Proverbios 10:8 - Biblia Enxet

⁸ Emok chá'a takha' apcháneyákpexa etnehek ma'a énxet apya'áseykegkoho nak aqsok; keñe m'a ekyeyháxma nak chá'a appeywa, etwasakpok chá'a.

Proverbios 10:8 ပူးပေါင်းရင်းမြစ်များ

Salmos 119:34

Hegkés ko'o sekya'áseyak, yaqwayam alának ma'a nélxekmowásamáxche apagkok nak; ¡émenyeyk ko'o alyahakxoho', ekweykmoho kañók agko' ewáxok!

Proverbios 1:5

Yeyxhok ma'a apya'áseykegkoho nak aqsok, keñe yepmenyéhok chá'a mók makham apya'áseykegkoho aqsok, tén han kántagkok chá'a m'a ektémakxa apya'áseyak aqsok,

Proverbios 10:10

Etekkesek chá'a aqsok ekmaso m'a énxet aptencháseykha nak apaqtek; keñe m'a ekyeyháxma nak chá'a appeywa, etwasakpok chá'a.

Proverbios 10:14

Eltamhok chá'a kaxámagkok apkelya'áseyak aqsok ma'a énxet'ák apkelya'áseyak nak aqsok, keñe apkelpaqmeta enxoho m'a élyeyháxma nak, etekkesek cha'a aqsok ekmaso.

Proverbios 12:1

Negásekhayo ektémakxa nak sẽlpékessáseyak, cháxa negásekha'awo m'a negya'áseykegkoho nak aqsok; nentaqnagko ektémakxa nak sẽlnókáseykha, cháxa nenteme segyeyháxma xa.

Proverbios 12:13

Kápekxohok apagko' chá'a appeywa apteme apmopwána amya'a m'a énxet ekmaso nak aptémakxa, tásek eyke chá'a katnehek apmallanma eyesagkexa m'a énxet ekpéwomo nak aptémakxa.

Proverbios 13:3

Nenláneykegkoho nentáhakxa nempeywa, cháxa negmeyókaxkoho egagkok egagko' xa; etwasakpohok apagko' eyke chá'a m'a énxet ekxákma nak appeywa.

Proverbios 14:23

Awanchek hempasmok ma'a negwasqápeykekxoho nak chá'a nentamheykha; meyke aqsok egagkok akke antéhek ma'a nempaqméteykha naqsa nak chá'a neghakxa'.

Proverbios 14:8

Keykpelchásseshok chá'a aptémakxa énxet apya'áseykegkoho nak chá'a aqsok ma'a negya'áseykegkoho nak aqsok, keñe m'a énxet ekyeyháxma nak, kalyexanchesha chá'a m'a aptémakxa nak ekyeyháxma.

Proverbios 9:8

Apkeltennásekxók sa' agkok xép aqsok apkelane m'a énxet megkeyxnegwayam nak chá'a appeywa, etaqnók sa'; apnókáseyha sa' agkok xép ma'a énxet apya'áseykegkoho nak aqsok, yásekhohok sa'.

Proverbios 9:9

Apkelxekmóssek sa' agkok xép ma'a énxet apya'áseykegkoho nak aqsok, keñe sa' kántagkok apteme apya'áseykegkoho aqsok; apkelxekmóssek sa' agkok xép ma'a énxet ektaqmalma nak apwáxok, keñe sa' kayágwomhok apya'áseyak aqsok.

Eclesiastés 10:12

Énxet apya'áseykegkoho nak aqsok, kalkohok chá'a kélwáxok aptáhakxa appeywa, keñe m'a appeywa nak énxet ekyeyháxma, kasexnáneykxohok agko' chá'a: