Proverbios 12:16 - Biblia Enxet

¹⁶ Yahamok chá'a elwok ma'a énxet ekyeyháxma; megyeyxók eyke chá'a aptaqnómap ma'a énxet apya'áseykegko nak aqsok.

Proverbios 12:16 ပူးပေါင်းရင်းမြစ်များ

Job 5:2

Kaqhohok eklo apwáxok ma'a énxet ekyeyháxma nak, kaqhohok han apnathahéyak ma'a mey'áseyak nak aqsok.

Proverbios 10:12

Katekkeshok nélenmexamaxche m'a eklo nak chá'a egwáxok, keñe eyke m'a nélásekhamaxkoho nak, kamasseksek chá'a ekyókxoho aqsok ekmaso nenlane.

Proverbios 12:17

Énxet apxeyenma nak chá'a amya'a ekmámnaqsoho, etekkesek chá'a aqsok ekpéwomo; keñe m'a apmopwána amya'a nak chá'a, enaqtawasagkohok chá'a apnámakkok elyexanchesha.

Proverbios 14:33

Keytek chá'a negya'áseykegkoho aqsok apkelwáxok ma'a énxet ekpéwomo nak chá'a élchetámeykha apkelwáxok, keñe m'a énxet'ák élyeyháxma nak, melweték ektémakxa'.

Proverbios 16:22

Negya'áseykegkoho aqsok ekteme ekteyapmakxa m'a ekyennaqte egnények; nélxekmóssek agkok énxet'ák élyeyháxma nak, élyeyháxma aqsa chá'a etnahagkok.

Proverbios 17:9

Énxet mexnéssamo nak mók kélteméssesakxa ekmaso, yásekhakpohok chá'a; keñe m'a énxet apkelenxányam nak eyaqmagkásekxak kélteméssesakxa ekmaso, kamaskok exek ma'a apnámakkok apkelásekhayókxa nak.

Proverbios 25:28

Énxet megkamopwána nak elanagkohok aptémakxa', máxa m'a aptémól'a tegma apyawe meykel'a kélhaxtegkesso nepyáwa', ekmanyehél'a chá'a elántexek ma'a apmáheyo nak emok.

Proverbios 27:3

Kelyentex'ak ma'a meteymog tén han xapop ánek, eyke ekyentaxnakxa agkok aplo m'a énxet ekyeyháxma nak.

Proverbios 29:11

Méxnéssekxeyk chá'a aplawa enxoho m'a énxet ekyeyháxma, emágwakxak eyke chá'a yaqwánxa etnehek ma'a énxet apya'áseykegkoho nak aqsok.