Proverbios 12:13 - Biblia Enxet

¹³ Kápekxohok apagko' chá'a appeywa apteme apmopwána amya'a m'a énxet ekmaso nak aptémakxa, tásek eyke chá'a katnehek apmallanma eyesagkexa m'a énxet ekpéwomo nak aptémakxa.

Proverbios 12:13 ပူးပေါင်းရင်းမြစ်များ

Génesis 48:16

tén han ma'a Dios apchásenneykha semallahanchessama axta ekyókxoho aqsok ekmaso, sa' elmésagkok aqsok éltaqmela s'e wokma'ák nak. Sa' kañék ekxénweykekxoho chá'a kélwáxok sekwesey, tén han apkelwesey m'a élyapmeyk Abraham tén han Isaac. Exámak sa' apketchek, exámekxohok apagko' sa' ekyókxoho keso nélwanmeygkaxa.”

2 Samuel 4:9

Keñe axta aptáha apchátegmowágko David: —Naqsók ko'o ekteméssásak yetlo sekxeyenma Wesse' egegkok, semallahanchesso axta ekyókxoho ektémakxa ekyentaxno sekha,

1 Reyes 2:23

Tén axta apteméssesa naqsók agko' appeywa wesse' apwányam Salomón yetlo apxeyenma apwesey Wesse' egegkok: “¡Heñássesagkohok sa' ko'o Dios ekyentaxno agko' megyetsapa enxoho Adonías, eñama xa aptémakxa nak appeywa.

Salmos 34:19

Xámok katnehek aqsok ekmaso apkeltahanye m'a énxet'ák meyke nak apkeltémakxa, Wesse' egegkok akke chá'a elmallahanchesek neyseksa xa ekyókxoho aqsok nak.

Salmos 34:20

Eltaqmelchessesek chá'a apkelyókxa', megkalekkexaxcheyk chá'a xama enxoho m'a apexchakkok.

Salmos 5:6

emasséssamhok chá'a exchep ma'a énxet'ák apkelmopwancha'a nak amya'a, eltaqnaweygkohok chá'a exchep ma'a énxet'ák appelakkassesso nak chá'a esexnenak pók, tén han ma'a ekhéyak nak chá'a apkelyógkexma'.

Salmos 59:12

Apkelpeywa chá'a kalanaksek melya'assáxma; ¡kalmekxak sa' ma'a ektémakxa nak éleymáxkoho apkelwáxok, tén han ma'a aptamhéyak nak chá'a apkelmopwancha'a amya'a apkelxeyenma elanagkok aqsok!

Salmos 59:13

¡Emasséssem, esawhoho yetlo aplo! ¡Melwetakpekxók sa' chá'a! ¡Kólya'asagkohok sa' Dios apteme Wesse' apwányam ma'a Israel, ekweykmoho m'a ektemegwánxa nak néxa xapop!

Salmos 64:8

apkelpeywa apagkók sa' kálsexnáneyekxa', elesmaksek sa' chá'a m'a ektáha nak chá'a apkelwete.

Proverbios 10:8

Emok chá'a takha' apcháneyákpexa etnehek ma'a énxet apya'áseykegkoho nak aqsok; keñe m'a ekyeyháxma nak chá'a appeywa, etwasakpok chá'a.

Proverbios 11:8

Emallahancheshok aqsok ekyentaxno Dios ma'a énxet ekpéwomo nak aptémakxa', keñe yának kaphewakxak aqsok ekyentaxno m'a énxet ekmaso nak aptémakxa'.

Proverbios 15:2

Negya'áseykegkoho aqsok chá'a katyapok apkelpeywa m'a énxet'ák apkelya'áseykegkoho nak chá'a aqsok; keñe m'a énxet élyeyháxma nak, amya'a élyeyháxma aqsa chá'a elxénagkok.

Proverbios 18:21

Nempeywa yetnók ma'a ekyennaqte nak egnények tén han nétsapma; énxet ekxámokma nak chá'a apkelpeywa, ellegagkohok chá'a natámen.

Proverbios 21:23

Megkasagkehek chá'a apha m'a énxet apkeláneykegkoho nak chá'a aptáhakxa appeywa.

Proverbios 6:2

xeyep apagko' sa' esexnánékpok: kasexnenak sa' ma'a appeywa nak.

Eclesiastés 7:18

Ektaqmelakxoho exchep emagkok ekyennaqte s'e aqsok nak, meyke apyenyeykekxa apméyak ma'a mók aqsok nak. Énxet apteme nak apcháyo Dios, emallánek chá'a xa ekyókxoho aqsok nak.

Daniel 6:24

Tén axta kélnaqlánto m'a énxet'ák ektáha axta apsexnenagko m'a Daniel, yetlo apnaqteyegka'a, tén han apketchek, eñama axta apkeltémo m'a wesse' apwányam, kélchexénteyk axta kañe' máxek élyáqtamakxa axta yámakméwa; keltahanchek axta han yámakméwa, axta kaxnagwokmohok ma'a kañe' máxek, kelekkexchek axta apexchakkok élyepta.