Proverbios 12:15 - Biblia Enxet

¹⁵ Yának chá'a kataqmelak ekyókxoho aqsok apkelanakxa m'a énxet ekyeyháxma nak, yeyxhok eyke chá'a ektáhakxa kélpaqhetchesso m'a énxet apya'áseykegkoho nak aqsok.

Proverbios 12:15 ပူးပေါင်းရင်းမြစ်များ

Proverbios 1:5

Yeyxhok ma'a apya'áseykegkoho nak aqsok, keñe yepmenyéhok chá'a mók makham apya'áseykegkoho aqsok, tén han kántagkok chá'a m'a ektémakxa apya'áseyak aqsok,

Proverbios 13:1

Elyahakxohok chá'a appaqhetchesa enxoho apyáp ma'a kélketche apya'áseykegkoho nak aqsok; keñe m'a apchásennamap nak, melyahakxeyk chá'a ektáhakxa kélnokáseykha.

Proverbios 13:10

Nélenmexamaxche aqsa katekkesek ma'a eyeymáxko nak egwáxok, keñe m'a megkaleymáxkoho nak chá'a apkelwáxok, elmok chá'a takha' m'a ektémakxa kélpaqhetcháseykha.

Proverbios 14:12

Yetneyk ámay apkene nak kataqmelak énxet, nétsapmakxa eyke maheykegkok xa ámay nak.

Proverbios 14:16

Yáwhok elának aqsok ekmaso m'a énxet apya'áseykegkoho nak aqsok, étnakhaksek nahan, keñe m'a énxet ekmaso nak aptémakxa', megyekyek chá'a elána'.

Proverbios 16:2

Yának chá'a kataqmelak ekyókxoho aqsok apkelanakxa enxoho m'a énxet, Wesse' egegkok eyke apteme apyekpelchémo m'a ektémakxa nak chá'a apwáxok.

Proverbios 16:25

Yetneyk ámay apkene nak kataqmelak énxet, nétsapmakxa eyke maheykegkok xa ámay nak.

Proverbios 19:20

Yeyxho chá'a ektáhakxa kélpaqhetchesso, ema chá'a takha' ektáhakxa kélnókáseykha; keñe sa' etnehek ekha apya'áseykegkoho aqsok.

Proverbios 21:2

Yának chá'a kataqmelak ekyókxoho aqsok apkelanakxa enxoho m'a énxet, Wesse' egegkok eyke apteme apyekpelchémo m'a ektémakxa nak chá'a apwáxok.

Proverbios 26:12

Egwanchek makham ampasmok ma'a énxet ekyeyháxma nak, kaxnók ma'a énxet apxeyenma nak apya'áseykegkoho ekyókxoho aqsok.

Proverbios 26:16

Yának chá'a etnahak apya'áseykegkoho aqsok ma'a énxet apháxamákpoho nak chá'a etneykha, yának chá'a eyeykhássekmohok ma'a siete énxet apchaqhémo nak chá'a yátegmowagkok amya'a.

Proverbios 28:11

Yának chá'a etnahak apya'áseykegkoho aqsok ma'a énxet ekxámokma nak aqsok apagkok, keñe m'a énxet meyke nak aqsok apagkok, tén han apya'áseykegkoho nak aqsok, ékpelkohok chá'a aptémakxa'.

Proverbios 3:7

Ná exénmakha apteme apmopwána apagko' aqsok; etne apcháyo Wesse' egegkok, étnakhés ma'a aqsok ekmaso.

Proverbios 30:12

Yetneyk énxet apkenagko nak káxña'awok aptémakxa, megyaxñáseykekxa nak makham aptémakxa ekmanyása.

Proverbios 9:9

Apkelxekmóssek sa' agkok xép ma'a énxet apya'áseykegkoho nak aqsok, keñe sa' kántagkok apteme apya'áseykegkoho aqsok; apkelxekmóssek sa' agkok xép ma'a énxet ektaqmalma nak apwáxok, keñe sa' kayágwomhok apya'áseyak aqsok.

Eclesiastés 4:13

Tásek agwetak wokma'ák ekha apya'áseykegkoho aqsok neyseksa apteme eykhe meyke aqsok apagkok, apyeykhásseykmoho nak ma'a wesse' apwányam ekyeyháxma megkamopmenyého nak chá'a kólxekmósagkok.