Proverbios 10:22 - Biblia Enxet

²² Ekxákma aqsok egagkok hegwetaksek ma'a ektémakxa nak Wesse' egegkok sempasmo, megkeypetchek ma'a nenlegeykegkoho nak.

Proverbios 10:22 ပူးပေါင်းရင်းမြစ်များ

Génesis 12:2

Axámassásekxak sa' ko'o aptawán'ák neptámen, énxet apxámokma sa' etnekxa'; apasmok sa' xép, apeykessásekxak sa' apwesey ekyókxoho yókxexma, xép sa' nahan kañenták apasmok ma'a pók énxet'ák nak.

Génesis 13:2

Xámok agko' axta aqsok apagkok ma'a Abram, yetneyk axta m'a sawo élyátekto élmomnáwa nak, tén han ma'a sawo élmope élmomnáwa nak, xámok axta han apnaqtósso.

Génesis 14:23

mamekxeyk ko'o xama aqsok enxoho ektáha nak xép apagkok, xama yátépépe eykhe katnehek, essenhan xama táma enxoho yaqwayam atnehek séltéto emagkok axát'ák, yaqwayam enxoho mehexének ko'o exchep sexámássesso aqsok ahagkok.

Génesis 24:35

Awanhók agko' appasmo Wesse' egegkok aqsok apkelanakxa enxoho chá'a m'a wesse' ahagkok nak, apxámássessegkek aqsok apagkok: apkelméssegkek ma'a nepkések, weyke, sawo élyátekto élmomnáwa, tén han ma'a sawo élmope élmomnáwa, keñe han apkelásenneykha apkelennay'a, tén han kelwán'ák, yányátnáxeg, tén han yámelyeheykok.

Génesis 26:12

Apkeneykekxeyk axta aqsok Isaac xa apyeyam nak, cháxa yókxexma nak, xámok agko' axta han apnakxo ekyexna aqsok apkeneykekxa, hakte appasmomchek axta m'a Wesse' egegkok,

Génesis 26:13

wesse' axta aptemék, xámokmeyk agko' axta aqsok apagkok.

1 Reyes 21:19

Sa' etnehek yának se'e: ‘Aptáhak Wesse' egegkok se'e: Apchaqhak xép ma'a Nabot, apyementegkek han ma'a ektáha axta apagkok, sa' kalyaqmalmakha exchepxa éma apagkok semheg ma'a élyaqmelágkaxa axta éma apagkok ma'a Nabot.’”

1 Crónicas 4:10

Axta aptemék Jabés appaqhetchessama m'a Dios nak Israel: “Éltamhók ko'o kataqmalmakha apwáxok xép hélano', keñe han hegkések xama yókxexma ekyawe agko', tén han hepasmok hemallahanchesek aqsok ekmaso, yaqwayam enxoho ko'o manyegko'.” Apméssegkek axta han Dios ma'a aqsok apkelmaxnagko.

2 Crónicas 25:9

Apkelmaxneyáha axta Amasías ma'a Dios énxet apagkok: —¿Háxko eyke katnehek ma'a tres mil trescientos kilos sawo élmope sélmeyásegko axta m'a sẽlpextétamo nak Israel? Apchátegmowágkek axta m'a Dios énxet apagkok: —Apwanchek Wesse' egegkok eyeykhássamhok apkelmeyáseykekxa makham xép xa aqsok nak.

2 Crónicas 32:27

Xámeykekxeyk axta aqsok apagkok Ezequías, ekha kéláyo axta aptemék, apxámáseykekxeyk axta sawo ekmope élmomnáwa, sawo ekyátekto élmomnáwa, meteymog élmomnáwa éltaqmalma, sokmátsa, kéláhakkásamáxche' tén han mók ektémakxa nak chá'a aqsok élmomnáwa.

2 Crónicas 32:29

Apkeltémok axta han elanakpok tegma apkelyawe, xámokmeyk axta weyke apnaqtósso, tén han nepkések, hakte apkelméssegkek axta Dios ekxámokma agko' aqsok apagkok.

