Proverbios 10:5 - Biblia Enxet

⁵ Nennakxo nak aqsok negkeneykekxa m'a ekmakhetmakxal'a, cháxa nenteme negya'áseykegkoho aqsok xa; keñe m'a nenteyenmo nak aqsa m'a ekhem nennakxamakxal'a aqsok negkeneykekxa', cháxa nenteme meyke negmegqakto xa.

Proverbios 10:5 ပူးပေါင်းရင်းမြစ်များ

Proverbios 10:4

Meyke aqsok egagkok hentemhek ma'a negháxamáxkoho nak antemeykha; xámok eyke katnehek aqsok egagkok ma'a negwasqápeykekxoho nak antemeykha.

Proverbios 10:6

Awanhek katnehek kélpasmo m'a énxet appéwomo nak, keñe m'a ekmaso nak aptémakxa, wánxa aqsa keytek apwáxok ma'a apyennaqteyáseykha nak apyempehek.

Proverbios 12:4

Kapeykessásekxak chá'a apwáxok atáwa' m'a kelán'a ektaqmalma nak ektémakxa', kahaxaksek agko' eyke chá'a aptáwa' énxet ekmaso nak ektémakxa'.

Proverbios 17:2

Wesse' chá'a kóltemessásekxak kélásenneykha naqsa apmopwána nak aqsok, apchásenneykha naqsa sa' etnekxak ma'a kélketche ekyeyháxma nak, exkekxak sa' han ma'a aqsok ekpayhawo nak exkekxak ma'a, ektéma nak ma'a pók apkelyáxeg'a nak.

Proverbios 19:26

Énxet aptawáseykegkoho nak chá'a apyáp, tén han aptekkesso nak axagkok ma'a egken, cháxa apkelana aqsok segmegqassamo nak, megkapayhawo nak etnehek xama kélketche.

Proverbios 27:25

Tepékxek sa' agkok makham ma'a pa'at tén han éltektépekxo enxoho ekyókxoho, kélyaqtenna enxoho pa'at kéléyak kélnaqtósso m'a néten egkexe nak,

Proverbios 30:25

cham'a pexyegke, apxámok han etnehek ma'a, apkelyelqákpok eyke, apcháncheseykekxa nak chá'a aptéyak ma'a ekmexanmakxal'a exma;

Proverbios 6:6

Énxet, apháxamákpoho nak etneykha; exeg, elanha aptémakxa m'a pexyegke, etne m'a aptamheykegkaxa nak:

Proverbios 6:8

yánchásekxak chá'a aptéyak ma'a ekmexanmakxal'a exma, exatmok chá'a kañe' neyseksa eknakxamáxche' m'a aqsok kélcheneykekxa'.