Proverbios 12:26 - Biblia Enxet

²⁶ Énxet appéwomo chá'a apxekmósso ámay ma'a pók, keñe m'a élmasagcha'a nak apkeltémakxa, elyetnakhágwók chá'a.

Proverbios 12:26 ပူးပေါင်းရင်းမြစ်များ

Salmos 16:3

Kalyeyha'ak ma'a aqsok kéláyókxa nak apchókxa, etnehek chá'a elxének ma'a ekleklamo nak chá'a apkelwáxok elyetlakxa',

Proverbios 12:13

Kápekxohok apagko' chá'a appeywa apteme apmopwána amya'a m'a énxet ekmaso nak aptémakxa, tásek eyke chá'a katnehek apmallanma eyesagkexa m'a énxet ekpéwomo nak aptémakxa.

Proverbios 12:25

Élchetamso apwáxok ekyentaxno chá'a kayaqhápok ma'a énxet; kapeykessásekxohok eyke chá'a apwáxok ma'a kélpaqhetchesso ektaqmela nak.

Proverbios 12:27

Megyaqhehek apyógkexma m'a énxet apháxamákpoho nak chá'a, xámok eyke katnehek aqsok apagkok ma'a énxet apmopmenyého nak aptamheykha.

Proverbios 14:22

Elxegánegwók chá'a ámay apagkok ma'a énxet'ák apmáheyo nak chá'a elanagkok aqsok ekmaso; keñe m'a énxet apmáheyo nak chá'a elának aqsok ektaqmela, yásekhakpohok chá'a, kólpasmaha han.

Proverbios 16:29

Elyexanchesha chá'a pók ma'a énxet apyennaqtésamákpoho nak chá'a, keñe éntemekxak ma'a ámay ekmaso nak.

Proverbios 17:27

Asextók chá'a epaqmétek ma'a apya'áseykegkoho nak aqsok, megkatneykha chá'a apwáxok ma'a apmopwána nak aqsok.