Proverbios 10:15 - Biblia Enxet

¹⁵ Ekxámokma aqsok apagkok chá'a yásenneykxak ma'a apkelwesse'e nak; meyke aqsok apagkok akke chá'a kasexnenak ma'a meyke nak aqsok apagkok.

Proverbios 10:15 ပူးပေါင်းရင်းမြစ်များ

Salmos 49:6

Ekxámokma aqsok apagkok akke apkelásenneykekxak ma'a, elxénmakha chá'a ekxámokma aqsok apagkok,

Salmos 52:7

“Kóllano mey'eykekxa nak chá'a Dios yaqwayam emyók; apchásenneykekxo nak chá'a ekxámokma agko' aqsok apagkok, melwátésseyam nak chá'a apkelane aptémakxa ekmaso.”

Proverbios 14:20

Kammohok aptaqnaweykekxa apnámakkok apagko' ma'a énxet meyke nak aqsok apagkok; apxámok eyke etnehek apnámakkok ma'a énxet ekha nak aqsok apagkok.

Proverbios 18:11

Énxet ekxákma nak aqsok apagkok, apchásenneykekxeyk ma'a ektémakxa nak ekxákma aqsok apagkok, apkenagkamchek katneyk ma'a ektémakxal'a meteymog kélhaxtegkesso netna'awók nepyáwa tegma apwányam.

Proverbios 19:7

Aptaqnókek agkok apnámakkok ma'a énxet meyke nak aqsok apagkok, ekyágwánxa agkok melanók ma'a apkelxegexma'a nak.

Eclesiastés 7:12

Hentaqmelcheshok chá'a m'a negya'áseykegkoho nak aqsok, hawók ma'a selyaqye nak, yeykhágweykmók eyke m'a negya'áseyak nak aqsok, hakte awanchek kagkések apyennaqte m'a énxet ekha nak apya'áseykegkoho aqsok.

Jeremías 9:23

Aptáhak Wesse' egegkok se'e: “Kéméxcheyk megkeyxkók appeywa exénakpekxohok apagko' énxet apya'áseykegkoho nak aqsok eñama apteme ekha apya'áseyák, tén han ma'a énxet apyennaqte nak eñama apteme ekha apyennaqte, tén han ma'a ekxámokma nak aqsok apagkok, eñama apteme ekxámokma aqsok apagkok.