek chá'a enókasha m'a Wesse' egegkok; apkelanak agkok chá'a mey'assáxma xama énxet nápaqtók Wesse' egegkok, ¿yaqsa sa' kamyók?” Axta eyke elyahákxak aptáhakxa apkeláneya m'a apyáp, hakte xeyenmék axta apwáxok Wesse' egegkok elnápekxak ma'a.