Proverbios 1:31 - Biblia Enxet

³¹ ¡Kápekxak sa' xa ektémakxa nak chá'a aqsok ekmaso kélláneyák! ¡Kalleklágwók sa' ektémakxa nak ekmaso kéltémakxa'!

Proverbios 1:31 ပူးပေါင်းရင်းမြစ်များ

Job 4:8

Yetneyk ko'o ektémakxa sekwete énxet apkelane nak aqsok ekmaso agko', kápekxohok agko' chá'a m'a ektémakxa nak aqsok ekmaso aptekkesso.

Salmos 81:13

¡Ehaxnawók axta agkok ko'o m'a énxet'ák ahagkok! ¡Aptáha enxoho chá'a séltémókxa axta chá'a etnehek ma'a Israel,

Proverbios 12:14

Aqsok ektaqmela nak chá'a nenxeyenma, awanchek hempasmekxa', anxewekxak han chá'a ekyánmaga aqsok nenlane.

Proverbios 13:2

Aqsok ektaqmela nak chá'a nenxeyenma, awanchek hempasmekxa', keñe m'a énxet'ák appelakkasso nak chá'a elsexnenak apnámakkok, atsek emáwhok elyennaqtésha apyempe'ék.

Proverbios 14:14

Kalkohok chá'a apwáxok elanok aptémakxa m'a ekyeyháxma nak; kalkohok han chá'a apwáxok elanok aptémakxa m'a énxet meyke nak aptémakxa.

Proverbios 22:8

Énxet aptekkesso nak aqsok ekmaso, kápekxak sa' aqsok ekmaso aptekkesso; ¡Emasséssók sa' Wesse' egegkok yetlo aplómo apagko'!

Proverbios 5:22

Kamekxohok agko' chá'a aqsok ekmaso apkelane m'a énxet ekmaso nak aptémakxa'; máxa táma katnehek kalpextétek ma'a mey'assáxma apkelane apagkok apagko' nak.

Proverbios 5:23

Meláneykegkoho aptémakxa sa' keyntamok ma'a nétsapmakxa nak; aptémakxa ekyeyháxma sa' kañék etwasakpohok apagko'.

Proverbios 8:36

keñe m'a énxet ektáha nak sétnakhasso ko'o, cháxa aptawásekpoho apagko' xa; ¡apyókxoho ektáha nak chá'a setaqnagko ko'o, cháxa aptáha apchásekhayo m'a nétsapma!”

Isaías 66:4

Alyéssesha sa' eyke ko'o xa apkellegeykegkoho yaqwayam almések ma'a, wáphássesek sa' ma'a aqsok apkeláyo apagko' nak chá'a. Hakte élwóneykha axta eykhe, keñe méko seyátegmoweykegko, élpaqhetchessegkek axta eykhe keñe méko xama seháxenmo; apkeláneykegkek axta aqsa m'a aqsok mamámenyého nak ko'o, apkelyéseykha axta m'a megkaleklamakxa nak ko'o ewáxok.”

Jeremías 14:16

Tén han ma'a énxet'ák ektáha axta chá'a apkeltennáseykha m'a, eletsapok sa' nahan kempakhakma, tén han meyk élnapma, yetlo apnaqteyegka'a, tén han apketchek apkelennay'a tén han kelwán'ák. Kólchexák sa' aphopák ma'a ámay nak Jerusalén, méko sa' kalátawanyek. Sa' atnehek ko'o ayaqmagkásekxak ma'a apkeltémakxa ekmaso nak.

Jeremías 2:19

Kéltémakxa ekmaso kélagko' sa' kéxegke kallegassásegkokxa', kélyamasma kélyetleykha Dios sa' kalsexnena'. Kalchetam sa' kélwáxok keñe sa' kólya'ásegwók asagkek ko'o hélyenyók, tén han askehe', tén han mehélakawo enxoho, ko'o sektáha nak Dios Wesse' kélagkok. Ko'o sekxeyenma xa, sektáha nak Wesse' ekha sekyennaqte.

Jeremías 21:14

Allegássesagkohok sa' ko'o kéxegke ekhawo ektémakxa nak chá'a aqsok kélláneyak, awatnések sa' naxma kélagkok, cháxa táxa nak, kalwatnek sa' ma'a ekyókxoho aqsok ekhéyak nak kélnepyáwa'. Ko'o sekxeyenma xa, sektáha nak Wesse'.’”

Jeremías 6:19

Énxet'ák kélheykha nak keso náxop, kóleyxho: Wáphássesek sa' ko'o aqsok ekmaso s'e énxet'ák nak, ekyaqmageykekxa élxéneykha chá'a apkelwáxok elanagkok aqsok ekmaso; hakte melyaheykekxak ma'a sekpeywa nak, aptaqnagkamchek aqsa m'a segánamakxa ahagkok nak.

Ezequiel 22:31

Cháxa keñamak sekyenyénto nak ko'o séllegassáseykegkoho nepyeseksa xa énxet'ák nak tén han sekmasséssekmo yetlo seklómo ahagko', yaqwayam enxoho ayaqmagkásekxak ma'a apkeltémakxa. Ko'o sekxeyenma xa, sektáha nak Wesse'.’”