Proverbios 10:19 - Biblia Enxet

¹⁹ Énxet ekxákma nak appeywa, xámok chá'a katnehek megyaqhémo appeywa; apya'áseykegkoho aqsok akke m'a apwanmeyeykha nak aqsa chá'a.

Proverbios 10:19 ပူးပေါင်းရင်းမြစ်များ

Salmos 39:1

Ekxeyenmeyk axta ko'o alanagkohok sektémakxa, tén han mehélanaksek may'assáxma m'a sekpeywa, tén han amágwakxak chá'a sekpeywa, apchaqnáncha'a enxoho chá'a emonye' m'a élmasagcha'a nak apkeltémakxa.

Proverbios 11:12

Asagkek chá'a katnehek appeywa exének pók ma'a énxet ekyeyháxma nak; keñe m'a énxet metnaha nak ekyeyháxma, ewanmak aqsa.

Proverbios 11:13

Eltennasha chá'a apyókxoho énxet'ák ma'a énxet apkeltenneykha nak chá'a amya'a aplege; ewanmak eyke aqsa chá'a meyke apkeltenneykha m'a énxet ekha nak kéláyo.

Proverbios 12:23

Mexénmakha ektémakxa apya'áseyak aqsok ma'a énxet apmopwána nak aqsok, keñe m'a ekyeyháxma nak, exekmósek chá'a énxet'ák apteme ekyeyháxma.

Proverbios 18:21

Nempeywa yetnók ma'a ekyennaqte nak egnények tén han nétsapma; énxet ekxámokma nak chá'a apkelpeywa, ellegagkohok chá'a natámen.

Eclesiastés 5:1

Apmeyákxeyk agkok Dios tegma appagkanamap apagkok, elanagkoho yaqwánxa etnehek: ná egkés aqsa aqsok aptósso apchaqhe aptémól'a m'a énxet ekyeyháxma mey'áseyak la'a aqsok ekmaso apkelane, epenchesho sekxók apkeláneykekxa aptáhakxa yaqwayam elyahakxohok Dios.

Eclesiastés 5:2

Ná epekhés exének elanaksek aqsok Dios, nágkaxén apwáxok elanaksek heykxe aqsok Dios, hakte apheyk Dios ma'a néten, keñe exchep se'e náxop. Ná exámasák appeywa m'a apkepwagkexa enxoho,

Eclesiastés 5:3

hakte xámok agkok élchetamso apwáxok, katsagkassesek apwanmagko, apxámáseykxeyk agkok han appeywa, exénwók ma'a megkapayhawo nak chá'a antéhek.