Proverbios 1:11 - Biblia Enxet

¹¹ Sa' eykhe etnehek yának se'e: “Hẽlyetlogma'; ampekkenchesek sa' kelhanma yaqwayam agmok agaqhek ma'a énxet meyke nak aptémakxa.

Proverbios 1:11 ပူးပေါင်းရင်းမြစ်များ

Salmos 17:12

Máxa méwa éllól'a élyexanmeykhal'a m'a ekheykegkaxa nak kaleyxek aqsok yaqwayam katnéssesek nekha'a étkók.

Salmos 35:7

Meykexho sektémakxa epekkenchessók emonye' kelhanma; meykexho sektémakxa emétegkessók emonye' máxek, yaqwayam enxoho ko'o atyamok ma'a kañe'.

Salmos 56:6

Elyexanmaha chá'a hélanha sekmahágkaxa enxoho, eleyxek chá'a kataqmelekxak sete, yaqwayam heyaqhek.

Proverbios 1:16

hakte yahamók chá'a elanagkok aqsok ekmaso m'a; ¡yahamók chá'a keytek apkelyógkexma'!

Proverbios 1:18

apnegkenéyak apagko' eyke chá'a etnahágkok kelhanma xa énxet'ák nak, apkelsexnánémakpekxoho apagko' chá'a etnahagkok.

Proverbios 12:6

Kelhanma segaqhamo appeywa m'a énxet ekmaso nak aptémakxa'; negwagkásamáxche teyp akke m'a ektémakxa nak chá'a appeywa m'a énxet appéwomo nak.

Proverbios 24:15

Nágkaxén aqsa apwáxok ekmaso elának ma'a énxet meyke nak aptémakxa, ná ektamák enaqtawássesha aqsok apagkok ma'a apxagkok nak,

Proverbios 29:24

Énxet apxegexma nak chá'a m'a apmenyexmo nak, apkenmexamakpekxoho apagko' chá'a etnehek, eñak eykhe aptaqnómap, mexének eyke aqsok apkelane.

Proverbios 30:14

Yetneyk énxet ekho nak sókwenaqte m'a apma'ák nak, tén han sawo m'a awhók apma'ák nak, yaqwayam emasséssók ma'a ekha nak chá'a eyeyméxchexa aqsok ma'a aphágkaxa, tén han ma'a meyke nak aqsok apagkok.

Jeremías 11:19

Axta katnaháha ko'o ewáxok, máxa axta ektáhak ma'a nepkések kélyentameykekxal'a aptekyómakxa, meyke sekya'áseyak yaqwánxa hetnéssesek. Axta aptáhak chá'a apkelpaqmeta s'e: “Agyaqtennek kaxwók yámet yetlo ekyexna, ampátekkesek sa' se'e apheykegkaxa nak énxet'ák apkelyenna nak makham, yaqwayam sa' méko kaxwók kaxénwakxohok awáxok.”

Jeremías 5:26

Apyetneyk nepyeseksa énxet'ák ahagkok ma'a énxet'ák élmasagcha'a nak apkeltémakxa, apkelyexanmeykha nak chá'a, aptémól'a m'a aptegyéyak nátétkók, apnegkenma nak chá'a kelhanma yaqwayam elmok ma'a apnámakkok.

Miqueas 7:2

Méko kaxwók énxet ekpéwomo aptémakxa keso náxop, tén han meyenseyam nak ma'a Dios; apkelhaxneykha aqsa chá'a kaxwók apnámakkok yaqwayam elnápok; apnegkenchessegkek aqsa chá'a kelhanma yaqwayam elmok.