Oseas 9:6 - Biblia Enxet

⁶ Apkenyaheykegkek ekmáheyo kólmasséssók ma'a, énxet'ák Egipto sa' eyke yánchásekxa', sa' kólátawanyek ma'a Menfis. Pa'at sa' kápekxak ma'a aqsok éltaqmalma apagkok, sawo' élmope élmomnáwa nak, katyapok sa' yámet ekha nak am'ák ma'a apkelpakxeneykegkaxa nak.

Oseas 9:6 ပူးပေါင်းရင်းမြစ်များ

2 Reyes 13:7

Cincuenta sẽlpextétamo apagkok axta aqsa apkeleymomákpok ma'a Joacaz, apkelchánte nak yátnáxeg, diez yátnáxeg apkelyenyawasso apkenchesso nak kempakhakma, keñe han diez mil ma'a sẽlpextétamo apkelxega nak náxop. Hakte wesse' apwányam Siria axta ektáha apmassésseyam apyókxoho, tén han aptemessáseykekxo xóp ánek.

Salmos 107:34

yásek xapop chá'a etnessásekxak ma'a xapop ektaqmalma nak, eñama ekmaso apkeltémakxa m'a apheykha nak awáxok;

Proverbios 24:31

keñe sekwet'a ekxámokma éktegeykekxa namyep apagkok ma'a aqsok ekha nak am'ák, kelyaqneneykegkek ma'a meteymog aphaxtegkesso nak.

Isaías 11:11

Exekmósek sa' makham apmopwána Wesse' egegkok apmako sa' enaqlanták makham énxet'ák apagkok apkeleymomap xa ekhem nak, apnaqlósawákxo sa' makham ma'a Asiria, Egipto, Patros, Etiopía, Elam, Sinar, Hamat tén han ma'a apkelókxa ekhéyak nak neyáwa wátsam ekwányam.

Isaías 19:13

Élyeyháxma m'a kelwesse'e nak Soan kélyexancháseykha nahan chá'a m'a kelwesse'e nak Menfis, kélnaqleykekxeyk Egipto megkatnahakxa ámay ma'a kelwesse'e nak chá'a xama apheykegkaxa.

Isaías 27:12

Elának sa' aqsok Wesse' egegkok xa ekhem nak eyeynamo ma'a Éufrates ekweykekxoho m'a wátsam Egipto, máxa sa' etnehek ma'a aptémól'a énxet apkempassól'a apyempe'ék apák ma'a hótáhap apaktek; keñe sa' kéxegke israelitas, kélxama kélxama sa' chá'a kólmaxchek kólánchásekxa'.

Isaías 32:13

Katyapok sa' yámet ekha nak am'ák tén han ekmompánaqma m'a seyókxa, cham'a apyókxoho tegma nak ma'a tegma apwányam élpayheykekxexa nak chá'a apkelwáxok ma'a énxet, ekyetnamakxa nak chá'a m'a apkelátseykha.

Isaías 34:13

Kalántépok sa' yámet ekha nak am'ák ma'a tegma apkelyawe apkeltaqmalma apagkok nak, keñe sa' yátape' tén han kentem ma'a tegma apkelyennaqte apagkok nak. Katnehek sa' xama yókxexma élleykegkaxa m'a semheg nawha'ák éllo tén han apkelyexanmomakxa m'a xápen.

Isaías 5:6

ektaqmópeyak sa' atnessásekxa'. Megkólyaqténchesagkek sa' nahan chá'a m'a axchakkok, megkólápetchesek sa' nahan chá'a m'a pa'at, kápekxak sa' ma'a am'ák tén han ma'a ekmompánaqma nak. Wának sa' nahan ko'o megkáphássesek ekmámeye m'a yaphope, yaqwayam sa' megkayássese'.

Isaías 7:23

Cháxa ekhem nak, katnekxak sa' émhakxa yenta'a ekha nak am'ák tén han ekmompánaqma m'a émhakxa axta chá'a ekxámokma agko' ma'a anmen yámet, ekteyapmo axta chá'a ekyánmaga mil sawók selyaqye sawo ekmope élmomnáwa nak.

Jeremías 2:16

Apkelmópessessamók apkelyaqténchesso áwa' kélyetseksa'ák ma'a énxet'ák Menfis, tén han ma'a énxet'ák Tafnes.

Jeremías 42:22

Kólya'asagkoho sa' peya kóletsapwók kempakhakma, meyk tén han negmasse m'a apchókxa kélmakókxa nak kólhók.”

Jeremías 44:1

Keso amya'a apxawe axta Jeremías, ekxeyenma m'a apyókxoho judíos apkelhayam axta m'a Egipto, cham'a tegma apkelyawe nak Migdol, Tafnes, Menfis, tén han ma'a yókxexma ekpayho nak nepyeyam:

Jeremías 44:12

Wának sa' ko'o kólmasséssók apyókxoho m'a apkelheykekxa nak Judá, tén han apkelpekheykha axta elmeyekxak elhakxak ma'a Egipto. Apyókxoho sa' eletsapok kempakhakma, meyk, cham'a ketcheyetse nak ekweykekxoho m'a apkelwányam nak, etnahagkokxak sa' éñamakxa néltémo hentemegwomhok exma ekmaso, tén han mékoho, tén han aqsok eyeymáxkohol'a kataxche'.

Jeremías 44:13

Allegássesagkohok sa' ko'o apheykha nak Egipto, ektéma axta séllegassáseykegkoho m'a énxet'ák Jerusalén, kempakhakma sa' alha', meyk, tén han negmasse.

