Proverbios 10:12 - Biblia Enxet

¹² Katekkeshok nélenmexamaxche m'a eklo nak chá'a egwáxok, keñe eyke m'a nélásekhamaxkoho nak, kamasseksek chá'a ekyókxoho aqsok ekmaso nenlane.

Proverbios 10:12 ပူးပေါင်းရင်းမြစ်များ

Proverbios 15:18

Etekkesek chá'a éllámaxche m'a énxet ekmanyehe nak chá'a elwok; emasseksek eyke chá'a m'a énxet mepekhésamap nak chá'a elwok.

Proverbios 16:27

Énxet ekmaso nak aptémakxa, cham'a ekyetnamakxa m'a ekmaso nak nentémakxa'; ¡máxa táxa eyáléwe m'a appeywa nak!

Proverbios 17:9

Énxet mexnéssamo nak mók kélteméssesakxa ekmaso, yásekhakpohok chá'a; keñe m'a énxet apkelenxányam nak eyaqmagkásekxak kélteméssesakxa ekmaso, kamaskok exek ma'a apnámakkok apkelásekhayókxa nak.

Proverbios 28:25

Etekkesek chá'a apkelenmexamap ma'a énxet apmopmenyého nak chá'a étak aqsok apagkok; kaxámagkok eyke aqsok apagkok ma'a énxet apteme nak chá'a apcháyo Wesse' egegkok.

Proverbios 29:22

Etekkesek chá'a apkelenmexamap ma'a énxet apyennaqteyáseykha nak chá'a apyempehek, xámok han chá'a katnehek megyaqhémo aptáhakxa m'a ekmanyehe nak elwok.

Proverbios 30:33

hakte apyennaqtéssek agkok weyke nagkeygmenek, étak sa' ma'a pexmok agkok, agkok yeyásak chá'a apkexaya apyexwála', éma katyapok apwéhek, aplókassek agkok pók, keytlawhok apkelnápomap.