Proverbios 1:1 - Biblia Enxet

¹ Keso ektémakxa axta apnaqtáxéseyak Salomón, David axta apketche, wesse' apwányam axta Israel,

Proverbios 1:1 ပူးပေါင်းရင်းမြစ်များ

1 Reyes 2:12

Keñe axta aptéma wesse' apwányam Salomón, apyaqmagkasa m'a David, apyáp axta, méko axta han ektemegweykmoho exma m'a aptémakxa nak wesse' apwányam.

1 Reyes 5:12

Cháxa aptémakxa axta Wesse' egegkok apméssama apya'áseykegkoho aqsok ma'a Salomón, ekhawo apkeltennassama axta etnéssesek. Aphéssamók axta han mók apkelpaqhetchásamákpoho Hiram ma'a Salomón, méko axta ektémakxa apkelwáxok neyseksa apheykha.

1 Crónicas 22:9

Étak sa' eyke exchep xama apketche meyke eklo apwáxok; tén sa' nahan ko'o wának kataqmelhok apheykha m'a katnaha nak apnámakkok apheykha nak ekyókxoho yókxexma. Cháxa keñamak peya nak kólteméssesek apwesey Salomón. Tásek sa' katnehek apheykha énxet'ák Israel neyseksa apha m'a.

1 Crónicas 28:5

Keñe m'a nepyeseksa nak apyókxoho étchek, hakte apxámok axta sélmésso m'a Wesse' egegkok, apkelyésancha'a m'a hatte Salomón, yaqwayam etnehek wesse' apwányam ma'a Israel, cham'a aptémakxa nak wesse' apwányam ma'a Wesse' egegkok.

1 Crónicas 29:23

Cháxa ektáhakxa axta aptáha wesse' apwányam Salomón aphakmo m'a taháno aphamakxa nak Wesse' egegkok, apyaqmagkasa m'a apyáp David, keñe axta apwetaya ekxámokma agko' ma'a aqsok apagkok. Apkelyaheykekxók axta han ma'a apyókxoho énxet'ák nak Israel.

1 Crónicas 29:28

Apwányamók apagko' axta aptemék apketsapma, tásek axta apteme apwányamo', xámok axta aqsok apagkok, ekha kéláyo axta han. Apyaqmagkassek axta apteme wesse' apwányam ma'a apketche apwesey nak Salomón.

Proverbios 10:1

Salomón appeywa: Epeykessásekxak chá'a apwáxok apyáp ma'a kélketche apya'áseykegkoho nak aqsok; éntaxnésseshok eyke chá'a awáxok egken ma'a kélketche ekyeyháxma nak.

Proverbios 22:21

yaqwayam enxoho kalxekmósek ektémakxa nak negyekpelchémo ekmámnaqso', yaqwayam enxoho kapéwhok apkeltennasso m'a apkelmaxneyeykha nak chá'a exchep.

Proverbios 25:1

Keso Salomón axta han appeywa s'e, apnaqtáxeseykegkokxa axta m'a énxet'ák Ezequías axta apkeláneykha, wesse' apwányam axta Judá:

Eclesiastés 1:1

Keso apxeyenma énxet apkeltenneykencha'awo axta chá'a, cham'a wesse' apwányam axta m'a Jerusalén, David axta apketche. ¡Kaqhok agwetak aqsok, kaqhok agweta'! ¡Ekyókxoho aqsok ekteme eyaqhémo agweta'!

Eclesiastés 12:9

Neyseksa apyáncháseykegkoho axta apya'áseykegkoho aqsok ma'a Apkeltenneykencha'awo axta chá'a, axta elwátesseykmok han apkelxekmósso énxet'ák ektémakxa nak apyekpelchémo. Kélméssegkek axta han aptamheykha yaqwayam eltámésakpok ekxámokma m'a amya'a segaqhássessamo nak senxeyenma, kéltémók axta han etaqmelcheshok apkeláneykekxa apnaqtáxéséyak.