Oseas 9:3 - Biblia Enxet

³ Emyekxak sa' makham Efraín ma'a Egipto, Etáswakxak sa' nento élmanyása m'a Asiria. Mexnakha sa' kaxwók ma'a Wesse' egegkok apchókxa nak:

Oseas 9:3 ပူးပေါင်းရင်းမြစ်များ

1 Reyes 9:7

alántekkesek sa' ko'o Israel ma'a xapop sekméssamakxa axta, alyetnakhaksek sa' sekhakxa tegma appagkanamap sekteméssessama axta appagkanamap, apkelasmésamap sa' atnéssesek Israel nepyeseksa m'a apyókxoho pók aptémakxa énxet'ák nak.

2 Reyes 17:6

Keñe ekweykmo axta nueve apyeyam apteme wesse' apwányam Oseas, apmomchek axta wesse' apwányam Asiria m'a Samaria, keñe axta apkelmoma israelitas apnaqleykekxo Asiria, apkelhésseykmek axta m'a Halah, yókxexma nak Habor, wátsam nak Gozán, keñe han ma'a tegma apkelyawe apagkok nak medos.

Jeremías 16:18

Ayeykhássamhok sa' ko'o sekxók sekyaqmagkáseykekxa m'a apkeltémakxa ekmaso tén han melya'assáxma, hakte apkenyetséssegkek xapop ahagkok apnegkenma m'a aqsok kéleykmássesso apák nak, apkeláneykegkek nahan aqsok sektaqnagkamo nak chá'a ko'o m'a ekyókxoho xapop sekmeyáseykekxa axta ko'o.”

Jeremías 2:7

Eknaqleykenteyk axta ko'o s'e ektaqmelakxa nak xapop, yaqwayam enxoho kóltawagkok aqsok ekyexna eñama nak xa xapop nak, tén han ma'a aqsok éltaqmalma éleñama nak xa. Kélxegeykmek axta kéxegke, keñe kéletsagkassa'a xapop ahagkok, éltaqnawassáseykekxeyk axta s'e apchókxa nak, ektáha nak ko'o ahagkok ahagko'.

Lamentaciones 5:6

Nélmaxneyeykha axta chá'a nentéyak ma'a egipcios tén han asirios.

Ezequiel 4:13

Tén axta aptáha Wesse' egegkok se'e: “Nento ekmanyása ektéma nak xa, sa' etawagkok énxet'ák Israel ma'a apkelókxa yaqwánxa nak ko'o alya'aksek alántekkesek.”

Daniel 1:8

Xeyenmeyk axta eyke apwáxok Daniel mepasmehek apto tén han apyá vino m'a wesse' apwányam nak, yaqwayam enxoho metwasakpehe', tén axta apkelmaxnagkama m'a apkemha apmonye' nak wesse' apwányam apxagkok, megyánhek etwok xa nento nak, yaqwayam enxoho metwasakpehe'.

Oseas 11:11

“Máxa náta sa' etnehek elchexyók apkeleñama m'a Egipto, yetlo apkelpexyennama, máxa wáx'ay sa' etnehek elchexyók apkeleñama m'a Asiria, wának sa' ko'o makham elhaták ma'a apxanák axta. Ko'o sekxeyenma xa, sektáha nak Wesse'.

Oseas 11:5

axta eyke emáheyók hey'ótak ko'o. Cháxa keñamak peya eltaqhohok makham ma'a Egipto, Asiria sa' etnehek wesse' apwányam apagkok.

Oseas 7:11

Aphawók Efraín ma'a aptémól'a wáx'ay ekyeyháxmal'a, meyke apya'áseyak aqsok: aptegyágweykmek ekpasmo m'a Egipto, keñe apmeyeykekxo nahan ma'a Asiria.

Oseas 7:16

Apkelye'eykekxeyk axta eyke m'a aqsok kéleykmássesso, aphawók ma'a yágke ektaqhél'a, megkapayhémól'a negya'asakxa m'a aktek nak. Sókwenaqte sa' kólyetxák kólnápok ma'a apkelámha apmonye'e apagkok nak, eñama éleymáxkoho apkelpaqméteykha, elesmaksek sa' ma'a énxet'ák Egipto.

