Proverbios 12:8 - Biblia Enxet

⁸ Tásek chá'a katnehek apxénamap énxet eñama apmopwána aqsok, keñe m'a énxet ekyeyháxma nak, kólwanyaha aqsa chá'a.

Proverbios 12:8 ပူးပေါင်းရင်းမြစ်များ

Génesis 41:39

Aptáhak axta apcháneya José s'e: —Méko pók aphawo exchep, ekha apya'áseykegkoho, tén han apmopwána aqsok, hakte Dios apya'assáseykegkoho ekyókxoho exchep xa.

Salmos 132:18

Almegqaksohok ahagko' sa' ma'a apkelenmexma nak, keñe sa' ma'a atnéssesek apcheymákpoho.”

Proverbios 1:26

¡Alesmaksek sa' eyke ko'óxa kéxegke eyáhapwa'a enxoho aqsok ekmaso! ¡Alya'ássók sa' ma'a kélyegwaya kélagko' sa',

Proverbios 12:7

Apmassegwokmek agkok ma'a élmasagcha'a nak apkeltémakxa', metepagkehek chá'a, keñe m'a apkelpéwomo nak, etepagkok aqsa chá'a aptawán'ák neptámen.

Proverbios 12:9

Tásek antéhek énxet ekha aptamheykha meyke negeymáxkoho, kaxnók ma'a néltémo nak chá'a hẽláwho', meyk aqsa hegaqhek.

Proverbios 29:27

Eltaqnaweygkohok meyke nak apkeltémakxa m'a élmasagcha'a nak apkeltémakxa', keñe élmasagcha'a nak apkeltémakxa eltaqnaweygkohok ma'a meyke nak apkeltémakxa'.

Proverbios 3:35

Ekha kéláyo sa' chá'a elxawagkok ma'a énxet'ák ekha nak apkelya'áseykegkoho aqsok, keñe sa' ma'a élyeyháxma nak, elmegqasakpohok apagko' sa'.

Proverbios 5:23

Meláneykegkoho aptémakxa sa' keyntamok ma'a nétsapmakxa nak; aptémakxa ekyeyháxma sa' kañék etwasakpohok apagko'.

Eclesiastés 8:1

¿Yaqsa ekhawo m'a énxet apya'áseykegkoho nak aqsok? ¿Yaqsa ekya'ásegkoho ektémakxa m'a aqsok? Nápat chá'a agyekpelkohok ma'a énxet apya'áseykegkoho nak aqsok; kamasséssesek chá'a eklo nak nápat.

Isaías 19:14

Melya'áseyak aqsok apteméssessók Wesse' egegkok ma'a; cháxa apkelyetnakhássesseykmo nak chá'a ekyókxoho aqsok apkelánéyak ma'a énxet'ák Egipto, ektémól'a m'a anmen áto' apyekxéyak la'a tén han apkelyawheykhal'a.

Daniel 12:2

Apxámok sa' enaqxétekhágwók ma'a apkeletsapma kélátawanye axta takhaxpop: yetneyk sa' chá'a yaqwayam eweynchamha meyke néxa, yetneyk sa' han chá'a yaqwayam emegqágwakxak meyke néxa megyásekhamap.

1 Samuel 13:13

Axta aptáhak apchátegmowágko Samuel se'e: —¡Ekyeyháxma exchep apkelana xa aqsok nak! Kaxtemék axta apkelyaheykekxoho m'a apkeltamhókxa axta etnehek Wesse' egegkok, megkamassegwomek axta apteméssesso wesse' apwányam ma'a Israel, ekweykekxoho m'a aptawán'ák neptámen.

1 Samuel 16:18

Keñe axta xama xa énxet'ák nak aptáha s'e: —Ekweteyak ko'o xama m'a Jesé nak apketchek, apha nak Belén, apwanchek epáwaksek arpa m'a; sẽlpextétamo apyennaqte han ma'a, tásek han chá'a katnehek appeywa; tásek han apyókxa', apxegexma han aptemék ma'a Wesse' egegkok.

1 Samuel 18:30

Apkelántekkek axta agkok chá'a ey'ammok kempakhakma m'a apkelámha apmonye'e nak sẽlpextétamo filisteos, David axta aqsa chá'a emallánek, eyeykhássamhok axta chá'a m'a apyókxoho sẽlpextétamo apkelwesse'e apagkok nak Saúl. Axta keñamak kéláyo kélagko' chá'a.

1 Samuel 2:30

Cháxa keñamak sektáha nak ko'o sekpeywa, sektáha nak Israel Dios apagkok, éltennassegkek axta ko'o exchep, tén han apnámakkok etnehek chá'a séláneykha, akke kaxwók ko'o ektáhak se'e: Magwohók sa' ko'o kaxwók kóllának xa aqsok nak, atnéssesek sa' ko'o ekha kéláyo m'a énxet apteme nak chá'a seyáyo, keñe sa' atnéssesek mékoho m'a sewanyémo nak chá'a. Cháxa sektáhakxa ko'o sekpeywa xa, sektáha nak Wesse'.

1 Samuel 25:17

Asagkek eyke exche' aptémakxa m'a atáwa' nak, aplamche', megkólwanchek kólpaqhetchesek, kalchetam sa' awáxok, kay'asagkoho sa' yaqwánxa katnehek, hakte aqsok ekmaso sa' káhapwak ma'a, tén han ma'a ekyókxoho apnámakkok nak.