Oseas 9:8 - Biblia Enxet

⁸ Apteméssessegkek Dios apkeleyxcháseykha Efraín ma'a aplegasso nak appeywa, kélpekkenchessegkek eyke chá'a kéxegke kelhanma m'a apmahágkaxa enxoho chá'a, ¡weykekxók kéltaqnagko kélwákxo enxoho chá'a m'a Dios tegma appagkanamap apagkok nak!

Oseas 9:8 ပူးပေါင်းရင်းမြစ်များ

1 Reyes 17:1

Aptáhak axta Elías apcháneya m'a Ahab, cham'a Elías, apteme axta Dios appeywa aplegasso apkeñama axta Tisbé, yókxexma nak Galaad: “¡Naqsók ko'o ektemessásak yetlo sekxeyenma apwesey Wesse' egegkok, Dios nak Israel, sekyetleykencha'a nak ko'o, megkammakyek sa' se'e apyeyam nak, tén han egmonye' nak, megkatyemek sa' nahan yálye, ekwokmoho séltamho sa' ko'o makham!”

1 Reyes 18:1

Wenaqtémók axta élyeykhéyák ekhem. Apqántánxo apyeyam axta temék, keñe Wesse' egegkok aptéma apkenagkama Elías se'e: “Emyekxa sa' ma'a aphakxa Ahab, hakte wáphaksek sa' ko'o makham ekmámeye.”

1 Reyes 18:19

Yána kaxwo' yánchásekxak énxet'ák apyókxoho israelitas ma'a egkexe nak Carmelo, yetlo m'a cuatrocientos cincuenta apkellegasso nak Baal ekpeywa, tén han ma'a cuatrocientos apkellegasso nak ekpeywa m'a Aserá, ekpasmoma nak ma'a Jezabel.

1 Reyes 22:11

Apkeláneykegkek axta sawo ekyentaxno ekho weyke kepet'ák ma'a Sedequías, Quenaaná axta apketche, keñe aptáha apyennaqtésa appeywa s'e: “¡Aptáhak Wesse' egegkok se'e: ‘Sa' emha ektamagkok sirios se'e aqsok kepet'ák nak, ekwokmoho apsawhawo apyókxoho!’”

1 Reyes 22:22

Tén axta apchátegmowágko espíritu apxéna etnéssesek apkelmopwancha'a amya'a m'a apyókxoho apkellegasso nak amya'a apagkok ma'a wesse' apwányam. Keñe axta Wesse' egegkok aptáha apcháneya s'e: Exeg, elyexanchesha sa' ma'a, katnehek sa' xa apmakókxa nak etnehek.

1 Reyes 22:28

Aptáhak axta makham Micaías: “Apwa'akteyk sa' agkok makham xép yetlo meyke ektáhakxa', háwe sa' eyke eñama Wesse' egegkok seyásenneykekxa ko'o axének.”

1 Reyes 22:6

Apchánchesákxeyk axta wesse' apwányam Israel ma'a cuatrocientos Dios appeywa apkellegasso, aptáhak axta apkelmaxneyáncha'a s'e: —¿Aktamagkoya sa' ko'o m'a énxet'ák apheykha nak Ramot nak Galaad, essenhan maktamagkehe'? Apkelátegmowágkek axta m'a énxet'ák nak: —Ektamák sa', hakte Dios sa' egkések xeyep ma'a.

2 Reyes 13:21

xama axta apkelwet'a apkelxegakmo énxet'ák apkelmenyexma m'a israelitas apchátawanyakxa axta pók, apyenyókek axta aqsa kañe' kélátawanyamakxa axta Eliseo, keñe apkeltaqhákxo. Xama axta ektamháxkoho énxet aphápak ma'a Eliseo aphápak nak, yetlókok axta apxátekhágwayam, apkempákxeyk axta néten.

2 Reyes 2:14

Yetlómok axta aptekpaga yegmen ma'a apchaqlamap nak, keñe apkelpáxameykencha'a: “¿Háxko apmahágkaxa Wesse' egegkok, Dios apagkok nak Elías?” Xama axta aptekpagama yegmen keñe ekmayheykekxo, tén axta aptámeyeykekxo makham wátsam ma'a Eliseo.

2 Reyes 2:21

Keñe Eliseo apmaheykegko m'a ekteyapmakxa nak yegmen appalchesseykmo yásek ma'a, axta aptemék se'e: —Aptáhak Wesse' egegkok se'e: ‘Ektaqmelchásekxeyk ko'o kaxwók se'e yegmen nak, kamaskok sa' kaxwók élnapa énxet, kamaskok sa' nahan élnapa m'a aqsok kélcheneykekxa.’

