Proverbios 1:4 - Biblia Enxet

⁴ ólya'assásegwók aqsok ma'a wokma'ák melya'áseyak nak aqsok, tén han agmések apkelyekpelchágwayam tén han agya'assásegwók ektémakxa ektaqmalma élchetámeykha apkelwáxok.

Proverbios 1:4 ပူးပေါင်းရင်းမြစ်များ

Salmos 116:6

Eltaqmelcheshok chá'a Wesse' egegkok ma'a énxet'ák megkamopwána nak chá'a elmeyawakpohok apagko'. Ewagkassek axta ko'o teyp ekmassa axta sekyennaqte.

Salmos 119:130

Hẽlsássesek chá'a exma sẽltennáseyncha'a enxoho chá'a m'a appeywa, kaltamaksek chá'a m'a énxet'ák meyke nak apkelya'áseyak.

Salmos 119:9

¿Háxko etnehek elanagkohok aptémakxa wokma'ák elának aptémakxa ekpéwomo? ¡Etnehek ma'a ektémakxa nak xép appeywa!

Salmos 19:7

Péwók han ma'a Wesse' egegkok nak nélxekmowásamáxche apagkok, hakte hegmeyásekxohok chá'a axnagkok negyennaqte. Mogwanchek agya'ássók ma'a apkeltémókxa nak antéhek Wesse' egegkok, hakte kagkéshok chá'a apmopwána aqsok ma'a énxet meyke nak apya'áseyak.

Salmos 34:11

Kéxegke kélketkók nak, kólchexyem, kóleyxho sa' sekpeywa: alxekmósek sa' nentémakxa agáwhok Wesse' egegkok.

Proverbios 3:21

Hatte, etaqmelches apmeykha m'a ektémakxa nak apyekpelchémo aqsok, nágyoho kagketek ma'a ektémakxa nak apmopwána apkeláneykegkoho aptémakxa,

Proverbios 8:12

Ko'o, negya'áseykegkoho aqsok, axek chá'a xamo' ma'a ektémakxa nak negmowána aqsok, ewanchek ko'o ótak ma'a negyekpelchágwayam nak, tén han ektaqmalma nak élchetámeykha egwáxok.

Proverbios 8:17

Wásekhohok chá'a ko'o m'a ektáha nak seyásekhayo, héteyekxak nahan chá'a m'a ektáha nak sektamso.

Proverbios 8:32

“Étchek, kóleyxho kaxwo' sekpeywa; kólyetlow sektémakxa nak keñe sa' kalpayhekxak chá'a kélwáxok.

Proverbios 8:5

Kéxegke wokma'ák, meyke nak kélya'áseyak aqsok tén han ma'a élyeyháxma nak, ¡kóltámesaxche kélteme ekha ekxeyenma kélwáxok tén han kélya'áseykegkoho aqsok!

Eclesiastés 11:9

Xép apteme nak apketkok, kapayhekxa apwáxok, ekyennákxa nak makham apyempehek, kapeykessásekxa apwáxok ma'a aqsok éltaqmela nak, keso apkepwagkexa nak makham. Elána' m'a ekxénakxa enxoho apwáxok elána', eñama m'a ekyókxoho aqsok apwete nak, kaxén eyke apwáxok Dios sa' ékpelkohok ma'a ekyókxoho aqsok apkelane nak xép.

Isaías 35:8

Keytek sa' nahan xama ámay ma'a neyseksa nak, kólteméssesek sa' ekwesey “ámay ekpagkanamaxche'”. Mopwanchek sa' elpéwhok élmanyása nak apkeltémakxa m'a; melpéwók sa' nahan chá'a m'a énxet'ák élyeyháxma nak.

Deuteronomio 4:6

Kólyahakxoho sa' chá'a, kóllána sa' nahan, hakte sa' kañék apkelya'áseykegkoho kéxegke énxet'ák apheykha nak mók nekha, ekha kélya'áseykegkoho xa tén han kélyekpelchémo, hakte kélya'ásegwokmek sa' agkok kéxegke xa segánamakxa nak, megkatnehek sa' metne elxének se'e: ‘¡Apkelya'áseyak nak la'a eghak se'e énxet'ák apxámokma nak, apkelyekpelchémo nahan eghak!’