Oseas 8:13

Aqsok ektekyawa aqsa apmenyeyk ma'a, keñe elnápok chá'a, etawagkok chá'a ápetek ma'a aqsok ektekyawa nak; megkalchehek eyke chá'a ko'o ewáxok xa aqsok nak, ko'o sektáha nak Wesse'; kaxének sa' ewáxok ma'a apkeltémakxa ekmaso apkeláneyak nak, allegássesagkohok sa' eñama melya'assáxma wának eltaqhohok makham ma'a Egipto.

Oseas 9:6

Apkenyaheykegkek ekmáheyo kólmasséssók ma'a, énxet'ák Egipto sa' eyke yánchásekxa', sa' kólátawanyek ma'a Menfis. Pa'at sa' kápekxak ma'a aqsok éltaqmalma apagkok, sawo' élmope élmomnáwa nak, katyapok sa' yámet ekha nak am'ák ma'a apkelpakxeneykegkaxa nak.

Levítico 18:28

Nágkalántekkes aqsa kéxegke apchókxa, eñama kélláneyak aqsok ekmanyása, ektéma axta élántekkessama m'a énxet'ák apheykha axta apmonye'e m'a, amonye' axta kélwayam kéxegke.

Levítico 20:22

“Kóllána segánamakxa ahagkok, tén han seyánamakxa nak kóltéhek; kóllána ekyókxoho nak. Cháxa peya sa' megkalántekkesek kéxegke m'a xapop seknaqlawakxa nak ko'o yaqwayam kólhamok ma'a.

Levítico 25:23

“Megkólyenyewek sa' chá'a kéxegke xapop kélyamasmo kélagko': ko'o ahagkok xapop, yaqwatakxoho kélheykha eyke aqsa kéxegke kañe' nak, máxa meyk'a ahagkok ko'o.

Amós 7:17

Keso aptáhakxa nak appeywa Wesse' egegkok se'e: ‘Kelán'a ekyaqmagkáseyak pók énxet ektegye selyaqye sa' katnehek aptáwa' exchep ma'a nepyeseksa nak tegma apwányam, keñe sa' apketchek apkelennay'a tén han kelwán'ák, kólyetxeygkok chá'a sawo kólnápok; xama aqsok sa' katwasaxchek kólexpánchesek ma'a xapop apagkok, yetsapok sa' xépxa m'a xapop apagkok nak énxet'ák melya'áseyak nak Dios, keñe sa' israelitas elmakpok, kólnaqlók makhawók agko' ma'a apchókxa.’

Miqueas 2:10

¡Kólchempekxa néten! ¡Kólxeg! Háwe néllókassamakxa negyampe s'e; kólmasséssók sa' meyke eyeymomáxche eñama ekyetno élánamáxche aqsok ekmaso m'a kañe'.

Deuteronomio 28:63

Sa' etnehek nahan kaxwók kapayhekxak apwáxok Wesse' egegkok enaqtawasha tén han emasséssók kéxegke m'a ektémakxa axta ekpayheykekxo apwáxok ma'a apteméssessamakxa axta chá'a ektaqmela tén han apxámáseykekxo, hakte énnaqtések sa' apyempehek elántekkesek ma'a apchókxa yaqwánxa sa' kólhamok.

Deuteronomio 28:68

Apkeltennassegkek axta eykhe Wesse' egegkok meltémo kólmeyekxak makham ma'a ámay ekmahéyak nak Egipto, yántakpayhe sa' eyke yának kólchántek kólmeyekxak makham ma'a, keñe sa' eltennaksek elmeyásekxak ekha ekyánmaga m'a kélenmexma nak yaqwayam etnehek apkelásenneykha naqsa; méko sa' eyke xama énxet enxoho yepmenyéhok elmekxa'.”

Deuteronomio 4:26

ekpekkenchek ko'o sakhem néten tén han náxop yaqwayam katnehek ekweteykegkoho, kaxwók sa' kólmassegwók kéxegke m'a apkelókxa yaqwánxa nak kólmok, cham'a neyp wátsam Jordán nak. Megkawegqók sa' kélheykha m'a xapop nak, kólmasséssók sa' kélyókxoho.

Josué 23:15

Sa' etnehek han yahak kéxegke mók ektémakxa nak chá'a aqsok élmasagcha'a Wesse' egegkok ma'a aptémakxa nak apkeláneya ekyókxoho m'a aqsok éltaqmela apkeltennassama axta etnéssesek, ekwokmoho kélsawhéxkoho kélagko' kéxegke s'e xapop ektaqmalma apmésso axta,