2 Reyes 4:41

Keñe axta aptáha Eliseo s'e: —Hélsantagkas sa' hótáhap. Xama axta apxatma hótáhap ma'a weygke, keñe aptáha s'e: —¡Kólyekwésák sa' kaxwók énxet'ák! Aptókagkek axta han ma'a, massék axta ekyepetcha'a pánaqte m'a kélhanma nak.

2 Reyes 4:43

Apchátegmowágkek axta m'a apkeláneykha: —¿Háxko ko'o atnehek almésagkok cien énxet'ák se'e? Keñe axta apchátegmowágko Eliseo: —Elmésák sa' énxet'ák yaqwayam etawagkok, hakte apxénchek xeyk Wesse' egegkok etawagkok, tén han apxéna eleymakpok.

2 Reyes 5:14

Aptaqháwok axta Naamán keñe aptáha siete aptaxneykekxa m'a wátsam nak Jordán, apkeltamhókxa axta etnehek ma'a Dios appeywa aplegasso, keñe axta ektamhákxo apyempehek ma'a ektémól'a wokma'ák apyempehek, cháxñákxók axta.

2 Reyes 5:27

Xép sa' kaxwók katnehek xa negmasse ektepelchamaxche egyempehek ektéma axta m'a Naamán, ekweykekxoho m'a aptawán'ák neptámen meyke néxa. Xama axta apyenyékxo Guehazí m'a Eliseo, temék axta negmasse ektepelchamaxche egyempehek ekyentaxno agko', mópégkek axta, ektémól'a yeyam appok.

2 Reyes 7:19

Axta aptemék sẽlpextétamo apkemha apmonye' apchátegmoweykegko m'a Dios appeywa aplegasso, elmeykesagkok sa' eykhe Wesse' egegkok átog étkók ma'a néten, megkatnehek eyke xa aptáhakxa nak. Keñe axta aptéma apchátegmoweykegko Eliseo s'e, apaqta'ák apagko' sa' xeyep éta', metwehek sa' eyke.

2 Reyes 7:2

Apchátegmowágkek axta apyetleykencha'awól'a chá'a wesse' apwányam ma'a Dios appeywa aplegasso: —Elmeykesagkok sa' eykhe Wesse' egegkok átog étkók ma'a néten, megkatnehek sa' eyke xa aptáhakxa nak. Apchátegmowágkek axta Eliseo: —Apaqta'ák apagko' sa' eykhe étak xép xa, metwehek sa' eyke.

Salmos 124:7

Ẽlegketchek negko'o kelhanma, ektémól'a náta kagketek ma'a ektáha nak aptegye; kelekkexáxcheyk ma'a kelhanma, keñe negko'o sẽlegketákxo.

Eclesiastés 9:12

Méko ekya'ásegkoho ekwánxa kammok néxa ekhem agkok: ekhawo ektémakxa nak kelasma kólmok yám'én, keñe náta ma'a kelhanma, cháxa ektémakxa nak han énxet xa, katlakkasek aqsa chá'a káhapwak aqsok ekmaso neyseksa melhaxanma.

Cantares 3:3

Élmaxneyáha axta m'a apkeltaqmelchesso nak tegma apwányam apkelhaxnenchámeykegko axta chá'a m'a nepyáwa. Axta ektáhak séláneya s'e: ¿Yagkólwet'ak kéxegke sekpagkanma, ekmámenyého agko' nak ko'o ewáxok?

Isaías 62:6

Énxet'ák Jerusalén, eyáncháseyha ko'o néten meteymog kélhaxta nepyáwa tegma apwányam kélagkok ma'a apkeleyxcháseykha nak chá'a, yaqwayam sa' etnehek chá'a elpaqmétek yókxoho ekhem tén han yókxoho axta'a s'e: “Kéxegke, kélwóneykha nak chá'a Wesse' egegkok, nágkólwanmeyak aqsa,

Jeremías 11:19

Axta katnaháha ko'o ewáxok, máxa axta ektáhak ma'a nepkések kélyentameykekxal'a aptekyómakxa, meyke sekya'áseyak yaqwánxa hetnéssesek. Axta aptáhak chá'a apkelpaqmeta s'e: “Agyaqtennek kaxwók yámet yetlo ekyexna, ampátekkesek sa' se'e apheykegkaxa nak énxet'ák apkelyenna nak makham, yaqwayam sa' méko kaxwók kaxénwakxohok awáxok.”

Jeremías 14:13

Tén axta ko'o sektáha seyátegmowágko s'e: “Wesse'; apkeltennassegke neykhe apkellegasso nak xép appeywa megkatyephek kempakhakma m'a énxet'ák, tén han meyk segaqhe, tén han apkeltennassama exchep apmáheyo etaksek meyke ektáhakxa apheykha ekwenaqte s'e yókxexma nak.”

