Proverbios 10:4 - Biblia Enxet

⁴ Meyke aqsok egagkok hentemhek ma'a negháxamáxkoho nak antemeykha; xámok eyke katnehek aqsok egagkok ma'a negwasqápeykekxoho nak antemeykha.

Proverbios 10:4 ပူးပေါင်းရင်းမြစ်များ

Génesis 26:32

Chaqhawok axta han xa ekhem nak, apkelwákxexa axta Isaac apkeláneykha, apkeltennássekxo apwet'a yegmen ma'a yámelchet apmeta.

Proverbios 10:5

Nennakxo nak aqsok negkeneykekxa m'a ekmakhetmakxal'a, cháxa nenteme negya'áseykegkoho aqsok xa; keñe m'a nenteyenmo nak aqsa m'a ekhem nennakxamakxal'a aqsok negkeneykekxa', cháxa nenteme meyke negmegqakto xa.

Proverbios 11:24

Yetneyk chá'a énxet memyágweykekxa nak chá'a aqsok apagkok apkelxaweykekxoho aqsok, yetneyk han énxet apmasma nak chá'a aqsok apagkok, meyke aqsok apagkok etnekxa'.

Proverbios 12:24

Énxet apwasqapma nak aptamheykha, néten sa' etnehek nepyeseksa énxet'ák; kélásenneykha naqsa sa' chá'a kóltéhek ma'a apháxamakpoho nak chá'a etneykha.

Proverbios 12:27

Megyaqhehek apyógkexma m'a énxet apháxamákpoho nak chá'a, xámok eyke katnehek aqsok apagkok ma'a énxet apmopmenyého nak aptamheykha.

Proverbios 13:4

Apmenyeyk eykhe katnehek aqsok apagkok ma'a énxet apháxamákpoho nak chá'a etneykha, métyehek eyke; xámok eyke katnehek aqsok apagkok ma'a énxet ekha nak aptamheykha.

Proverbios 18:9

Épetchekxak chá'a apkelháxamákpoho nak chá'a eltemeykha m'a apnaqtawáseykha nak chá'a aqsok, máxa apkelyáxeg chá'a etnekxa'.

Proverbios 19:15

Yentexek chá'a katnehek nenteyenma m'a negháxamáxkoho nak, meyk chá'a kaqhek ma'a apháxamákpoho nak chá'a etneykha.

Proverbios 19:24

Epogwátek chá'a sokpayhe emok apto m'a énxet apháxamákpoho nak chá'a etneykha, mopwanchek eyke ey'ásekxak apátog.

Proverbios 20:13

Ná etyen chá'a, meyke aqsok apagkok katnehek; etneykha chá'a yaqwayam enxoho kaxek chá'a apto.

Proverbios 20:4

Wokmek agkok ekhem nempeyncheykemxa xapop namyep egagkok, keñe mepeynchemhek xapop namyep apagkok ma'a énxet apháxamákpoho nak etneykha; keñe sa' ekwokmo enxoho ekhem kélnakxamakxa ekyexna, etegyaha sa' eykhe, méteyágwomek sa' eyke.

Proverbios 21:5

Tásek katnehek ekteyapma aqsok nentaqmelchessamo nak chá'a sekxók élchetámeykha egwáxok; asagkek eyke katnehek chá'a m'a nentemessáseykha naqsa nak nenlane, meyke aqsok egagkok hentéhek.

Eclesiastés 10:18

Énxet megkayaqwayam nak etneykha katyamok chá'a appakxanma; keñe m'a melane agko' nak aqsok, apyókxoho apxagkok chá'a etyamok.