Proverbios 12:1 - Biblia Enxet

¹ Negásekhayo ektémakxa nak sẽlpékessáseyak, cháxa negásekha'awo m'a negya'áseykegkoho nak aqsok; nentaqnagko ektémakxa nak sẽlnókáseykha, cháxa nenteme segyeyháxma xa.

Proverbios 12:1 ပူးပေါင်းရင်းမြစ်များ

Salmos 119:27

Hegkés ko'o sekya'áseyak, yaqwayam enxoho eytlók ma'a apchánamakxa nak antéhek, hakte émenyeyk ko'o altámesaxchek ma'a aqsok éltaqmalma apagkok nak.

Salmos 141:5

Hepasmok chá'a ko'o señassásegkoho enxoho m'a énxet meyke nak aptémakxa, máxa sokmátsa ekmátsal'a ekpaqneyam chá'a katnehek ma'a sepaqhetchesa enxoho ekyennaqte. Mataqnókkehek chá'a ko'o xa sepékessáseyak nak; alenxanmagkohok sa' aqsa sélmaxnagko, neyseksa setekpageykha.

Salmos 32:9

Ná etne aqsa ektémakxal'a élyeheykok, tén han yátnáxeg, megkay'áseyak la'a, negatchessesso átog aqsa egwanchek agmagkok ma'a, tén han ma'a nétchessessól'a apqátek, mépetchegwomók han xép méko enxoho xa.”

Salmos 50:17

megkalcha enxoho kélwáxok alxekmósagkok, tén han megkólámenyého enxoho m'a sekpeywa.

Salmos 92:6

¡Wánxa aqsa melya'asagkehek ma'a élyeyháxma nak!

Proverbios 10:8

Emok chá'a takha' apcháneyákpexa etnehek ma'a énxet apya'áseykegkoho nak aqsok; keñe m'a ekyeyháxma nak chá'a appeywa, etwasakpok chá'a.

Proverbios 11:31

Apxakak sa' agkok ekyánmaga aptamheykha énxet appéwomo keso náxop, ¡sa' ekyagwánxa agkok kóllegássesagkohok ma'a ekmaso nak aptémakxa' tén han mey'assáxma!

Proverbios 12:2

Yásekhohok chá'a Wesse' egegkok ma'a énxet ektaqmalma nak aptémakxa', eñássesagkohok eyke chá'a m'a énxet ekmaso nak élchetámeykha apwáxok.

Proverbios 15:10

Yentexek katnehek kéllegassáseykegkoho m'a énxet apyenseyam nak apyetlo ámay ekpéwomo; yetsapok sa' ma'a énxet aptaqnagko nak kélnókáseykha.

Proverbios 18:1

Apxakkók aqsa chá'a eltamhok etnehek ma'a apkelmeyókásamákpoho nak chá'a aqsok, elwok chá'a m'a kélpaqhetchesa enxoho.

Proverbios 30:2

Ko'o aqsa wánxa seyeyháxma ahagko' nepyeseksa m'a énxet'ák, méko sekya'áseyak ektéma nak apya'áseyak ma'a énxet.

Proverbios 8:17

Wásekhohok chá'a ko'o m'a ektáha nak seyásekhayo, héteyekxak nahan chá'a m'a ektáha nak sektamso.

Proverbios 8:32

“Étchek, kóleyxho kaxwo' sekpeywa; kólyetlow sektémakxa nak keñe sa' kalpayhekxak chá'a kélwáxok.

Proverbios 8:36

keñe m'a énxet ektáha nak sétnakhasso ko'o, cháxa aptawásekpoho apagko' xa; ¡apyókxoho ektáha nak chá'a setaqnagko ko'o, cháxa aptáha apchásekhayo m'a nétsapma!”

Isaías 1:3

Keykpelkohok ótep ma'a weyke, kay'asagkohok nahan aphaxta apagkok ótep ma'a yámelyeheykok, keñe m'a Israel, énxet'ák ahagkok ahagko' nak melyekpelchehe', méko nahan apkelya'áseyak.”

Levítico 13:10

Elanok sa' ma'a apkelmaxnéssesso Dios énxet'ák apagkok, ekmope sa' agkok ma'a ekyephe nak apyempehek, élmópeyásekxo enxoho m'a áwa' apyempehek, ektepa enxoho ápetek ma'a ekyephe nak,