Proverbios 10:25 - Biblia Enxet

²⁵ Wa'ak agkok chá'a éxchahayam ekyennaqte, emassegwók chá'a m'a ekmaso nak aptémakxa', keñe énxet ekpéwomo nak aptémakxa', emallánek chá'a.

Proverbios 10:25 ပူးပေါင်းရင်းမြစ်များ

Job 17:9

Elxének chá'a aptamhéyak ekpéwomo apkeltémakxa, tén han melánéyak aqsok ekmaso.

Job 20:8

Máxa negwanmagko sa' etnehek emassegwók, ektémól'a aqsok negwetél'a axta'a, megkólwetekxók sa' chá'a.

Job 21:18

¿Agwethoya chá'a kólexpánchesek, ektémól'a pa'at apák kalsók samaxche éxchahayam agkok?

Salmos 125:1

Megkólwanchek kóltaqhesha m'a apcháyo nak chá'a Wesse' egegkok; aphawók ma'a egkexe Sión, émha nak chá'a meyke néxa'.

Salmos 15:5

tén han ma'a apmassáseykha nak chá'a pók selyaqye apagkok, meyke apkeltémo eyánmagkasagkok néten; tén han memà nak selyaqye exkak yáneykpok etwássesha apha m'a énxet meyke nak aptémakxa. Énxet apteme nak xa ektáha nak, metyemek sa' chá'a.

Salmos 58:10

Kalpayhekxak sa' apkelwáxok kélyaqmagkassásekxo enxoho kélteméssessamakxa m'a apkelpéwomo nak; ¡elyássesek sa' apmagkok éma apagkok ma'a élmasagcha'a nak apkeltémakxa!

Salmos 58:9

eláléwak sa' ektémól'a yámet ekha nak am'ák kólwatnek, amonye' apkelya'ásegwayam; kólpátekkesek sa' yetlo apkeltaqnómap apagko', ektémól'a pa'at axnancha'ák.

Proverbios 1:27

ekwa'a enxoho kélnepyeseksa kéxegke m'a nélmeneykha tén han ekmaso nak negha, magya'áseyak nentáhakxa tén han ekyentaxno egwáxok, ektémól'a éxchahayam ekyennaqte kamasséssók ekyókxoho aqsok!

Proverbios 10:30

Méko sa' kaltaqhesha m'a énxet ekpéwomo nak aptémakxa', keñe sa' ma'a énxet ekmaso nak aptémakxa', meweynchamha sa' chá'a keso náxop.

Proverbios 12:3

Megkapasmehek énxet ma'a aptémakxa ekmaso nak; exhok eyke yámet ekyennaqtél'a élatchesso kepmenák xapop ma'a énxet élpéwomo nak apkeltémakxa'.

Proverbios 12:7

Apmassegwokmek agkok ma'a élmasagcha'a nak apkeltémakxa', metepagkehek chá'a, keñe m'a apkelpéwomo nak, etepagkok aqsa chá'a aptawán'ák neptámen.

Isaías 40:24

Máxa m'a aqsok kélcheneykekxa megkalyennaqtél'a, kaxwe kélcheneykekxal'a, kaxwe élatchessól'a kepmenák ma'a xapop. Apwátekhapchek agkok nepyeseksa m'a Dios, elapyósek, keñe kalsók ma'a éxchahayam ekyennaqte, ektémól'a m'a yámet áwa' apák.