Proverbios 11:23 - Biblia Enxet

²³ Tásek chá'a katnehek ekteyapma m'a apkelmopmenyého nak chá'a énxet'ák élpéwomo nak apkeltémakxa'; keñe apkelmopmenyého nak chá'a énxet'ák élmasagcha'a nak apkeltémakxa, wánxa aqsa katekkesek chá'a m'a éllámáxche nak.

Proverbios 11:23 ပူးပေါင်းရင်းမြစ်များ

Salmos 10:17

Wesse', yeyxhok chá'a exchep apkelmaxnagko m'a énxet'ák meyke nak élmasma, elwasqakkásekxohok chá'a, elanha nahan chá'a.

Salmos 119:10

Étamsamók agko' ko'o exchep ekweykmoho kañók agko' ewáxok; nágyoho ayenyók ko'o m'a apkeltémókxa nak antéhek.

Salmos 119:5

¡Émenyeyk eykhe ko'o mayensemek sélyeheykekxoho m'a segánamakxa apagkok nak!

Salmos 27:4

Xama aqsok akke élmaxneyk Wesse' egegkok, xama aqsok aqsa émenye': axek chá'a Wesse' egegkok tegma appagkanamap apagkok ekyókxoho ekhem, neyseksa sekha makham, yaqwayam enxoho alpeykeshok neyseksa sekha m'a kañe' tegma appagkanamap apagkok, tén han alanok ma'a ektémakxa nak aptaqmalma.

Salmos 37:4

Yásekhoho chá'a Wesse' egegkok, yetlo apchápeykha, keñe sa' egkések chá'a m'a ekmámenyého agko' nak apwáxok.

Proverbios 10:28

Ekpayheykekxa egwáxok yetnak apmonye'e peya nak elxawagkok ma'a énxet'ák élpéwomo nak apkeltémakxa'; keñe m'a énxet'ák élmasagcha'a nak apkeltémakxa', melxawagkek sa' ma'a aqsok apkelmopmenyého.

Proverbios 11:24

Yetneyk chá'a énxet memyágweykekxa nak chá'a aqsok apagkok apkelxaweykekxoho aqsok, yetneyk han énxet apmasma nak chá'a aqsok apagkok, meyke aqsok apagkok etnekxa'.

Proverbios 11:7

Apketsekkek agkok énxet ekmaso nak aptémakxa', kamassegwók han ma'a apkelhaxneykha tén han ma'a ekxeyenma neykhe apwáxok éta'.

Proverbios 12:5

Aqsok ekpéwomo chá'a kalxénmakha apkelwáxok etekkesek ma'a énxet'ák apkelpéwomo nak; keñe m'a élmasagcha'a nak apkeltémakxa', wánxa aqsa m'a nélyexancháseykha nak chá'a egmók.

Proverbios 13:2

Aqsok ektaqmela nak chá'a nenxeyenma, awanchek hempasmekxa', keñe m'a énxet'ák appelakkasso nak chá'a elsexnenak apnámakkok, atsek emáwhok elyennaqtésha apyempe'ék.

Isaías 26:9

Awanhók agko' chá'a exchep ekmámenyého ewáxok axta'a; weykmók chá'a kañók agko' ewáxok sétamso. Apkelyelpelchawók sa' agkok xép énxet'ák keso náxop, kaltámeyagkok sa' énxet'ák ma'a ekpéwomo nak nentémakxa.

Jeremías 17:16

Keñe ko'o maltémo yáphássesek ma'a aqsok ekmaso, maltémók nahan yahak apkellegeykegkoho ekmaso m'a. Apya'ásegkók xép ma'a sektáhakxa axta seyáneya, hakte nápaqtók axta ekpaqmétak.