Proverbios 10:30 - Biblia Enxet

³⁰ Méko sa' kaltaqhesha m'a énxet ekpéwomo nak aptémakxa', keñe sa' ma'a énxet ekmaso nak aptémakxa', meweynchamha sa' chá'a keso náxop.

Proverbios 10:30 ပူးပေါင်းရင်းမြစ်များ

Job 17:9

Elxének chá'a aptamhéyak ekpéwomo apkeltémakxa, tén han melánéyak aqsok ekmaso.

Salmos 112:6

megkasógwomek sa' chá'a apxega. ¡Kaxének sa' chá'a kélwáxok ma'a énxet ekpéwomo nak aptémakxa!

Salmos 125:1

Megkólwanchek kóltaqhesha m'a apcháyo nak chá'a Wesse' egegkok; aphawók ma'a egkexe Sión, émha nak chá'a meyke néxa'.

Salmos 15:5

tén han ma'a apmassáseykha nak chá'a pók selyaqye apagkok, meyke apkeltémo eyánmagkasagkok néten; tén han memà nak selyaqye exkak yáneykpok etwássesha apha m'a énxet meyke nak aptémakxa. Énxet apteme nak xa ektáha nak, metyemek sa' chá'a.

Salmos 16:8

Malwátéssemek chá'a ko'o ekxéneykha ewáxok Wesse' egegkok, aphegkek ko'o neheykha' ekpayho sélya'assamakxa', méko kawának hetegkesek.

Salmos 37:22

Elxewekxak sa' xapop ma'a ektaqmalma nak chá'a apkelxéneykha Wesse' egegkok, keñe sa' ma'a ekmaso nak chá'a apkelxéneykha, kólmasséssók sa'.

Salmos 52:5

Emasséssamhok apagko' sa' eyke han xépxa m'a Dios: emok sa', keñe sa' etekkesek ma'a apxagkok nak; yaqhek sa'.

Proverbios 10:25

Wa'ak agkok chá'a éxchahayam ekyennaqte, emassegwók chá'a m'a ekmaso nak aptémakxa', keñe énxet ekpéwomo nak aptémakxa', emallánek chá'a.