Proverbios 11:11 - Biblia Enxet

¹¹ Exatakhak chá'a xama tegma apwányam eñama kélpasmo m'a énxet'ák apkelpéwomo nak, élmasagcha'a apkeltémakxa' apkelpeywa eyke chá'a katnéssesek apmopso.

Proverbios 11:11 ပူးပေါင်းရင်းမြစ်များ

Génesis 45:8

Dios axta seyáphasso ko'o s'e yókxexma nak, háwe kéxegke; axta setnéssesso ko'o faraón apkeláneykha m'a, tén han sémha emonye' m'a apxagkok nak, keñe han séláneykha apchókxa ekyókxoho Egipto.

2 Samuel 20:1

Aphegkek axta han xama énxet ekmaso aptémakxa m'a Guilgal, apkeñama axta nepyeseksa Benjamín énxet'ák apagkok, Sebá axta apwesey m'a, Bicrí axta apketche. Appáwássek axta apchaqkahasso Sebá apkeltamho yenmexek David, axta aptáhak se'e: “¡Mogwanchek negko'o agyepetchegwakxak ma'a David, kaqhók anleyxek ma'a Jesé apketche nak! ¡Israelitas, kóltaqhekxa kélxanák kélyókxoho!”

Job 22:30

Sa' emallahanchesek xép ma'a aptáha enxoho meyke aptémakxa, méko enxoho aqsok ekmaso apkelane.

Proverbios 11:10

Tásek agkok apheykha m'a énxet'ák élpéwomo nak apkeltémakxa', kalpayhekxak chá'a apkelwáxok ma'a énxet'ák apheykha nak tegma apwányam; apkeletsekkek agkok ma'a énxet'ák élmasagcha'a nak apkeltémakxa', elátsaha chá'a énxet'ák.

Proverbios 11:12

Asagkek chá'a katnehek appeywa exének pók ma'a énxet ekyeyháxma nak; keñe m'a énxet metnaha nak ekyeyháxma, ewanmak aqsa.

Proverbios 14:34

Kaxátekhaksek chá'a apchókxa m'a ekpéwomo nak nentémakxa'; kalmegqaksek eyke chá'a énxet'ák ma'a mólya'assáxma nak.

Proverbios 28:2

Apkelánegkek agkok chá'a melya'assáxma xama apchókxa, eyaqmagkasagkok chá'a pók ma'a apkelwesse'e apkeláneykha nak apchókxa, keñe aptáha enxoho apkemha apmonye' m'a énxet apya'áseykegkoho nak chá'a apkeláneykekxa aqsok, kataqmelek chá'a ekxega m'a apchókxa.

Proverbios 29:8

Etekkesek chá'a ekyennama exma nepyeseksa tegma apwányam ma'a énxet'ák élyeyháxma nak; apwanchek eyke emasseksek chá'a éltamheykha apkelwáxok énxet'ák ma'a apkelya'áseykegkoho nak chá'a aqsok.

Eclesiastés 9:15

Keñe m'a tegma apwányam nak, exek xama énxet ekha nak apya'áseyak aqsok meyke nak aqsok apagkok, apmopwána nak eykhe ewagkasek teyp tegma apwányam, ¡méko eyke chá'a kaxének awáxok!