Proverbios 10:20 - Biblia Enxet

²⁰ Hawók appeywa énxet appéwomo m'a ektémakxa nak sawo ekmope élyenma ektaqmalma nak; mékoho agko' eyke m'a ektémakxa nak chá'a élchetámeykha apwáxok ma'a énxet ekmaso nak aptémakxa'.

Proverbios 10:20 ပူးပေါင်းရင်းမြစ်များ

Génesis 6:5

Apwet'ak axta Wesse' egegkok ekyawa agko' ekmaso apkeltémakxa énxet'ák keso náxop, élxéneykencha'a aqsa apkelwáxok wánxa elanagkok ma'a aqsok ekmaso nak.

Génesis 8:21

Xama axta aptekhana Wesse' egegkok xa ekmátsa nak ekpaqneyam, aptáhak axta s'e: “Wánxa kaxwók sektaqnagko keso náxop, eñama apkeltémakxa énxet'ák, hakte apketkok apkeynmókxa énxet wánxa kaxénmakha apwáxok elának aqsok ekmaso. Mamasséssemek han chá'a kaxwók ma'a ekyókxoho aqsok nawha'ák, sektáhakxa nak se'e kaxwo' nak.”

Salmos 37:30

Yetlo apkelya'áseyak chá'a elpaqmétek ma'a énxet'ák éltaqmalma nak apkeltémakxa; yetlo ekmámnaqso' han chá'a etnehek apkelpeywa m'a.

Proverbios 12:18

Yetneyk énxet apyenheykha nak chá'a appeywa ekmaso pók, ektémól'a elyetxák pók énxet sawo, awanchek eyke hentaqmelchessók appeywa m'a énxet apya'áseykegkoho nak aqsok, ektémól'a pánaqte.

Proverbios 15:4

Nentaqmelchessamo nempaqhetchesso egmók ekteme segmésso ekyennaqte egnények; katsagkasek eyke chá'a egwáxok ma'a megkeyxnegwayam nak chá'a nempeywa ampaqhetchesek egmók.

Proverbios 16:13

Elásekhohok chá'a wesse' apkelwányam ma'a énxet'ák apkelpaqméteykha nak chá'a yetlo ekmámnaqso', meyke nak chá'a apkelyexamakpoho, elanok chá'a yetlo ektaqmeleykha apkelwáxok.

Proverbios 20:15

Tásók agko' appeywa m'a énxet appaqmeyesmo nak chá'a yetlo apya'áseykegkoho, yeykhásseykmók ma'a sawo ekyátekto ekmomnáwa, tén han ma'a aqsok élyenméyak ekhágko nak se'e ekyókxoho nélwanmeygkaxa nak.

Proverbios 23:7

ekho nak xama kélwa' ekyetnayam nak egyespok. Sa' etnehek yának se'e: “Etaw, eyen”, háwe eyke naqso' xa aptáhakxa nak apcháneya;

Proverbios 8:19

Tásók agko' ma'a aqsok sekmésso nak ko'o, kaxnók ma'a sawo ekyátekto ekmomnáwa ektaqmalma; tásók agko' ma'a aqsok séltennassama nak ko'o, megkaxnawok ma'a sawo ekmope kéltaqmelchessamo nak kélaxñáseykekxa'.

Jeremías 17:9

“Méko xama enxoho ekyeykhágweykmoho ekmowána amya'a tén han ekmaso ektémakxa ektéma nak apwáxok ma'a énxet. ¿Yaqsa awanchek kay'asagkoho'?