Oseas 9:7 - Biblia Enxet

⁷ ¡Wokmek kaxwók yaqwánxa kóllegássesagkoho'! ¡Wokmek kaxwók yaqwánxa kólyaqmagkásekxak ekpayhawo nak kólteméssesek! ¡Ey'asagkohok sa' eyke Israel ekwokmo enxoho xa ekhem nak! Kéltemék chá'a kéxegke s'e: “Ekyeyháxma m'a Dios appeywa aplegasso nak. Ekyeyháxma m'a énxet apha nak apwáxok espíritu.” Kéltemegkek chá'a kéxegke kélpeywa xa ektáha nak, hakte láneyók kélwáxok ma'a kéltémakxa ekmaso, kéllómok kélagko'.

Oseas 9:7 ပူးပေါင်းရင်းမြစ်များ

2 Reyes 9:11

Xama axta appáxaqweykxo makham Jehú m'a sẽlpextétamo apkelwesse'e apagkok nak ma'a wesse' apagkok, aptáhak axta apkelmaxneyáncha'a m'a: —¿Yaqsa ektáha? ¿Yaqsa ektáha apya'awa nak ma'a énxet ekyeyháxma? —Kélya'ásegko neykhe kéxegke, kélya'ásegkok han aptémakxa nak chá'a appaqméteykha —axta aptáhak Jehú.

Isaías 10:3

¿Háxko sa' kóltéhek kéxegke apkelyetsetchásekxo sa' kéltémakxa m'a Dios, kélwet'a sa' kaxegmak makhawók ma'a kéllegeykegkoho nak? ¿Yaqsa sa' kólyo'ókxak kólmaxnegwakxak yaqwayam kapasmok? ¿Háxko sa' kólnegkenwók ma'a aqsok kélagkok ekxámokma élmomnáwa nak?

Isaías 26:11

Wesse', appenchessek xép aptáhakxa yaqwayam ellegássesagkoho', makke elya'ásegkok ma'a; apkelwet'ak sa' agkok ektémakxa ekyawe apkelásekhayo exchep ma'a énxet'ák apagkok, elmegqeyk sa'. ¡Kamassessamho annal'a aplo xa énxet'ák nak!

Isaías 34:8

Katnehek sa' ekhem apyaqmagkáseykekxexa mók ma'a Wesse' egegkok, apyeyam apyaqmagkassáseykekxexa mók kélteméssessamakxa m'a Sión.

Isaías 44:25

Magwohok ko'o katyapok aqsok apkelxeyenma m'a apkellegasso nak chá'a amya'a apkelmopwancha'a amya'a; malya'ássesagkek chá'a ko'o aqsok ma'a apkelya'áseykegkoho nak chá'a aqsok ekpowasamáxche'. Wánhok nahan chá'a ko'o kólátegmowagkokxak ma'a ekha nak chá'a apkelmopwancha'a, mékoho agko' nahan atnéssesek chá'a m'a ektémakxa nak apkelya'áseyak aqsok.

Jeremías 10:15

aqsok mékoho, tén han kélya'ásseykmoho, emasséssók sa' Wesse' egegkok ma'a ekwokmo sa' ekhem sẽlyekpelchássessamókxa'.

Jeremías 11:23

Megkeymaxcheyk sa' xama enxoho, hakte kawak sa' ekhem yaqwayam ayaqmagkásekxak ko'o kéltémakxa kéxegke, énxet'ák Anatot, wahak sa' ko'o kéxegke aqsok ekmaso.”

Jeremías 16:18

Ayeykhássamhok sa' ko'o sekxók sekyaqmagkáseykekxa m'a apkeltémakxa ekmaso tén han melya'assáxma, hakte apkenyetséssegkek xapop ahagkok apnegkenma m'a aqsok kéleykmássesso apák nak, apkeláneykegkek nahan aqsok sektaqnagkamo nak chá'a ko'o m'a ekyókxoho xapop sekmeyáseykekxa axta ko'o.”

Jeremías 23:13

“Ekweteyak axta ko'o apkeláneykegko aqsok sektaqnagkamo nak ko'o m'a apkellegasso axta sekpeywa apheykha axta m'a Samaria: apkelxeyenmeyk axta chá'a m'a amya'a ekxeyenma nak ekwesey Baal, apkelyetnakhásseykmek axta m'a énxet'ák ahagkok Israel.

Jeremías 25:14

Apkelásenneykha sa' nahan etnahagkok ma'a apchókxa élyawe nak tén han ma'a kelwesse'e apkelwányam apkelyennaqte apagko' nak. Cháxa peya sa' ko'o ayaqmagkásekxak ma'a ekpayhawo nak chá'a m'a aqsok apkelánéyak.’”

Jeremías 29:26

Wesse' egegkok xép apteméssesso apkelmaxnéssesso énxet'ák apagkok, apyaqmagkasso m'a Joiadá, yaqwayam etnehek apkelányo chá'a aqsok m'a tegma appagkanamap nak. Apwa'ak sa' agkok chá'a xama énxet ekyeyháxma, appaqmetchek sa' agkok chá'a etnehek ma'a aptémól'a xama Dios appeywa aplegasso, elatchessesek sa' chá'a exchep apmagkok ma'a yámet élyagqaxe, etétek sa' nahan cadenas.

Jeremías 46:21

Aphawók weyke étkók eknaqmelel'a m'a sẽlpextétamo apagkok kélyánmagkasso nak chá'a apkelempakhe, yenyahagkok sa' eyke han ma'a, mopwancha'ak sa' elenmexekxa', hakte kawak sa' ekhem ekmaso agko', yaqwayam kóllegássesagkoho'.

