Proverbios 10:29 - Biblia Enxet

²⁹ Elmeyók chá'a Wesse' egegkok ma'a énxet'ák apkeláneyak nak aqsok ektaqmela, emasséssók eyke chá'a m'a énxet'ák apkeláneyak nak chá'a aqsok ekmaso.

Proverbios 10:29 ပူးပေါင်းရင်းမြစ်များ

Job 31:3

¿Háweya élmasagcha'a nak apkeltémakxa apagkok ma'a ekmaso nak apheykha, tén han ma'a melya'assáxma nak?

Salmos 1:6

Wesse' egegkok aptaqmelchessesso ámay apagkok ma'a énxet'ák apkelpéwomo nak, keñe m'a ámay apagkok nak énxet'ák melya'assáxma, kalya'aksek sa' ma'a sẽlmassésseykemxa nak.

Salmos 36:12

¡Kóllano ektáhakxa appalleyam ma'a énxet'ák élmasagcha'a nak apkeltémakxa! ¡Appallakme', menaqxétekhagkokxeyk chá'a!

Salmos 37:20

Máxa pa'at apák sa' etnahagkok elmétek ma'a élmasagcha'a nak apkeltémakxa; máxa éten sa' etnehek elmassegwók ma'a apkelenmexma nak Wesse' egegkok.

Salmos 84:7

kántagkok sa' aqsa apkelyennaqte neyseksa apkelxega, elwetágwók sa' Dios meyke ekhémo m'a Sión.

Salmos 92:7

Apxámákxeyk agkok ma'a élmasagcha'a nak apkeltémakxa ektémól'a pa'at, tén han ma'a apkeláneykegkoho nak chá'a aqsok ekmaso, kélmassésseyam meyke néxa aqsa chá'a etnahagkok ma'a.

Proverbios 11:7

Apketsekkek agkok énxet ekmaso nak aptémakxa', kamassegwók han ma'a apkelhaxneykha tén han ma'a ekxeyenma neykhe apwáxok éta'.

Proverbios 13:6

Aptémakxa ekpéwomo chá'a kamyók ma'a énxet meyke nak aqsok ekmaso apkelane; aptémakxa ekmaso eyke chá'a katsagkasek ma'a énxet mey'assáxma nak.

Proverbios 21:15

Kéllánekxéssek agkok ektaqmela amya'a m'a énxet'ák, kapayhekxak chá'a apwáxok ma'a énxet appéwomo nak, keñe káhapwak chá'a apnaqtawásamap ma'a apkeláneykegkoho nak chá'a aqsok ekmaso.

Isaías 40:31

elxawagkok sa' eyke chá'a axnagkok apkelyennaqte m'a énxet'ák apcháyo nak chá'a Wesse' egegkok, apwanchek sa' elchampa' ektémól'a m'a náta élyawe; apwanchek sa' yenyahagkok chá'a meyke apkelennamágwayam, apwanchek sa' elxog chá'a meyke apkelyampágwayam.

Oseas 14:9

Kéméxcheyk elya'asagkohok apkelmopwancha'a nak aqsok, tén han ekha nak apkelya'áseyak aqsok se'e amya'a nak: Kelpéwók agko' ámay apagkok ma'a Wesse' egegkok, elyetlók chá'a m'a énxet'ák apkelpéwomo nak, keñe m'a énxet'ák élmasagcha'a nak apkeltémakxa kalpelápagkasek chá'a.

Zacarías 10:12

Agkések sa' ko'o apkelyennaqte m'a, yetlo apkelxeyenma sekwesey sa' nahan elxog. Ekxénchek ko'o xa, sektáha nak Wesse'.”