Proverbios 11:10 - Biblia Enxet

¹⁰ Tásek agkok apheykha m'a énxet'ák élpéwomo nak apkeltémakxa', kalpayhekxak chá'a apkelwáxok ma'a énxet'ák apheykha nak tegma apwányam; apkeletsekkek agkok ma'a énxet'ák élmasagcha'a nak apkeltémakxa', elátsaha chá'a énxet'ák.

Proverbios 11:10 ပူးပေါင်းရင်းမြစ်များ

2 Reyes 11:20

kelpayhekxeyk axta han apkelwáxok apyókxoho énxet'ák. Méko axta táhak ektáhakxa apheykha énxet'ák ma'a tegma apwányam, hakte ketsekkek axta Atalía kélyetxaya sawo m'a wesse' apwányam apxagkok apyawe nak.

2 Crónicas 23:13

Wet'ak axta wesse' apwányam apkenmeyncha'a m'a nekha nak meteymog émha, nentaxnamakxa nak tegma. Apchaqnáha axta han nápakha apkenmágkaxa m'a apkelámha apmonye'e nak, tén han ma'a apkelpáwasso, kelpayhekxók agko' axta apkelwáxok énxet'ák, apkelpáwássek axta apkelaqkahasso; apkelxegkessek axta negmeneykmasso m'a apkelxegkesso nak chá'a negmeneykmasso yetlo apkelpáwasso. Tén axta élyepta élnaqta m'a Atalía, axta táhak ekpaqmeta ekyennaqte s'e: —¡Énmexáxche'!

2 Crónicas 23:21

kelpayhekxeyk axta han apkelwáxok apyókxoho énxet'ák. Méko axta táhak ektáhakxa apheykha énxet'ák ma'a tegma apwányam, hakte ketsekkek axta Atalía kélyetxaya sawo m'a wesse' apwányam apxagkok apyawe nak.

Job 27:23

Kayaqmaksek sa' éxchahayam yetlo éxtegyawà tén han ekpáwà émpehek.

Éxodo 15:21

Axta entáhak nahan éláneya neyseksa élmeneykmasso námakkok se'e: “Kólmeneykmásses Wesse' egegkok, cham'a apmallana axta nepyeseksa apkelenmexma, apkelweykeságko wátsam ekwányam ma'a yátnáxeg tén han ma'a apheykha nak apkap'ák.”

Proverbios 11:11

Exatakhak chá'a xama tegma apwányam eñama kélpasmo m'a énxet'ák apkelpéwomo nak, élmasagcha'a apkeltémakxa' apkelpeywa eyke chá'a katnéssesek apmopso.

Proverbios 28:12

Apkelmeyk agkok apkeltamheykha apteme ekha kéláyo m'a énxet'ák apkelpéwomo nak, kalanaxchek ekyawe agko' kélessawássessamo; apkelmeyk agkok apkeltamheykha m'a élmasagcha'a nak apkeltémakxa', elyexanmok chá'a m'a énxet'ák nak.

Proverbios 28:28

Apkelmeyk agkok apkeltamheykha m'a élmasagcha'a nak apkeltémakxa', elyexanmok chá'a m'a énxet'ák nak; temégwokmek agkok néxa apkeltamheykha, exámekxak chá'a m'a énxet'ák apkelpéwomo.

Proverbios 29:2

Apxámákxeyk agkok ma'a énxet'ák élpéwomo nak apkeltémakxa, kalpayhekxak apkelwáxok ma'a énxet'ák nak; aptamhágkek agkok apkelámha apmonye'e m'a élmasagcha'a nak apkeltémakxa, ellegagkohok chá'a énxet'ák.

Jeremías 51:48

Kapayhekxak sa' awáxok apteyekmo sa' Babilonia m'a néten, tén han xapop, tén han ma'a ekyókxoho aqsok élánteyapma nak, apkelxegakmo sa' apkeleñama nexcheyha m'a apmassésseyam nak. Ko'o sekxeyenma xa, sektáha nak Wesse'.

Jueces 5:31

“¡Wesse', sa' kóltéhek kólmasséssók apyókxoho apkelenmexma xa, elyenmok sa' ma'a apchásekhayo nak chá'a, ektémól'a ekhem kalsaksek exma kaltátchesek!” Keñe axta ektéma meyke ektáhakxa apheykha énxet'ák natámen xa, ekweykmoho cuarenta apyeyam.