Proverbios 11:5 - Biblia Enxet

⁵ Ektaqmalma aptémakxa chá'a kapékesseshok apxega m'a énxet ekpéwomo nak aptémakxa, esexnáneykpekxohok apagko' eyke chá'a kápekxak aptémakxa ekmaso m'a énxet ekmaso nak aptémakxa'.

Proverbios 11:5 ပူးပေါင်းရင်းမြစ်များ

2 Samuel 17:23

Xama axta apwet'a Ahitófel megkalánexko m'a aqsok apmáheyo elána', apkeltahanchessek axta yámelyeheykok apchánte, keñe apmeyákxo apxagkok apkeñémekxa axta, xama axta appenchesa apkeláneykekxa m'a ekyókxoho aqsok apagkok axta, aptetchek axta apyespok táma'. Apketsekkek axta, keñe kélátawanya m'a kélátawanyamakxa axta apyáp.

Job 18:7

Kamaskok sa' élyennaqte apkelxega, kápekxohok sa' agkok ma'a aqsok apmáheyo nak elanagkok.

Proverbios 1:18

apnegkenéyak apagko' eyke chá'a etnahágkok kelhanma xa énxet'ák nak, apkelsexnánémakpekxoho apagko' chá'a etnahagkok.

Proverbios 11:3

Apkeltémakxa ekpéwomo chá'a kataqmelchessesek apkelxega m'a énxet'ák apkelpéwomo nak; keñe m'a énxet'ák apkelmopwancha'a nak chá'a amya'a kanaqtawásekxohok agkok chá'a m'a apkelmopwancha'a amya'a nak.

Proverbios 12:3

Megkapasmehek énxet ma'a aptémakxa ekmaso nak; exhok eyke yámet ekyennaqtél'a élatchesso kepmenák xapop ma'a énxet élpéwomo nak apkeltémakxa'.

Proverbios 13:6

Aptémakxa ekpéwomo chá'a kamyók ma'a énxet meyke nak aqsok ekmaso apkelane; aptémakxa ekmaso eyke chá'a katsagkasek ma'a énxet mey'assáxma nak.

Proverbios 14:32

Kasexnáneyekxohok agkok chá'a aptémakxa ekmaso m'a énxet ekmaso nak aptémakxa'; keñe m'a énxet meyke nak aptémakxa, kamyók chá'a m'a meyke aptémakxa nak.

Proverbios 15:19

Xámok katnehek am'ák ámay apagkok ma'a énxet apháxamakpoho nak chá'a etneykha; cháxña'awók eyke katnehek ámay apagkok ma'a énxet ekpéwomo nak aptémakxa'.

Proverbios 21:29

Yának chá'a keynnák aptáhakxa m'a énxet ekmaso nak aptémakxa'; ey'asagkohok eyke chá'a aptémakxa m'a énxet meyke nak aptémakxa'.

Proverbios 28:18

Ewagkasakpok sa' teyp ma'a énxet meyke aptémakxa', aqsok ekmaso sa' eyke káhapwak ma'a énxet ekmaso nak aptémakxa'.

Proverbios 3:6

Ná elwánaqma chá'a Wesse' egegkok apkelana enxoho chá'a ekyókxoho aqsok, keñe sa' ma'a, exekmósek chá'a m'a ámay ekpéwomo nak.

Proverbios 5:22

Kamekxohok agko' chá'a aqsok ekmaso apkelane m'a énxet ekmaso nak aptémakxa'; máxa táma katnehek kalpextétek ma'a mey'assáxma apkelane apagkok apagko' nak.

Isaías 26:7

Péwók ámay apagkok ma'a énxet'ák apkelpéwomo nak; Wesse', xép apteméssesso meyke élyapwátéyak ma'a ámay apagkok nak.

Oseas 5:5

Apcheymákpoho keñamak Israel eksexnáneya; pelápagkassek Efraín ma'a mey'assáxma apagko' nak, ¡kawakxohok sa' nahan Judá appelápeyam xamo' ma'a!

Jueces 20:41

Keñe axta israelitas apkeltaqhegwokmo apkelnápekpo, apkelakawók apagko' axta Benjamín énxet'ák apagkok apyekpelcha peya esawhakpok.