Proverbios 1:28 - Biblia Enxet

²⁸ “Hélwónmakha sa' eykhe xa ekhem nak, magwátegmowagkehek sa' eyke ko'o; hélchetmok sa' eykhe, mehelwetekxeyk sa' eyke;

Proverbios 1:28 ပူးပေါင်းရင်းမြစ်များ

Génesis 6:3

Keñe axta Wesse' egegkok aptáha s'e: “Magwohok sa' kaxwók kawegqohok apha énxet, hakte megkatnehek chá'a megyetsapma m'a. Ciento veinte apyeyam sa' aqsa chá'a néxa apha.”

Job 27:9

Apwet'ak agkok ekyentaxno apha, megyéxok Dios ma'a apwóneykha.

Job 35:12

Elpáxamha eykhe chá'a, megyátegmowagkek eyke Dios, hakte énxet'ák élmasagcha'a apkeltémakxa tén han apkeleymákpoho m'a.

Salmos 18:41

Aptegyeykegkek axta eykhe ekpasmo, méko axta eyke ekpasmoma; apwóneykha axta eykhe chá'a Wesse' egegkok, axta eyke yátegmoweykegkok.

Salmos 18:42

¡Ektepelchamók axta ektémól'a yagkamex kalsók éxchahayam! ¡Élteyammeykha axta, ektémól'a ólteyammaha yelpa' m'a ámay!

Salmos 66:18

Asagkek axta agkok ko'o élchetamso ewáxok, meheyéxók axta m'a Wesse' egegkok;

Proverbios 15:29

Melanók Wesse' egegkok ma'a énxet'ák élmasagcha'a nak apkeltémakxa', emok eyke chá'a takha' nempeywa nélmaxnagko apagkok ma'a énxet'ák élpéwomo nak apkeltémakxa.

Proverbios 8:17

Wásekhohok chá'a ko'o m'a ektáha nak seyásekhayo, héteyekxak nahan chá'a m'a ektáha nak sektamso.

Isaías 1:15

Kélya'ássek agkok chá'a kéxegke kélmék néten kóltéhek nempeywa nélmaxnagko, malanók chá'a ko'o kéxegke; kólxámaksohok eykhe nahan kélteme nempeywa nélmaxnagko, mañék eyke ko'o. Keltexnémáxcheyk éma kélmék ekyetno kélyógkexma.

Jeremías 11:11

Wáphaksek sa' ko'o aqsok ekmaso agko' nepyeseksa, megkamopwána nak elegketakpok. Elpáxamha sa' eykhe eltamhok apasmok, magweyxók sa' eyke ko'o. Ko'o sekxeyenma xa, sektáha nak Wesse'.

Jeremías 14:12

Metawagkehek sa' eykhe aptéyak, magweyxók sa' eyke ko'o m'a apkelmaxneyéyak; xámók sa' eykhe katnehek sélseykentegkesso m'a aqsok apkelwatno, tén han ma'a sélmésso naqsa nak chá'a aqsok ekyexna kélcheneykekxa, megkalchek sa' eyke ko'o ewáxok alano'. Amasséssók sa' wahak kempakhakma, meyk, tén han negmasse ekmaso.”

Ezequiel 8:18

Alának sa' eyke ko'o aqsok yetlo seklo. Megkalepyósek sa' alanok xama enxoho m'a. Elpáxamha sa' eykhe hewónmakha, magweyxók sa' eyke.”

Oseas 5:15

“Keñe sa' ataqhohok makham ma'a séñamakxa, ekwokmoho apkelya'ásegwokmo melya'assáxma m'a, tén han apkelchexyekmo enxoho hektamok ko'o. ¡Hektamok sa' neyseksa apkellegeykegkoho!”

Oseas 5:6

Elxog sa' yetlo apnaqtósso nepkések tén han weyke ektamok ma'a Wesse' egegkok, méteyekxeyk sa' eyke, hakte apkexakhamchek ma'a.

Amós 8:12

Elweynchamha sa' aqsa m'a énxet'ák, etegyagkok Wesse' egegkok appeywa, esawhekxohok sa' apkelweynchámeykha m'a wátsam élyawe nak, eyeynamo m'a nexcheyha nak, ekweykekxoho m'a ekteyapmakxa ekhem nak, melwetágwomek sa' eyke.

Miqueas 3:4

Xama ekhem sa' kéxegke kólwónmakha Wesse' egegkok, megyátegmowagkehek sa' eyke. Exyánegkesek sa' kéxegke xa ekhem nak, eñama kélláneyak aqsok ekmaso.

Zacarías 7:13

Aptáhak axta s'e: “Magweyxók sa' ko'óxa sewóneyncha'a enxoho xa énxet'ák nak, ekhawo aptamhágkaxa nak megyahaxnawo sélwóneyncha'a ko'o.

Deuteronomio 1:45

Xama axta kélweykto makham kéxegke, kéllekxagweykha axta nápaqtók Wesse' egegkok, axta eyke yaháxenmók ektémakxa kélápagqánamáxche m'a.

1 Samuel 8:18

Megyeyxók sa' han kéxegke Wesse' egegkok kélpaqmétencha'a sa' kalleklamagkok aptémakxa xa wesse' apwányam kélyéseykencha'a nak.