Jeremías 23:13

“Ekweteyak axta ko'o apkeláneykegko aqsok sektaqnagkamo nak ko'o m'a apkellegasso axta sekpeywa apheykha axta m'a Samaria: apkelxeyenmeyk axta chá'a m'a amya'a ekxeyenma nak ekwesey Baal, apkelyetnakhásseykmek axta m'a énxet'ák ahagkok Israel.

Jeremías 31:6

Hakte kammok sa' ekhem yaqwayam etnehek elyennaqtéshok apkelpeywa apkelhaxneykha nak chá'a m'a néten egkexe nak Efraín: ‘Kólchexyem, ólmeyekxak Sión, aphakxa nak Dios Wesse' egegkok.’”

Jeremías 6:14

Etnéssesek aqsa chá'a apkelánésso apkelyense m'a énxet'ák ahagkok; exének chá'a ektaqmela, asagkek eykhe katnehek.

Jeremías 6:17

Apnegkenchek axta Wesse' egegkok énxet'ák apkelhaxneykha, tén axta aptáha apkeláneya énxet'ák se'e: “Kólleyxmakha sa' kélaqkahasso magkenatchesso kéltennasso yaqwánxa katnehek.” Keñe axta énxet'ák aptáha s'e: “Magmakók negko'o ageyxho'.”

Lamentaciones 2:14

Wanchek amya'a m'a aptémakxa nak chá'a apkeltennasso aqsok apkelwete m'a apkelánémap axta chá'a etnahagkok apkellegasso Dios appeywa. Meltennassók ekmasagko ektémakxa yaqwayam enxoho eyaqmagkassesek ma'a ektémakxa nak; apkeltennáseykha chá'a m'a aqsok apkelwete ekmowána amya'a nak, naqsók han chá'a teméssessók.

Lamentaciones 4:13

¡Apyókxoho Dios appeywa apkellegasso tén han apkelmaxnéssesso Dios énxet'ák apagkok keñamak ekyegkenamaxko éma apagkok meyke nak apkeltémakxa m'a kañe' nak tegma apwányam!

Ezequiel 3:17

“Xép, énxet, ekteméssessek ko'o exchep apkeleyxcháseykha m'a énxet'ák Israel. Éltennássek sa' agkok chá'a exchep xama amya'a, ellegaksek sa' chá'a m'a sekpeywa, yaqwayam sa' ellegak chá'a.

Ezequiel 33:7

“Ekteméssessek axta ko'o exchep apkeleyxcháseykha m'a énxet'ák Israel, xép aptáha nak énxet. Xeyep sa' chá'a exkak ma'a sektáhakxa sekpeywa tén han eñeksek chá'a m'a sektáhakxa enxoho séltennasso.

Oseas 5:1

“Apkelmaxnéssesso énxet'ák ahagkok, kóleyxho sa' se'e; Énxet'ák Israel, kóltaqmelchesho sa' kélháxenmo; kéxegke wesse' apwányam nak apnámakkok, kóleyxho sa' se'e: Kéxegke sa' kólyekpelchexkoho', hakte máxa kelhanma kélpekkenmal'a kéltemék kéxegke m'a Mispá, tén han xama yám'én kéltegyessól'a m'a egkexe nak Tabor,

Oseas 9:7

¡Wokmek kaxwók yaqwánxa kóllegássesagkoho'! ¡Wokmek kaxwók yaqwánxa kólyaqmagkásekxak ekpayhawo nak kólteméssesek! ¡Ey'asagkohok sa' eyke Israel ekwokmo enxoho xa ekhem nak! Kéltemék chá'a kéxegke s'e: “Ekyeyháxma m'a Dios appeywa aplegasso nak. Ekyeyháxma m'a énxet apha nak apwáxok espíritu.” Kéltemegkek chá'a kéxegke kélpeywa xa ektáha nak, hakte láneyók kélwáxok ma'a kéltémakxa ekmaso, kéllómok kélagko'.

Oseas 9:9

Kélnaqtawásamáxkók kélagko', kéltémakxa axta nanók ma'a Guibeá. Kaxénwakxohok sa' eyke apwáxok Wesse' egegkok ma'a kéltémakxa ekmaso, ellegássesagkohok sa' eñama megkólya'assáxma.

Miqueas 7:4

Máxa yámet ekha nak am'ák apkelxénamap nak chá'a éltaqmalma apkeltémakxa xa énxet'ák nak, máxa pegke m'a apkelxénamap nak chá'a ekha kéláyo. Xegakmek eyke ekhem yaqwánxa kólyaqmagkásekxak apkeltémakxa, apkeltennassama axta m'a énxet apkelhaxneykha cham'a aplegasso nak Dios appeywa. Keñe sa' katyapok nepyeseksa melya'áseyak aptamhágkaxa.