Jeremías 46:14

“Kóllegés Egipto s'e, tén han Migdol, tén han Menfis, tén han ma'a Tafnes: ‘¡Kólleyxmakha, kóllánekxa kéltáhakxa! ¡Yetnakmek ekyógkexma sókwenaqte kélnepyáwa!’

Jeremías 46:19

Kóllánekxa sa' kéltáhakxa yaqwayam kólnaqlakxak megkatnahakxa kélókxa, kélheykha nak Egipto, hakte meyke xama aqsok sa' katnekxak ma'a Menfis, tén han nápakha'a apketkók, meyke xama énxet apha.

Ezequiel 30:13

“Ektáhak ko'o sekpeywa s'e, sektáha nak Wesse': Amasséssók sa' ko'o m'a aqsok kéleykmássesso, tén han ma'a aqsok kéláyókxa élmowancha'a amya'a nak ma'a yókxexma Menfis. Mexnekxók sa' chá'a kaxwók wesse' m'a Egipto, nélmenaye ekyawe sa' ko'o atekkesek ma'a apchókxa nak.

Ezequiel 30:16

Awatnek sa' ko'o m'a Egipto, keñe sa' elpexyawha ellegagkohok ekmáske m'a énxet'ák apheykha nak Sin; kólyagqaxqatagkok sa' nekhaw'ék meteymog kélhaxta nepyáwa m'a Tebas, keñe sa' ma'a Menfis kólchetamagkok ekhakxoho ekhem.

Oseas 10:8

Kólmasséssók sa' ma'a apkelpeykessamókxa nak chá'a aqsok kéleykmássesso, apkeláneykegkaxa nak chá'a melya'assáxma m'a énxet'ák Israel. Kampagqak sa' ma'a néten apkelwatnamakxa nak chá'a aqsok, katyapok sa' yámet ekha nak am'ák, keñe sa' énxet'ák etnehek elának meteymog élwenaqte élekhahéyak se'e: “¡Hẽlpós negko'o!” keñe sa' etnehek elának egkexe étkók se'e: “¡Hegápekxa negko'o!”

Oseas 11:11

“Máxa náta sa' etnehek elchexyók apkeleñama m'a Egipto, yetlo apkelpexyennama, máxa wáx'ay sa' etnehek elchexyók apkeleñama m'a Asiria, wának sa' ko'o makham elhaták ma'a apxanák axta. Ko'o sekxeyenma xa, sektáha nak Wesse'.

Oseas 2:6

“Cháxa keñamak peya nak ko'o wáhakkásekxak am'ák ma'a ámay agkok nak, wahaxtegkesek sa' ma'a neyáwa', yaqwayam sa' megkótyehek ámay agkok.

Oseas 7:11

Aphawók Efraín ma'a aptémól'a wáx'ay ekyeyháxmal'a, meyke apya'áseyak aqsok: aptegyágweykmek ekpasmo m'a Egipto, keñe apmeyeykekxo nahan ma'a Asiria.

Oseas 7:13

“¡Asagkek sa' katnehek ektáhakxa eñama seyamasma! Káhapwak sa' kélmassésseyam, hakte élenmexeykekxeyk ko'o. Émenyeyk eykhe ko'o alwagkasek teyp ma'a, apkelmopwancha'a amya'a eyke chá'a aptamheykegkok sénmexma ko'o.

Oseas 7:16

Apkelye'eykekxeyk axta eyke m'a aqsok kéleykmássesso, aphawók ma'a yágke ektaqhél'a, megkapayhémól'a negya'asakxa m'a aktek nak. Sókwenaqte sa' kólyetxák kólnápok ma'a apkelámha apmonye'e apagkok nak, eñama éleymáxkoho apkelpaqméteykha, elesmaksek sa' ma'a énxet'ák Egipto.

Oseas 8:13

Aqsok ektekyawa aqsa apmenyeyk ma'a, keñe elnápok chá'a, etawagkok chá'a ápetek ma'a aqsok ektekyawa nak; megkalchehek eyke chá'a ko'o ewáxok xa aqsok nak, ko'o sektáha nak Wesse'; kaxének sa' ewáxok ma'a apkeltémakxa ekmaso apkeláneyak nak, allegássesagkohok sa' eñama melya'assáxma wának eltaqhohok makham ma'a Egipto.

Oseas 9:3

Emyekxak sa' makham Efraín ma'a Egipto, Etáswakxak sa' nento élmanyása m'a Asiria. Mexnakha sa' kaxwók ma'a Wesse' egegkok apchókxa nak:

Levítico 26:33

Waxpánchesek sa' ko'o kéxegke alya'aksek nepyeseksa m'a pók aptémakxa énxet'ák nak, sókwenaqte sa' amenxenchesek; yókxexma meykexa énxet sa' katnekxak ma'a kélókxa nak, keñe sa' ma'a tegma apkelyawe kélagkok nak, etnekxak segyegwakkassamo agweta'.

Sofonías 1:11

¡Kéxegke, kélheykha nak tegma Mortero, kalpayheykha kélatña'ák hakte esawhakpohok sa' eletsapok apyókxoho m'a apkexeykekxa nak chá'a aqsok, kólmasséssók sa' apyókxoho m'a apkelseykha nak chá'a selyaqye!

1 Samuel 13:6

Xama axta apkelwet'a eyesagko ektáhakxa m'a israelitas, hakte apkellókók apagko' axta apketámegko m'a filisteos, apkelyexánegwokmek axta chá'a meteymog áxwa, tén han maxcha'a, keñe han neyseksa meteymog élyawe, tén han xóp élyapwate, keñe han yámelchet.