Salmos 107:38

Etaqmelchessesek chá'a apheykha m'a, yának chá'a exámekxa', tén han kaxámekxak agko' ma'a aqsok apnaqtósso.

Salmos 127:2

Kaqhok óghaxchek nentamheykha tén han antók nento néghamaxche nak negwete, apkelmeyásegko enxoho chá'a Dios ma'a apkelásekhayókxa nak, neyseksa apnaqteyenma.

Salmos 37:22

Elxewekxak sa' xapop ma'a ektaqmalma nak chá'a apkelxéneykha Wesse' egegkok, keñe sa' ma'a ekmaso nak chá'a apkelxéneykha, kólmasséssók sa'.

Proverbios 14:24

Énxet ekha nak apya'áseykegkoho aqsok, ekha kéláyo chá'a katnéssesek ma'a apmopwána nak aqsok; keñe m'a élyeyháxma nak, kólya'asagkohok chá'a aptamhéyak élyeyháxma.

Proverbios 20:21

Aqsok megkamáske nak ekwetamaxche sekxo', háwe yaqwayam kapeykásekxak egwáxok.

Proverbios 28:22

Kapekhaksek chá'a etnehek ekxákma aqsok apagkok ma'a énxet étsapeykha nak chá'a apnények elanok aqsok, mey'asagkehek peya káhapwak ma'a senteme nak meyke aqsok egagkok.

Proverbios 8:21

Alméshok chá'a ko'o aqsok ekpayhawo nak chá'a yaqwayam almések ma'a sélásekhayo nak chá'a: allánessesagkohok chá'a apxanák ma'a aqsok élmomnáwa.

Daniel 1:15

Wokmek axta diez ekhem, kéllanawok axta ektáhakxa nápaqta'a, keltásek axta, kalyeyha'ak axta han apyempe'ék nepyeseksa m'a apyókxoho wokma'ák, apteykegko axta chá'a wesse' apwányam apto.

Zacarías 5:4

Aptáhak Wesse' egegkok ekha nak apyennaqte s'e: ‘Eyáphássek ko'o s'e aqsok ekmaso, yaqwayam sa' katxek chá'a apxagkok ma'a apmenyexma nak chá'a tén han ma'a apteme nak chá'a apmopwána amya'a apxeyenma sekwesey. Keytek sa' chá'a aqsok ekmaso m'a kañe' apxagkok, ekweykmoho eksawhéxkoho agko' ma'a yámet éltegyésso nak tén han ma'a meteymog.’”

Deuteronomio 26:10

Cháxa keñamak sélsánto nak ko'o kaxwók se'e émha amonye' ekyexna nak aqsok negkeneykekxa ektekkesso nak xapop segmésso axta m'a Wesse' egegkok.’ “Epekkenek sa' hówenaq apxagkok nápaqtók Dios Wesse' apagkok, keñe sa' eltekxók aptapnák nápaqto'.

Deuteronomio 28:11

Exekmósek sa' apkelásekhayo kéxegke Wesse' egegkok elmések ekxámokma agko' ma'a kélketchek, tén han ekxámokma étkók ma'a weyke kélnaqtósso tén han ekxámokma agko' ma'a aqsok ekyexna kélcheneykekxa kélnakxo eñama m'a xapop apxeyenma axta naqsók egkések kéxegke m'a kélyapmeyk nano'.

Josué 6:18

Kóltaqmelchesaxkoho sa' kéxegke, nágkólma aqsa tén han nágkólpaknegwomho m'a aqsok ekhéyak nak ma'a tegma apwányam, hakte appenchessek apkelpagkanma Wesse' egegkok yaqwayam kólmasséssók xa aqsok nak. Sa' agkok kólyahákxak kéxegke xa, kélsexnenagko kélagko' sa' kóltéhek ma'a apkelpakxeneykegkaxa nak énxet'ák Israel, kólhágwakxak sa' ma'a ekmaso agko' nak.