Jeremías 6:14

Etnéssesek aqsa chá'a apkelánésso apkelyense m'a énxet'ák ahagkok; exének chá'a ektaqmela, asagkek eykhe katnehek.

Jeremías 8:11

Etnéssesek aqsa chá'a apkelánésso apkelyense m'a énxet'ák ahagkok; exének chá'a ektaqmela, asagkek eykhe katnehek.

Lamentaciones 2:14

Wanchek amya'a m'a aptémakxa nak chá'a apkeltennasso aqsok apkelwete m'a apkelánémap axta chá'a etnahagkok apkellegasso Dios appeywa. Meltennassók ekmasagko ektémakxa yaqwayam enxoho eyaqmagkassesek ma'a ektémakxa nak; apkeltennáseykha chá'a m'a aqsok apkelwete ekmowána amya'a nak, naqsók han chá'a teméssessók.

Ezequiel 13:10

“Naqso', apkelyexancháseykha chá'a énxet'ák ahagkok xa énxet'ák nak, apkeltennassama chá'a ektaqmalma apheykha m'a apyókxoho nak, asagkek eykhe m'a apheykha. Máxa m'a énxet aptemessáseykhal'a aqsa apkelane nápakhaw'ék tegma apkelyepetcháseykekxal'a aqsa néten eláxñásekxak ma'a lamhatánek.

Ezequiel 13:3

¡Apkellegasso amya'a élyeyháxma sa' laye, apkelyetleykekxa nak chá'a ektémakxa élchetámeykha agko' apkelwáxok, méko m'a ekmámnaqsoho nak aqsok apkelwete!

Ezequiel 25:17

Asagkók agko' sa' ko'o katnehek sekyaqmagkáseykekxa mók apkeltémakxa m'a; allegássesagkohok sa' yetlo seklómo ahagko'. Élanak sa' agkok xa, elya'ásegwók sa' ko'o sektáha Wesse'.”

Ezequiel 38:23

Keñe sa' axekmósek ko'o apxámokma apagko' énxet sekteme sekwányam tén han sektaqmalma. Altennasaxchek sa' nahan ko'o m'a, tén sa' elya'ásegwók sektáha ko'o Wesse'.

Ezequiel 9:10

Megkalepyósek sa' ko'o alanok xama enxoho m'a, ayaqmagkásekxak sa' ko'o mók ma'a apkeltémakxa nak.”

Oseas 14:1

¡Israel, ey'ókxa makham Dios Wesse' apagkok, mey'assáxma axta exchep keñamak aptéyékmo!

Oseas 5:9

Ekxénchek ko'o yaqwánxa katnehek ma'a nepyeseksa nak pók aptémakxa énxet'ák Israel, naqsók sa' katnehek: Ekmaso agko' sa' katnekxak ma'a apchókxa nak Efraín ekwa'a sa' ekhem kéllegassáseykegkoho.

Oseas 8:13

Aqsok ektekyawa aqsa apmenyeyk ma'a, keñe elnápok chá'a, etawagkok chá'a ápetek ma'a aqsok ektekyawa nak; megkalchehek eyke chá'a ko'o ewáxok xa aqsok nak, ko'o sektáha nak Wesse'; kaxének sa' ewáxok ma'a apkeltémakxa ekmaso apkeláneyak nak, allegássesagkohok sa' eñama melya'assáxma wának eltaqhohok makham ma'a Egipto.

Oseas 9:8

Apteméssessegkek Dios apkeleyxcháseykha Efraín ma'a aplegasso nak appeywa, kélpekkenchessegkek eyke chá'a kéxegke kelhanma m'a apmahágkaxa enxoho chá'a, ¡weykekxók kéltaqnagko kélwákxo enxoho chá'a m'a Dios tegma appagkanamap apagkok nak!

Amós 8:2

tén axta aptáha sélmaxneyeyncha'a s'e: —Amós, ¿yaqsa apwet'a? —Xama hówenaq apxagkok kélxata yámet ekyexna élmakhetma —axta ektáhak seyátegmowágkokxo. Tén axta aptáha seyáneya Wesse' egegkok se'e: —Máxa yámet ekyexna élmakhetma aptamhágkok ma'a énxet'ák Israel; malásekhekxók sa' chá'a ko'o kaxwók xama enxoho m'a.

Miqueas 2:11

Yetneyk agkok xama énxet aptamheykha apmopwána amya'a, etnehek chá'a s'e: “Añeksohok chá'a ko'o kéxegke m'a anmen yámet égmenek, tén han ma'a mók anmen nak”, cháxa yaqwayam etnehek Dios appeywa aplegasso apagkok ekleklamo apwáxok xa énxet'ák nak.

Miqueas 7:4

Máxa yámet ekha nak am'ák apkelxénamap nak chá'a éltaqmalma apkeltémakxa xa énxet'ák nak, máxa pegke m'a apkelxénamap nak chá'a ekha kéláyo. Xegakmek eyke ekhem yaqwánxa kólyaqmagkásekxak apkeltémakxa, apkeltennassama axta m'a énxet apkelhaxneykha cham'a aplegasso nak Dios appeywa. Keñe sa' katyapok nepyeseksa melya'áseyak aptamhágkaxa.

Sofonías 3:4

Éleymáxkoho apkelwáxok ma'a énxet'ák apagkok apkellegasso nak chá'a Dios appeywa tén han apkelyexancháseykha chá'a pók; aptawáseykha tegma appagkanamap ma'a énxet'ák apagkok apkelmaxnéssesso nak chá'a Dios énxet'ák apagkok, meláneykegkok ma'a Wesse' egegkok segánamakxa apagkok.